الموضوع: سيارة شنورى اتسرقت

المشاركة الأصلية كتبت بواسطة abou_ruqi

أثناء ما شنوري ضارب حيص بيص في المعمل
تليفون الموبيل المسروق يرن

شنوري : مين ؟؟

أو صلاح : أنا أبو صلاح يابني أنت مسحت نمرتي ؟؟؟

شنوري: هي كانت ناقصاك أصلها !!!

أبو صلاح : ياعم كلمتين و خش كمل نومك , تعرفش واحد بيلزق سيراميك يكون حنين ؟ علشان أنا جالي واحد حرامي عاوز المتر بتلاتة جنيه و أنا مش خرونج علشان أدفع 3 جنيه في متر سيراميك !!!

شنوري: يابني حل عن سمايا أنت ومشاويرك الهابطو دي أنا محتاس في الوقود اللي قلتلك عليه !

أبو صلاح : بص يابني الموضوع بتاعكوا ده ما ينفعش فيه غير قرصين ترامادول في التنك حيعملوا الواجب مع البرسيم

شنوري: الله يخربيك الترامادول ده نازل جدول

أبو صلاح : خلاص حط تراماجاك

شنوري : يعني هو ده اللي بيتباع في الموالد ؟

أبو صلاح : أن حتزهقني ليه حطله أنتوسيد و لو عاوز تكلفه حط أنتينال , سلام بقه علشان بمحر الأوضه

كليك

شنوري : والله ممكن الجدع ده ربنا يجعل في وشه القبول


قام نزل و راح على الصيدلية اللي في أول الرصافة

...

شنورى فى منتصف الشارع ينظر الى الصيدليه ويظهر عليه القلق بشده , ومن ثم يلتقط طفل فى بدايه سنته العاشره من التيشرت ليلفته اليه قائلا

شنورى / بقولك ايه ياد ابوك فين

الولد : ابويا رايح فى غيبوبه ولا غيبوبه السكر من امبارح من ساعه ما طلع معاكم غيه الحمام وانت بتضربو شيشه وامى عماله تستجوب فيه وحالفه لو عرفت هو كان مع مين لتخليه يعزل من الحته

شنورى : طيب بقولك ايه خد العشرين جنيه دى وادخل الاخزخانه قول للراجل ده عايزين شريط ترامادول وانا هستناك على اخر الشارع ولو الراجل قالك مين اللى عايزه قوله واحد معرفهوش علشان انا متخانق معاه بس

الولد : هو ايه الترامادول ده يا عم شنورى , اوعى يكون حاجه من اللى ابويا رايح فى غيبوبه بسببها من امبارح

شنورى : لا ياد ده علاج , ثم يصمت شنورى ليفكر ليعيد كلماته بسرعه , يا عم روح بس قوله متخافش

الولد : ماشى

يحتل شنورى بقعته الخاصه للمراقبه فى مواجهه الصيدليه ليجد فجأه عدد لا بأس به من الرجال يدخلون الصيدليه دفعه واحده وتعلو اصوات التكسير فى الداخل لينطلق صوت جهور قائلا , مباحث يا حيوان ومن ثم يتبع الصوت صفعه شديده يليها صوت يرتجف قائلا

وربنا عم شنورى جارنا هو اللى قالى اجيبه

انا عندي حل في حكايه عقبال ما الواحد يكتب يلاقي مشاركات تنزل انا اللواحد اللي هيرد هياخد اقتباس من اخر جزء اتكتب في القصه ويكتب انا هكمل بخط كبير ويكتب في مشاركه تانيه باقي القصه ,.واي حد يجي يستنى لغايه ما اللي كتب هكمل يخلص كلامه