السلام عليكم يا وحوش الدايو :F_eyeb1[1]:،انا عندي نوبيرا مانويل98, هل قطع الEGR VALVE بيأثر على حساس الأكسجين وكذا علبة البيئة؟لان اعتقد والله اعلم إن عادم السيارة بعد غلق الEGR VALVE حيزيد حبتين وده بيكون لو تاثير ،ساعدوني يا جماعة ولكم جزيل الشكر٠
عرض للطباعة
السلام عليكم يا وحوش الدايو :F_eyeb1[1]:،انا عندي نوبيرا مانويل98, هل قطع الEGR VALVE بيأثر على حساس الأكسجين وكذا علبة البيئة؟لان اعتقد والله اعلم إن عادم السيارة بعد غلق الEGR VALVE حيزيد حبتين وده بيكون لو تاثير ،ساعدوني يا جماعة ولكم جزيل الشكر٠
عمر العربية ما تتظبط بدون ال egr خصوصا النوبيرا
عزيزي صمام ال EGR هو اختصار ل Exhaust Gas Recirculation أي صمام تدوير غازات العادم وهو يقوم بالتحكم في كمية غازات العادم التي يتم اعادة ضخها مع هواء الإحتراق بهدف اكمال ماقد يتبقي من غازات واكاسيد للكربون او الكبريت غير محترقة بهدف حرقها بفاعلية اكبر ومن ثم تقليل الإنبعاثات ولكن هذا ليس صميم دور هذا الصمام فهو مسؤول عن دور اخطر واهم بكثير وهو السيطرة علي معدل الحريق داخل المحرك لأن نسبة غازات العادم المضغوطة تهدئ من معدل الإحتراق خاصة تحت ظروف التشغيل بالأجواء الحارة وبالتالي فأن الغاؤة سيسبب ارتفاع نسبي في حرارة المحرك خاصة مع دورات مرتفعة نسبيا انا اعلم تماما انة يمكن ان يسبب تدفق كمية عادم اكثر من الطبيعي للمحرك فيسبب ضعف اداء ولكن تغييرة افضل او تنظيفة لكن بالأجواء الحارة لا غني عنة
كلام سليم ازاى؟؟... طيب اشرحلى انت ازاى غازات العادم (اللى اساسا محروقة) حتساعد على حرق اكاسيد الكربون (اللى هى محروقة اصلا) و بالتالى تقلل من تلوث البيئة؟؟؟
ازاى اساسا يبقى فيه نظام شغلتة انة يفصل جزء من العادم عشان يدخلة مرة تانية الى العادم و يسبب فرق فى نواتج العادم دة؟؟؟؟؟
MMamdouh
كلامك كله عشرة على عشرة يا استاذ ممدوح
بدليل انى فاصل ال egr عند مسافة 24000 كم و انا عامل 195000 دلوقتى و محصلش حاجة غير انى لوثت البيئة باكسيد النيتروجين و زودت كفائة العربية
وهو يقوم بالتحكم في كمية غازات العادم التي يتم اعادة ضخها مع هواء الإحتراق بهدف اكمال ماقد يتبقي من غازات واكاسيد للكربون او الكبريت غير محترقة بهدف حرقها بفاعلية اكبر
ما انا كمان الجزئيه دي مش فاهمها ؟؟ وبعدين مش المفروض ان العادم الي بيخرج عن طريق صباب العادم مش بيدخل تاني وان egr بيقلل نسبة الانبعاثات الكربونيه لعدم الضرر بالبيئة
فائدة الEGR زى ما قد قيل من قبل انه عند اجتماع شروط معينه (درجة حرارة عالية - بس طبيعية - + RPM غالبا فوق 1800) ال ECU بيعطى اشارة لل EGR solenoid علشان يفتح مجرى الهواء الى بيشفط رق صمام ال EGR لفوق مع مساعدة ضغط غازات الشاكمان من تحت مكبس الصمام فيقوم الصمام يفتح للسماح بجزء من الغازات انها تدخل لغرف الاحتراق فطبعا كفائة الاحتراق حتقل مسببة انخفاض درجة حرارة الاحتراق و كل ده علشان تجنب توفر الظروف الملائمة لتكون اكسيد النيتروجين الضار بالبيئة و طبعا المنظومة دى على حساب كفائة الماتور يعنى الغائها حيحسن كفائة الماتور على حساب البيئة
اما بالنسبة لاول اكسيد الكربون فبيتم تحويله الى ثانى اكسيد الكربون من خلال مروره فى علبة البيئة بالشاكمان (المحول المحفز CATALYTIC CONVERTER) الى بتحتوى على مادة كميائية محفزة CATALYZER
فى برضه انظمة اخرى للحفاظ على البيئة زى ال PCV (فايظ بخار الزيت) و ايضا علبة الفحم الخاصة بامتصاص بخار البنزين و اعادة استخدامه charcoal canister
و الانظمة دى تندرج تحت مسمى EMISSION CONTROL (انظمة التحكم فى الانبعاثات)
كنا اتكلمنا في الموضوع ده قبل كده وأدي الموضوع القديم:
http://www.nilemotors.net/Nile/133959-egr.html
وبرضو ما وصلناش لحل، بس أنا ما زلت عند رأيي انه صمام مهم وإلغائه ليس إجراء سليم ولو عطلان ينظف او يتم تغييره، وإلغائه عن عمد يؤدي لرفع حرارة المحرك وإتلاف علبة البيئة وتلويث البيئة نفسها (يعني اذا كان حد يهمه البيئة).
