الموضوع: سيارة شنورى اتسرقت

المشاركة الأصلية كتبت بواسطة أم حمـــاس

شنوري.:أأأأأأأأأ.......

سبعاوي:هششششششش عارف عارف مفيش حد يتصل بحد الساعة دي عارف اللي هتقوله..بلاش بقي طولة لسان واسمع منني

شنوري:خير ياسيدي خضتني

سبعاوي:: عمركشي دقت البرسيم قبل كدا؟؟

شنوري: نعم يخويا؟ بتتصل بيا قبل الفجر عشان تسالني عن مصادري الغذائية؟؟

سبعاوي: استني بس اصل الموضوع.......

ههههههههههههههههههههههههه ههههههههههههههههههههههههه ههههههههههههههه الله يكون في عونك يا حج شنوري ,,,,,,,,,,, انتوا عالم زي العسل والله

المشاركة الأصلية كتبت بواسطة نور القمر

لا معلش وضح كلامك
تيت تيت تيت دي شتيمة من كمال لشنوري ولا كمال قفل السكة في وش شنوري عشان ميحصلش سوء تفاهم بس

تيت تيت تيت
أشاره لتشويق القارئ

ملخص رقم 1:

رفع شنورى رأسه بصعوبة وهو يشعر بالألم فى فقرات الرقبة بعد 13 ساعة متصلة من فك وتركيب أجزاء موتور السيارة التى يقوم علي تنفيذها ليلا ونهارا من شهور ولاحظ فجأة أن الساعة تعدت الثالثة فجرا

تأفف قائلا... إيه ده هى الساعة بقت 3..... يااااااااااااه..انا خلاص جبت جاز..اقوم أئنتخ بقي ساعتين وتلاتة عشان الرجالة اللي مستنييني الصبح دول عشان نروح المشوار بتاعنا

وبعد أن وضع شنورى رأسه على المخدة وبدأ الوصول لبوابات الأحلام انتفض على صوت رنين المحمول ...
"مين مين ؟" أمسك شنورى التليفون وعيونه تشط بالشرار على المتصل لكنها عادت لطبيعتها فور رؤيته إسم المتصل ... سبعاوى
"قبل أن يفتح شنورى الخط سأل نفسه "ياترى سبعاوى هيتصل بيا ليه دلوقت؟؟ معقولة يكون لقى حل؟"
شنوري.:أأأأأأأأأ.......

سبعاوي:هششششششش عارف عارف مفيش حد يتصل بحد الساعة دي عارف اللي هتقوله..بلاش بقي طولة لسان واسمع منني

شنوري:خير ياسيدي خضتني

سبعاوي:: عمركشي دقت البرسيم قبل كدا؟؟

شنوري: نعم يخويا؟ بتتصل بيا قبل الفجر عشان تسالني عن مصادري الغذائية؟؟

سبعاوي: استني بس اصل الموضوع....... الموضوع إنى كنت بعمل تجربة على الوقود الحيوى ولقيت إن البرسيم لما خلطته بالثنر والنفتالين إدانى سائل لما حطيته فى النموذج اللى عملناه جاب نسبة انضغاط عالية جدا..
انت عارف دا معناه إيه؟

شنورى: .... معناه إنى هجرب حاجات مجربتهاش قبل كده
بعد إذنك يا سبعاوى .................

لم يستطع شنورى معاودة النوم وتوجه إلى كرسيه الفوتيه ومد يده إلى الشيشة ووضع عليها حجرين وهم بإشعالها وقال:.....
شنوري: يا ترى مين اول واحد نجرب في الموتور بتاعه حكاية موتور البرسيم

يا ترى مين ؟
يا ترى مين ؟

عاوزين موتور يبقى كويس مش وحش
في نفس الوقت عايزينه يبقى موتور مش كبير

يا ترى نجرب في مين ؟؟؟

ايوا مفيش غيره

الموتوسيكل بتاع احمد كمال الجديد

مد شنوري يده وطلب احمد كمال بايده الشمال وايده اليمين تمسك بلي الشيشة

جرس الموبايل تيييييييييييييييييييييييي ن تيييييييييييييييييييييييي يين (مش ترن ترن أصل احمد كمال اتصالات)

وبعدين رد أحمد كمال
صاح فيه شنوري :............................. ايه اللي خلاك ترد عليا يا بني آدم انت

ما نا طول عمري لما بتصل بيك بتقفل وتتصل انتا ؟؟؟

رد أحمد كمال قائلا: كمال: انت مين وعايز إيه؟

شنورى: ينهار @@#$%%؟
أنا الحق عليا إنى عاوز أوفر لك تمن البنزين 95 اللى بتحطه فى المكنة بتاعتك

كمال:....ايه خير وصلت لحاجة انت وسبعاوي؟؟؟

شنوري: ايوا البرسيم هو الحل..

كمال: مش للدرجة دي يابني مش عشان نوفر فلبنزين نحرمك من الاكل يعني

شنوري: يابني مش وقت تهريج اسمع بس... اصل سبعاوي مقاطع اللحمة زي منت عارف وحالف لو صفصفت هيجيب برسيم
وقدرا كدا وهو فلمعمل بيشتغل لمشروع بتاعنا حزمتين وقعوا منه فلبرميل

كمال: لاالالا استني طالما الموضوع وصل لكدا انا لاااااااااااازم....

شتوري :هاااااااااااااااااه لازم ايه انت هنجت ولا ايه
كمال : لأ بس مساله دراسة تانية جت فى بالى
موضوع البرسيم ده هيفتح علينا حاجات كتير مش عملين حسبها
شنوري : انا خلاص مش قادر افكر قول بسرعة انجز
كمال : فى حالة لو ربنا كرمنا والمشروع نجح اللى هيحصل ايه أمممممممممممممممممم
اول حاجة سعر البرسيم هيولع والفلاحين هيحتكروه وكمان هيأثر زرعته بكثرة على باقى المحاصيل لأن كل الفلاحيين هيتجهوا للكسب السريع والاهم واللى حازز فى نفسيتي اننا هنيجى على المخلوق الطيب الحمار فى لقمة عيشة ووجبته المفضلة لأ ده ظلم

شنوري : النظام ياسيدي انك تجيب المكنة بتاعتك معاك بكرة
كمال : ليه ان شاء الله
شنوري : عشان حنجرب عليها بكرة
كمال :انت اتجننت ياض انت ! ....