الموضوع: باركولي : أخيرا اشتريت موتور استيراد

المشاركة الأصلية كتبت بواسطة heshamzaky

مش عارف اقولك اية والله مش عاوز افتى و اضايقك بس حقولك عدة نقاط اقرأها جيدا اولا كان لازم تشيل النمر الاصلية و تحط نمر بأسمك تانى يوم حتى لو الرخصة صالحة لمدة سنتين علشان وحع الدماغ لان حضرتك و انت بتجدد سيطلب منك شهادة مخالفات لم يمر عليها اكثر من 7 ايام و دة طبعا من مرور بولاق الى هو .............. مرور بس انت ممكن تجيبة من مرور الدراسة الدور الرابع تحديدا حتلاقة قسم لمرور بولاق المخالفات وعلى فكرة حتى بعد ما ترخص و تحط نمر جديدة سيتم طلب شهادة مخالفات عن النمر القديمة لمدة 3 سنوات و الاجراء ان و حضرتك بتجدد فى المنوفية سيعطيك نموذج ب 50 قلرش مكتوب بة رقم اللوحات المعدنية القديمة و يختمة بختم النسر و حضرتك تنزل القاهرة مرور الدراسة تجيب مخالفات النمر دى و بعدين ترجع المرور بتاعك تطلع شهادة مخالفات النمر الجديدة بتاعتك و دة طبعا فى التجديد .......................ز اما بالنسبة لاجراءات اثبات الموتور بص و حضرتك بتشترى الموتور الراجل ادالك ورقتين صح كدة واحد صورة من الافراج الجمركى و الورقة الثانية خطاب الى المرور صورهم و احتفظ بالصور و بعدين ستذهب الى مرور الدراسة لما تدخل من الباب المبنى الثانى على ايك اليمين الدور الارضى حتلاقى شبابيك حديد زى قفص الاسود و الموظفين قاعدين سيبحث فى الدفاتر الى عندة و يتأكد ان الافراج الجمركى مظبوط و تم الفع و دة مسجل عندة فى دفتر ويتم التقشير على الجطاب و بعدين فى نفس المرور حتلاقى ساحة كبيرة و مبنى اخر على ناحية الشمال حتعدى من باب حديد صغير و تلاقى مبنى صغير على ايدك الشمال الدور الثانى تسلمهم الجواب و تطلب ارسال الورق الى مرور النوفية و ارجوك اطلب رقم الصادر و فى الغالب مش حيدهولك بس خليك عارف تاريخ التسليم وان شاء الله يوصل بعد شهر اسف للتطويل بس غباء الناس هناك غير طبيعى و بالنسبة لترخيصك انت اذهب الى مرورك هو سيطلب الملف من مرور بولاق الى مرور المنوفية

أ. هشام زكي شكرا ليك شكرا جزيلا وافيا ومش عارف والله من غير مشاركتك دي اكيد كنت هلف ودور حوالين نفسي .
بس انا عايز أسأل سؤال وباين على حضرتك انك عندك خبرة في مشاكل المرور :
العربية دلوقتي مش باسمي زي ما انت فاهم هي مرور بولاق باسم صاحبها القديم ، وانا لما هاجي أجدد هجدد في شبين الكوم ، وحاليا العربية مالهاش ملف في شبين ، هل هينفع ابعت ورق الناتور على مرور شبين من غير ما اجدد رخصة العربية وانقلها باسمي في شبين وشكرا لاهتمامك بالرد يا أ. هشام