وعموماً اللي عايز يلغيه مافيش مشاكل يلغيه. بس خلصت
مش كل العادم اللي بيخرج من السيارات تام الاحتراق (يعني مش أساساً محروقة) وسيادتك عارف ان السيارة آله عديمة الكفاءه في استغلال الطاقة، ويكفي اننا نذكر على سبيل المثال انه في افضل انواع السيارات من حيث كفاءة استغلال الوقود سيكون في على الأقل 30% فاقد في شكل حرارة منبعثة وصوت مزعج لأجزاء الموتور، فما بالك بعربيات المحروسة.
وبعدين إنا مقتنع انه الخواجة مصممش حاجة أساسيه في العربيه بتاعته عشان ينفع حد ييجي يلغيها من غير ما يكون لها أثر على أداء المحرك او عمره الافتراضي - إلا إذا كان بقى عيب في التصميم مثلاً وفي الحاله دي بتقوم الشركات المصنعة المحترمة - زي ما عملت تويوتا مثلاً - باستدعاء السيارات بتاعتها لاصلاحها.
بصراحة مسمعتش عن شركة قامت باستدعاء سياراتها لإلغاء egr
ولك احترامي....
هو وجوده في العربية في الاساس علشان تلوث البيئة ومواصفات التلوث الصارمة في دول كتير في العالم زي امريكا واوروبا من غيره هايبقي فيه صعوبة بالغة لاجتياز الاختبارات عند تجديد العربية عندهم.........ليه فوائد برضه في الحرق للموتور ولو بنسبة ضئيلة نسبيا........لو لاغيته وحسيت بتحسن يبقي في الاغلب كان بدأ يبوظ عندك لانه بيعتمد علي فاكيوم الموتور .........وشوفوا اللينك ده برضه.
ورأي أن ألغائه مش هايكون ليه تاثير محسوس بدرجة كبيرة.........الا علي زيادة التلوث.
What is an EGR Valve - What Does My EGR Valve Do - Where is My EGR Valve
[flash=http://en.wikipedia.org/wiki/Exhaust_gas_recirculation]WIDTH=650 HEIGHT=400[/flash]
هو المحول المحفز بيبقى موجود في علبة الشكمان وبيحول اول اكسيد الكربون لثاني اكسيد الكربون , طيب كويس اني عرفت لاني كنت فاكره له علاقه بنوع البنزين الي بنحطه يعني مرتبط اكتر بالبنزين
كلام سليم... هل غازات العادم عنصر مساعد على الاحتراق؟؟؟ يعنى لو شكمان عربية جة جنب شوية بنزين حيولع نتيجة تلامس غازات العادم مع البنزين؟؟؟
الاحتراق يلزمة حدوث شرارة او وجود لهب مباشر... غير كدة مفيش احتراق حيحصل
و على فكرة نظام الاشعال فى الدايو بيعتمد على تكنولوجيا الwaist spark و فيها بيتم توليد شرارة من البوجية خلال شوط العادم لحرق اى بواقى وقود غير كاملة الاحتراق فى شحنة العادم... لاحظ ان "اعادة الحرق" تتطلب "شرارة اضافية" مش غازات عادم
كلام صحيح و معروف بس ايه علاقتة بالEGR؟؟اقتباس:
وسيادتك عارف ان السيارة آله عديمة الكفاءه في استغلال الطاقة، ويكفي اننا نذكر على سبيل المثال انه في افضل انواع السيارات من حيث كفاءة استغلال الوقود سيكون في على الأقل 30% فاقد في شكل حرارة منبعثة وصوت مزعج لأجزاء الموتور، فما بالك بعربيات المحروسة.
