غارة فيلا محمد الطويل-الكينج مريوط 28-5-2010

**MOK3336** · 21-05-2010 05:46 PM

هو ممكن يا جماعة أجي معاكم عادي ولا إية

**abou_ruqi** · 21-05-2010 06:47 PM

المشاركة الأصلية كتبت بواسطة mok3336

هو ممكن يا جماعة أجي معاكم عادي ولا إية

يا عم الدعوة عامة لأعضاء المنتدى
وألا أنت مش من أعضاء المنتدى و ألا إيه ؟

**M.Mostafa80** · 21-05-2010 08:52 PM

ياريت ياشنورى تجيب الوصف التفصيلى اللى انت كنت حاطه ساعه مقابله فيلا الطويل المره اللى فاتت

**SHNORY** · 21-05-2010 09:34 PM

المشاركة الأصلية كتبت بواسطة m.mostafa80

ياريت ياشنورى تجيب الوصف التفصيلى اللى انت كنت حاطه ساعه مقابله فيلا الطويل المره اللى فاتت

غالي والطلب رخيص يا محمد بيك
دا الوصف الي انا كتبته قبل كده

اولا
بالنسبه للي جايين من القاهره حيلفوا من اليوتيرن اللي متعلم عليه بعد اجتياز البوابات والنزول من كوبري العامريه
حيكون ماكدونالدز علي شمالهم ولما يلفوا حيكون قدامهم ويدخلوا من طريق مدينه برج العرب الجديده
او كما يقال طريق الكافوري

بعد ما يدخلوا الطريق ب3 كيلو متر بالظبط
حيلاقو شركه ميدور علي يمينهم
ويوتيرن حكومي عليه علامات بتقول انه يوتيرن
علشان فيه قبل منه فتحات الاهالي الاهالي هما الي عاملينها علشان يلفوا
وفي وش اليوتيرن فيه شارع حندخل منه
ونفضل ماشيين لحد ما نلاقي مطب صناعي
اول ما تعدي المطب تدخل شمال تمشي حوالي 200 متر بالعربيه
حتلاقي ارض عليها سور بدون مباني (مش دي اللي حنتقابل فيها )
تدخل شمال حتلاقي فيلا الطويل
وطبعا عربياتنا حتكون واقفه وواضحه
ودا الرسم التوضيحي للمكان لحد المطب

طبعا اي تغييرات حصلت في الاحداثيات يا ريت محمد الطويل يبلغنا بيها علشان انا عملت الصور علي اخر مره روحت فيها الفيلا

**Karim_Monir** · 21-05-2010 11:30 PM

الاستطلاع 20 واحد عايز يوم 28 و7 ليوم 4 يونيه
وبالفعل انسب لان اليوم التاني هايكون قرب قوي من معرض اوتو ماك
وانا كمان هاكون مش فاضي لاسباب هاتعرفوها لاحقا ان شاء الله
نيجي للتفاصيل
التجمع
من اول الساعة 11 صباحا في فيلا الطويل اللي هايشرح مكانها حد غيري
هايقطع طقوس المقابلة صلاة الجمعة اللي بتخلص بين واحدة ونصف ظهرا او 2 حسب ميعاد المسجد
الطويل عامل تورتة ظريفة عازم عليهم الاعضاء شكرا جزيلا طويل باشا
الاكل:
لحمة مشوية مشتراه عن طريقى ويجب ارسال رسالة تاكيد بالحضور من كل شخص هايحضر المقابلة على ميل المنتدى اللي في توقيعي
الى جانب لحمة كباب حلة ساقوم تحضيرها مسبقا في البيت وهاجيبها جاهزة على التسخين
عشان كدة بقول تاكدو عليا العدد عشان اشتري اللحمة مناسبه للعدد وساقوم بتتبيلها قبلها بيومين وازود الخل عشان تتشوي بسهولة ان شاء الله وكل واحد هايكون له نصيب من كباب الحلة والمشوي وشوية مكرونة هانعملها بسرعة في مطبخ الفيلا وارز بسمتي سيقوم بتحضيرة شنوري وممكن الغاء بند المرونة ونكتفي الارز البسمتي
تنضيف الفيلا شيئ اساسي لكل الحضور
مفيش حد هاينضف الفيلا ورانا والفيلا بتتقفل يعني لازم تتنضف احسن ما هاندخلها كفاية اللي حصل السنة اللي فاتت وحصل في المعمورة وحصل في العجمي في عيد ميلاد المنتدى قبل الماضي
الحاجة الساقعة والمناديل والمياه المعدنية والاطباق والاكواب وفحم الشوي ومستلزمات اليوم وخلافة ساقوم بشرائها وساقوم بحساب التكلفة وتقسيمها على الحاضرين
اللي عايز يعرف التكلفة كام عشان يعمل حسابة هاتكون بين 40 و 50 جنية مش اكتر ان شاء الله
شاملة كل حاجة اكل وفحم شوي ومستلزمات يوم كامل
عشان كدة بقول لازم اللي هايجي ياكد عليا الحضور واللي هايجي ومش عايز ياكل يعرفني انه هايجي ويجيب اكله معاه عشان ماعملش حسابة غير في مستلزمات اليوم فقط من ميه وحاجة ساقعة ومناديل وشاي وقهوة وخلافة

باكد لاخر مرة على النضافة واحنا ماشيين مش عايزين اي مواقف محرجة
تمنياتي لكم بقضاء يوم ممتع كالعادة

(ان شاء الله يوم المقابلة في مفاجئة حلوة يا ريت الكل يجي)

**yoko** · 21-05-2010 11:34 PM

حراااااااااااااااام عليك يا كريم عندنا إمتحانات مينفعش تتأجل شهر!!!!!!!!!!!

**misoalex** · 22-05-2010 12:58 AM

المشاركة الأصلية كتبت بواسطة aezzat

التاكيد على ميل المنتدى ؟؟؟؟؟؟؟

معلش يا كريم مش فاهم يعنى اعمل ايه؟؟؟؟؟؟؟؟؟

تبعت رساله تأكيد حضور على الميل الى فى التوقيع بتاع كريم

-

-

مشاهدة نتائج الإستطلاع: ميعاد المقابلة

الموضوع: غارة فيلا محمد الطويل-الكينج مريوط 28-5-2010

LinkBack

أدوات الموضوع

عرض

-

-

-

-

-

المواضيع المتشابهه

محمد الطويل....كل سنة وإنت طيب

الكينج محمد منير والثورة

تقرير مقابله الاسكندريه الكينج 28-5-2010

الكلمات الدلالية لهذا الموضوع

المفضلات

المفضلات

ضوابط المشاركة