باركولي : أخيرا اشتريت موتور استيراد

**heshamzaky** · 22-05-2010 03:47 AM

بص يا باشا انا لمحت لك بحاجة زى كدة يعنى بالبلدى لو الرخصة لسة فيها مدة باقية طويلة وانت مش حتنقل ملكية امشى بالعربية كدة لحين التجديد بس انا لا افضلة علشان موضوع المخالفات و ثانيا لو لا قدلر الله حصل حاجة الموتور الى رقمة فى ارخصة مش نفس الرقم للموتور الى راكب فى العربية مش عاوز اتوهك انا بس بحاول اوضح لك كافة الجوانب روح الى مرور الدراسة عادى جدا و اطلب ان ورق الموتور يروح مرور شبين و افضل ماشى عادى لحين انتهاء الرخصة و لما تعمل فحص سيطلب منك فى مرور شبين ان تذهب داخل نفس المرور الى شباك خاص بالخطابات الواردة الى مرور شبين للتاكد ان رقم الموتور هو نفس رقم المويور الى فى الجواب الوارد عندهم حاجة اسمها مطابقة بيانات بس خليك ذكى لو الرخصة ستنتهى مثلا بعد 9 شهور صدر انت الخطاب من مرور الدراسة الى مرور شبين قبلها ب شهرين كانك لسة شارى الموتور بص هى الحركة دى مفيهاش حرمانية لان العربية 1500 سى سى و الموتور الى ركب برضة 1500 سى سى يعنى انت ما كلتش على الدولة رسوم الضريبة الا لو كان موتورك 1000 سى سى مثلا وانت ركبت موتور 1500 سى سى بس الفكرة الوحشة ان مثلا لا قدر الله الرخصة تتسحب منك و لما تيجى تعمل فحص يلاقى رقم الموتور مختلف بس الحلة بتاعت سحب الرخصة و الفحص لو انت مركب فيمية فى العلابية فهمت قصدى

**heshamzaky** · 22-05-2010 03:53 AM

على فكرة لما بتصدر ورق الموتور من مرور الدراسة الى مرور اخر بيتأخر شوية دة العادى عندهم انا شفت ناس من محافظات بيتخاجو معاهم علشان الورق لم يصل الى المرور الخاص بهم منذ اكثر من 75 يوم مثلا فى بعض الاحيان الخناقة مع الموظفين سمعتها كدة بس انا لا اعرف الراجل الى بيتخانق بيقول 3 اشهر دا تعبير مجازى ولا فعلى

**mahmoodallam** · 22-05-2010 04:11 AM

شكرا يا أ. هشام زكي على الشرح الكافي والوافي .
وان شاء الله ربنا يقدرنا ونعرف نردلك الجميل .

**heshamzaky** · 22-05-2010 11:09 AM

المشاركة الأصلية كتبت بواسطة mahmoodallam

شكرا يا أ. هشام زكي على الشرح الكافي والوافي .
وان شاء الله ربنا يقدرنا ونعرف نردلك الجميل .

العفو يا باشا و الرجو الا تتضايقو من كلامى الكتير

**m_waheed** · 23-05-2010 11:28 PM

المشاركة الأصلية كتبت بواسطة مواطن مصرى

الف مبروك و ان شاء الله يطلع الموتور كويس و تقوم بيه العربيه صح

السعر كويس جداً خصوصاً انى كنت سألت فى عزبه شلبى و لقيت ان 2500 ده سعر الموتور 1300 مش 1500

قبل ما تركبه اغسله غسله محترمه بالجاز (عند الميكانيكى طبعاً) و غير سير التقسيمه بواحد جديد و احتمال كمان تغير الجوان (ممكن يكون نشف من الركنه بدون ميه) و طلمبه الميه كمان (كل الحاجات دى حوالى 150 جنيه تقريباً)

بعد ما تركبه خليه شغال يحرق صفيحه بنزين على الواقف كأنك عامله عمره و بعدين روح اعمل اختبار كبس ليه فى بنزينه محترمه (شل الهرم او كالتكس عباس العقاد كمثال) و لو طلع فيه مشكله رجعه للراجل و خد فلوسك و لو قالك ده عاوز طقم شمبر بس قوله اسف ميلزمنيش

اضيف كمان اتأكد ان الرقم المكتوب فى ورق الافراج هو نفسه الرقم المحفور على بلوك الموتور من غير تعديل او كشط فى السيريال قبل ما تروح المرور علشان لو خد البصمه و طلع السيريال مختلف عن الورق هتبقى مصيبة

+111111111

نصائح ذهبية

**mahmoodallam** · 26-05-2010 12:27 PM

مش عارف أرفع الصور لو لسه محتاجين صور الماتور حد يقولي ارفعها ازاي ؟

**heshamzaky** · 26-05-2010 02:40 PM

المشاركة الأصلية كتبت بواسطة mahmoodallam

مش عارف أرفع الصور لو لسه محتاجين صور الماتور حد يقولي ارفعها ازاي ؟

بص يا باشا أولا أدخل على هذا اللينك ((((( TinyPic - Free Image Hosting, Photo Sharing & Video Hosting ))))) و احسن ضيفة فى ال Favorites علشان ما تنساهوش وتستعملة على طول بعد ما يفتح اللينك أضغط على كلمة Browse و اختلر الصورة من الكمبيوتر بتاعك و بعدين اضغط على كلمة upload لو طلب منك كود مكتوب اكتبة و بعد ما يخلص اب لود ادخل عادى على المنتدى و اكتب الموضوع و أعمل كوبى و بيست copy then pate و يمم المشاركة تلاقى الصورة منورة و جرب و اى استفسار اجاوبك