الكلام دة مش دقيق لسببين:اقتباس:
وبعدين إنا مقتنع انه الخواجة مصممش حاجة أساسيه في العربيه بتاعته عشان ينفع حد ييجي يلغيها من غير ما يكون لها أثر على أداء المحرك او عمره الافتراضي
اولا الجزء اللى بنتكلم علية هو جزء من منظومة الemissions control مش اداء المحرك بالتالى تاثير الغائة حيبقى له تاثير على معدل الغازات الملوثة للبيئة و فى الغالب حيزود اداء المحرك مش حيقللة زى بالضبط اللى بيحصل مع علبة البيئة و احب افكرك ان اللانوس الهاف اوبشن (اللى صممها نفس الخواجة) محطش فيها EGR ولا علبة بيئة... يعنى الخواجة نفسة عارف ان الEGR و علبة البيئة مش مكونات اساسية فى اداء العربية
الجزء التانى هو ان كتير من الاجزاء شغلتها مش رفع الاداء بتاع العربية انما الحفاظ على مستوى الراحة او الصوت للعربية زى كدة فلتر الهواء و المكملة... دول شغلتهم تخفيض صوت العربية و فى نفس الوقت بيكتموا العربية... اسال اى واحد مركب فلتر رياضى حيقولك ان العربية سحبها اتحسن و صوتها على... اذا الفلتر و المكملة بيقللوا الصوت و بيقللوا السحب كمان
الrecalls بتحص لما يبقى فيه مكون من مكونات العربية لا يعمل بشكل صحيح او بيتلف قبل المتوقع بفترة كبيرة و فى الحالة دى بيعتبر ان دة عيب صناعة و بيتم تغيير القطعة المعيوبة بقطعة تصميمها مختلف لحل المشكلة... دة ملوش علاقة بالغاء الEGRاقتباس:
- إلا إذا كان بقى عيب في التصميم مثلاً وفي الحاله دي بتقوم الشركات المصنعة المحترمة - زي ما عملت تويوتا مثلاً - باستدعاء السيارات بتاعتها لاصلاحها.
على فكرة الغاء الEGR يعتبر غير قانونى فى دول كتير جدا زية زى الغاء علبة البيئة و العربية حتسقط فى اختبار نسبة الملوثات و مش حتترخص... احنا فى مصر عشان معندناش قوانين لحماية البيئة فا بنقدر نعمل كدة عادى خالص
مهو محدش قال ان الEGR بطبيعتة جزء معيوب... دة جزء من منظومة الحفاظ على البيئة... و لو ظهر فيه عيب فى اى ماركة محترمة حتلاقى علية recall بالفعل... فيه فرق كبير بين ان القطعة معيوبة و بين اننا بنلغيها لان معندناش قوانين بيئةاقتباس:
بصراحة مسمعتش عن شركة قامت باستدعاء سياراتها لإلغاء egr
MMamdouh
و هو تلويث البيئه مش حاجة ضارة فعلا احنا في مصر
عند حضرتك حق علشان كده الحكومة ابتدت تعمل ال سمج تست smog test للكشف على مستوى انبعاثات المحركات بس الى محيرنى ان زى ما السادة الافاضل قالوا اللانوس مثلا الهاف بتنزل من غير egr و علبة بيئة فحيفرقوا ازاى فى المرور الا بقى يظبطوا الجهاز على مسموحات اعلى
بس الدول المتقدمة (و كل عربياتهم مزودة بكافة انظمة التحكم بالانبعاثات) فرضين المسموحات لدرجة تجبرك تكون المكنة عشرة على عشرة و لو ظبطوك بالصدفة فاصل ال egr تبقى جريمة
فانا بلوم نفسى لانى شايل العلبة و فاصل الصمام بس العلبة غالية و الصمام لما باظ و كنت قليل الخبرة رحت تلات توكيلات و معرفوش يعملوا حاجة
الموضوع ده شدني لاني كنت فعلا بشوف egr في عربيات وعربيات لا وكان شاددني اني اعرف ايه هو بس فعلا شكرا ان الواحد اتعرف علي المعلومات ديه كلها بس ليه كده كام سؤال هو لو احنا فصلا كابل السلونيد بتاع الايجر مش كده نبقي لغيناه ولا لازم يتشال
