الموضوع: تقرير عن صيانة ال5000 ومفيش تغيير زيت

مساء الفل عليكوا جميعًا
معلش التقرير بتاع صيانة ال5000 للوجان اتاخر يومين بس كنت مشغول جدا

اليوم ابتدا معايا كالآتي:
دخلت التوكيل استقبلني المهندسة هبة، شخصية زوق جدا جدا وكانت اهم ملاحظاتي:
1- عضة المارشدير: قولتلها فيه ناس ركبت مجموعة البريك قالتلي انت عندك عضة قولتلها اه ورحت جايب مارشدير بس بسرعة عشان العضة تتسمع ....لان لو جبت المارشدير بعد ثانيتين من دوسك عالدبرياج مش هيبقى فيه عضة ولا حاجة.

2- بدال الدبرياج كان بيزييق

3- دراع الانوار كان فيه تكة في تقليب نور الشبورة

5- الكشف عالتكييف (مع انه كان 100 100 بس عمرو رينجو من كلامه قولت اخليهم يشيكوا وخلاص)

6- العربية كانت بتحدف شمال سنة بسيطة على المدى الطويل

7- تشحيم المرايات لانها كانت صعبة قوي وهي بتتقفل


وبعد ربع ساعة لقيت المهندسة هبة جت وقالتلي هيتم تركيب مجموعة بريك للجيربوكس، وتغيير بدال الدبرياج وتغيير دراع الانوار

العربية هتتأخر لحد امتى؟؟؟؟ الساعة 2 اممممممممم والشغل؟؟

فيه ليموزين تحت أمرك يوصلك لحد الشغل
حضرتك عايز تروح فين قولتلها مكتبة الإسكندرية

خمس دقايق والعربية تكون جاهزة


المهم رحت والساعة اتنين وربع لقيت العربية خلصت وكانت بتبرق من بره وجوه
واجرب العربية ماشاء الله 100 100 100 100 براااافو بجد كل ملاحظاتي تم عملها


على فكره مفيش تغيير زيت في 5000

وكل ده اتعمل في الضمان ومدفعتش ولا مليم ....وخدمة توصيل العملاء مجانية برضه


وتوتة توتة فرغت الحدوتة
اللوجان حلوة ولا ملتوتة؟؟؟؟؟؟؟؟؟؟؟؟

اشوفكم في 10000

المشاركة الأصلية كتبت بواسطة gebreel

ما شاء الله الف مبروك يا باشا و ربنا يسعدك كمان و كمان بلوجي =)

الله يبارك فيك شكرا جدا

المشاركة الأصلية كتبت بواسطة r_gamal1

الف مبروك عقبال صيانه ال5000000000

الله يبارك فيك ياااااااااااااه يامين يعيش هههههههههه