الموضوع: باركولي : أخيرا اشتريت موتور استيراد

الف مبروك و ان شاء الله يطلع الموتور كويس و تقوم بيه العربيه صح

السعر كويس جداً خصوصاً انى كنت سألت فى عزبه شلبى و لقيت ان 2500 ده سعر الموتور 1300 مش 1500

قبل ما تركبه اغسله غسله محترمه بالجاز (عند الميكانيكى طبعاً) و غير سير التقسيمه بواحد جديد و احتمال كمان تغير الجوان (ممكن يكون نشف من الركنه بدون ميه) و طلمبه الميه كمان (كل الحاجات دى حوالى 150 جنيه تقريباً)

بعد ما تركبه خليه شغال يحرق صفيحه بنزين على الواقف كأنك عامله عمره و بعدين روح اعمل اختبار كبس ليه فى بنزينه محترمه (شل الهرم او كالتكس عباس العقاد كمثال) و لو طلع فيه مشكله رجعه للراجل و خد فلوسك و لو قالك ده عاوز طقم شمبر بس قوله اسف ميلزمنيش

اضيف كمان اتأكد ان الرقم المكتوب فى ورق الافراج هو نفسه الرقم المحفور على بلوك الموتور من غير تعديل او كشط فى السيريال قبل ما تروح المرور علشان لو خد البصمه و طلع السيريال مختلف عن الورق هتبقى مصيبة

والله يا جماعة انتو بتخلوني آخد بالي من حاجات عمري ما كنت هاخد بالي منها .
شكرا ليكو جميعا وشكرا لنايل موتورز

المشاركة الأصلية كتبت بواسطة د.محمود صلاح

مبروك ومحتاج تفاصيل اجراءات المرور بعد ما تخلص ان شاء الله

يا ريت با جماعة حد يقولي على الخطوات بالضبط لاني لسه مش عارف اعمل ايه ؟
وبعدين انا عندي مشكلة ، وهي ان العربية رخصتها القاهرة مرور بولاق وانا معاي توكيل من صاحب العربية الاساسي ، ولما هاجي ارخص هرخص في مرور شبين الكوم .
فهل ينفع الورق يتبعت على مرور شبين ؟ مع العلم ان العربية ما لهاش أي ورق هنا في شبين ؟

المشاركة الأصلية كتبت بواسطة أبومريم

هو انت مجربتوش عندهم هناك؟

لا ما جربتوش ناس كتير قالولي حكاية تشغيل الموتور وهو عالأرض دي ما لهاش أي اهمية .
لا هتعرف تسمع اي صوت غريب لان صوته بيبقى عالي جدا ، ولا هتحس بأي حاجة لازم يركب وتشوفه وهو راكب هالعربية وتتابع زيته ؟
وانا أخدته على التجربة 20 يوم .لو لا قدر الله لقيت في حاجة هسيبو .

ربنا يوفقك فى التركيب و يباركلك فيه

الف مبرووك ياباشا