كمان انا شوف خرطوم نازل من المانفولد من جمب خرطوم egr ونازل علي سلونيد تاني والسلونيد ده مطلع خرطوم تاني نازل ناحيه مواسير البنزين اللي تحت العربيه انا مش عارف رايح فين بس اعتقد ان هو ده اللي اسمه كانيستر
طيب انا عاوز اعرف هو ايه الكانيستر ده وهل برده بيقلل كفائه المتور عشان العادم
انا الصراحة لما جربت الاول علشان افصل ال egr فكيت فيشة ال سولونويد بتاعه بس حسيت ان العربية بتسقف بزيادة فركبتها تانى و فكيت الخرطوم الى بيسحب من الغرفة العلوية لل egrv و تفسيرى ان اللانوس صمامها + يعنى كبس ضغط الشاكمان بيساعد فى رفع الستم بتاعة الصمام من تحت فلو شيلنا فيشة السولونويد فبكده قفلنا الهواء تماما فالصمام مش حيفتح خالص و فعلا غرف الاحتراق حترتفع درجة حرارتها مسببة التسقيف
لكن لو فكينا الخرطوم فالصمام حيفتح بسبب كبس العادم من تحت (طبعا مش الفتح الطبيعى بس على الاقل حيفتح)
اما بالنسبة للخرطوم التانى بتاع الكانيستر فده كويس اوى للماتور وده عبارة عن الاتى:
نتيجة لتبخر البنزين جوة التنك (كانوا زمان بيعملوا غطاء التنك عبارة عن صمام تنفيث للهواء الخارجى) دلوقتى بتمتص الابخرة دى بواسطة كربون نشط جوة علبة (جنب التانك تشوفها من تحت يمين) و برضه عند تحقق شروط معينه ( منها العربية تكون مشيت مشوار - و الباقى مش عارفه) تقوم ال ecu مديه امر لل charcoal canister purge valve (صمام تفريغ العلبة) انه يفتح فتقوم الابخرة ماشية فى الخرطوم الى رايح على الثروتل بدى و تدخل تتحرق مع الهواء الى داخل فتوفر بنزين و تحسن الاداء و تحمى البيئة (برضه مش كل اللانوس فيه الموضوع ده)
نظريا الاختبار مبيبقاش حسب العربية انما حسب قوانين البلد... بمعنى ان فيه حد اقصى لانبعاثات كل نوع من انواع الغازات الملوثة بتحددة الدولة و علية بتقوم باختبار كل العربيات اللى حتترخص... العربية اللى انبعاثاتها اقل او تساوى الحد القصى بيتم ترخيصها و العربية اللى انبعاثاتها بتتجاوز الحد دة بتسقط ولا يتم ترخيصها... مش مهم بقى العربية نوعها اية ولا موديلها كام ولا فيها علب بيئة ولا لا
MMamdouh
ألEGR مش حيفتح
MMamdouh
ألEGR مش حيفتح
MMamdouh
يعني كده اتلغلي ولا لازم يتشال
كدة هو مش حيفتح بالتالى وجودة زى عدمة
MMamdouh
يعني خلاصة الكلام عرفنا أن الegr صمام بيتيح إعادة حقن جزء من العادم مع هواء الإحتراق و المقصود بحرق ماتبقي في العادم .... نعم لأن العادم أكيد ايا كانت كفاءة الحرق لابد من وجود كمبة من الأكاسيد لم تحترق تماما فليس كل محتوي العادم فقط ثاني اكسيد الكربون وثاني اكسيد الكبريت بل يوجد جزء متبقي اول اكاسيد للكربون و الكبريت .... بالنسبة لفتح الصمام .... الطبيعي انة مقفل لكن تفريغ سحب الهواء مع لفات مرتفعة (حال غياب سيلونويد كهربي للتحكم إلكترونيا في الفتح ودرجتة) نسبيا هو مايقوم بفتح الصمام لأنة عبارة عن Diaphragm غشائي منضغط بواسطة سوستة محددة المرونة بما يناسب مع قوة التفريغ لضخ جزء من العادم يعتبر صغير بالنسبة لكمية الهواء الكلية المتدفقة فعليا ولا يمكن إلغاؤة ولكن ما يحدث بة ان بمرور الوقت مع التشغيل فإن هذة المنظومة تفقد مرونتها فمثلا تضغط للوصول للفات عالية فيكون فاتحا جزء ثم بالنزول للفات منخفضة بفعل ضعف السوستة وكربنتها ينحشر الغشاء جزئيا مسببا تدفق هواء للعادم اكبر من المطلوب عند هذة اللفات المنخفضة مسببا ارتجاج المحرك وضعف في الأداء لأنة لم يعد للوضع الطبيعي للغلق نهائيا عند لفات منخفضة وحتي تقريبا 1700 لفة وبالتالي يضطرب خليط الإحتراق ويتدني الأداء - ممكن بقي حد يدلنا كلنا ننضف الegr في سيارتنا أزاي .... شوفو الصورة دي هتوضح شوية
http://shbox.com/1/EGR_valve.jpg
انا فكيته امبارح ولقيت فيه فتحتين ناحيه مدوره داخله علي العادم اللي جاي من الحرق وناحيه مستطيله خارجه علي المانفولد طبعا لقيت منظر كربون وساخه فظيعه غسلته بسبراي وبعدين نضفه بفرشه التنظيف اللي بتركب علي الشنيور الفرشه السلك لغايه ما بقي بيلمع بس كانت المشكله ان الكربون لسه سادد مجري العادم وخلي الفلف مش بيقفل كويس رحت دخلت فرشه رفيعه جوه ونظفه تمام وبعدين عملت حركه كده هي طلعت عنيا بس نجحت اني لبس جوان صغير في الفلف من جوه نزلته من فوق ودست فيه ودخلته لغايه الفلف اللي بيقفل جوه وقفل تمام ومحكم جدا وجربته وجربته اخليه يفتح ويقفل شغال تمام عشان كده حتي لو عاوز الغيه مجرد اني اشيل الفيشه هايكون محكم الغلق مش بيسرب
http://dc236.4shared.com/img/2984257...05258007495849
موضوع جامد قوى
طيب انا عندى الكتنيسر ده اللى هو فى الموتور عباره عن خرطومين واحد جاى من التانك و التانى داخل الموتور و اللى جاى من التانك ده المكان اللى راكب فيه مسدود بحاجة زى الكربون
كلام جميل
لما بفك الخرطوم العربية بتظبط و لما افك خرطوم الهوا بتبرجل
لما بفك خرطوم اللى جاى من التانك ما بحسش باى سحب من البلف ده
و لما اخد مشوار جامد و افتح التانك بيبقى جواه ضغط رهيب لدرجة ان مره الغطا طار من مكانه لأخر البنزينه زى الطلقه
كده البتاع ده عايز يتغير
و لما مره فكيت فيشته العربية مدرتش خالص ولمبة الأعطال نورت
عايز افهم للضروره القصوى
حسب ما فهمت المفروض غطا التنك يدخل هوا عشن يعادل البنزين اللى خرج من التنك لتغذية الموتور... قصة ان فيه ضغط موجب فى التنك دى مش عارف ايه تفسيرها الصراحة
MMamdouh
فكه وسلكه وركبه على العلبه تانى وجرباقتباس:
اللى جاى من التانك ده المكان اللى راكب فيه مسدود بحاجة زى الكربون
ال purge canister اسمه كده ده عباره عن بلف كهرباء بيحتوي علي فحم نباتي (من خواص الفحم النباتي انه بيمتص الرطوبه وبيحول غازات البنزين الي سوائل )
وظيفته بقي انه بيسحب بخار البنزين من التانك ويحوله الي بنزين سائل عن طريق الفحم النباتي وبعدين الصمام الكهرباء هيفتح ويدخل البنزين للمانفولد مباشره علشان كده لما بتفك خرطوم العربيه العربيه بتتبرجل علشان ده عباره عن خرطوم فاكيوم وعلي فكره انا مشتري العربيه والفالف ده ملغي (الخرطوم اللي جاي من التانك مسدود بسداده )وماحسيتش بزياده الضغط في التانك زي ما بتقول
وعلي فكره ياباشا الفالف ده لو شيلت فيشته لمبه التشيك هتنور لكن العربيه هتشتغل عادي بس ممكن ماتدورش من اول مره
نصيحه اخيره الفالف ده ما بيتنضفش ده بيتغير علي طول لانك لما تنضفه هتفضي الفحم النباتي اللي جواه وبالتالي كده مابقالوش لازمه هياخد بخار بنزين ويطلع بخار بنزين برضه