الموضوع: تقطيع على الطريق السريع عند القيادة لمدة طويلة

الف شكر يا جماعه على الاهتمام
semsem_kane
شكر يا باشا
انا فكرت فى الكربراتير برضه بس ايه اللى بيحصل فى البيك لما يسخن ؟
المفروض العيب يكون فى جميع الاوقات
بالنسبة للفلاتر فلتر الهوا جديد اما فلتر البنزين معنديش اصلا والميكانيكى قالى بلاش تركبه عشان خطر لو حصل تسريب جنب كهربه العربية
.................................................. .................................................. ............................................
باشمهندس سمير
مش عارف اقولك ايه على الاهتمام وسرعة الرد
جزاك الله خيرا بجد
انا حاليا حعمل حكاية الفوطة المبلولة على البوبينا ولو انها صعبه شوية عشان صعوبة اظهار العيب المرتبط بالسفر وانا فين وفين لما بسافر
فعشان اعملها لازم اسافر مخصوص
انما الاول لفت نظرى كلام الباشمهندس محمد زميلى فى ال128 ههههههه
اللى بشكره على اهتمامه وذوقه طبعا
كلامه عن خرطوم الفايظ فى تانك البنزين هل يقصد بيه خرطوم الفايظ الموجود فى الشنطة الخلفيه الخارج من كوعه البنزين ومتساب مفتوح عشان يهوى على التانك؟
لو هو ده فالخرطوم ده انا سديته بمسمار قلووظ علشان كان عاملى مشكلة كل ما افول بنزين واركن العربية انزل الاقيها جايبه بنزين على الارض لفترات كبيرة حتى لو مكانتش بتجيب بنزين وانا ماشى فسديته عشان اريح دماغى
بالنسبة لمشوار طويل اقصد بيها ايه فهو من 70 ل 100 كيلو او بمعنى تانى الحفاظ على سرعة العربية عالية لمدة طويلة مع محاولة التعجيل بالدوسة انا ممكن امشى 100 كيلو على 60 ومش حيحصل حاجة يعنى هى مرتبطة اكتر بطريقة السواقة ومحاولة الضغط على العربية مش المسافة
وشكرا ليكم جميعا

انما الاول لفت نظرى كلام الباشمهندس محمد زميلى فى ال128 ههههههه
اللى بشكره على اهتمامه وذوقه طبعا
كلامه عن خرطوم الفايظ فى تانك البنزين هل يقصد بيه خرطوم الفايظ الموجود فى الشنطة الخلفيه الخارج من كوعه البنزين ومتساب مفتوح عشان يهوى على التانك؟
لو هو ده فالخرطوم ده انا سديته بمسمار قلووظ علشان كان عاملى مشكلة كل ما افول بنزين واركن العربية انزل الاقيها جايبه بنزين على الارض لفترات كبيرة حتى لو مكانتش بتجيب بنزين وانا ماشى فسديته عشان اريح دماغى

طيب أسمع كلام المهندس : محمد
وشيل المسمار ده وجرب

وأدعى للمهندس : محمد

ربنا ينجحه

باشمهندس محمد علاء
انت استاذ
انا اقتنعت بكلام حضرتك جدا على فكرة
انا سادد الخرطوم ده من فترة طويلة ممكن من اكتر من 10 شهور والمشكلة ظهرت عندى بعد مسديته بس كونى مش بسافر كتير والقصة دى مرتبطة بالسفر زى محضرتك عارف خلانى اصبر على المشكلة من غير ما ادور لها على حل لاعتقادى انها حاله طارئة لاى سبب من الاسباب لان العربية تانى يوم بتبقى كويسة جدا داخل البلد وفى مشاويرى العادية للى لا تزيد عن 20 او 30 كيلو فى المشوار الواحد وطبعا الطريق مش بيبقى مفتوح زى الطريق السريع فمفيش ضغط على العربية لزيادة السرعة وبالتالى طلب بنزين اكتر من الموتور

الله ينور عليك يا باشمهندس كلامك ده حيوفر عليا حجات كتير كنت ناوى اعملها من طقم كهربا جديد واحتمال كنت اغير البوبينا وافكر فى الكربراتير مش عارف اشكرك ازاى
وربنا يوفقك وينجحك يارب
بس طبعا التجربة خير برهان لازم اجربها الاول فى مشوار طويل وانا مش سادد الخرطوم

باقى بس اشكر الباشمهندس الرائع سمير عياد على تعبه معايا بس عاوز منه توضيح على حته ان البنزين والهوا بيدخلوا المكنه فى حاله انسداد خرطوم الفايظ لانى مش فاهمها
انا فهمت ان الضغط السلبي داخل التانك بيمنع تدفق البنزين

وطبعا شكرا ل himalotfy و powerofhelll لمحاولتهم المساعدة

حاجة اخيرة بس ازاى بعد ما اشيل المسمار احل مشكلة نزول البنزين من خرطوم الفايظ على الارض بعد تفويل السيارة ودى لها علاقة بايه ؟

باقى بس اشكر الباشمهندس الرائع سمير عياد على تعبه معايا بس عاوز منه توضيح على حته ان البنزين والهوا بيدخلوا المكنه فى حاله انسداد خرطوم الفايظ لانى مش فاهمها

الله يخليك أولا وربنا يوفقك

الأول وعلى حسب تساؤلك وأستفسار محمد السابق ( الذى لم أتجاهله وكنت ناوى أرد عليه فعلا )

يعنى أيه خط فائظ لأى تنك بنزين.............؟

يعنى بأعمل تحرير وتنفيس للأبخره الموجوده بالتنك

طيب ليه عملوا خط الفائظ ....................؟

علشان مع السحب من التنك ومع أهتزاز السياره وهى متحركه بيتقلب الهواء مع البنزين ( لأن فيه هواء فوق البنزين جوه التنك )

طبعا لما بأتخلص من البخار ( هواء + ريحة بنزين ) من خلال خط الفائظ

بأدى فرصه أن الكارجه تسحب بنزين بس من التنك وبكده مبيحصلش تقطيع فى طرد الطلمبه لغرفة عوامة الكربوراتير
وبالتالى خط طرد الطلمبه (اللى رايح للكربوراتير ) بيبقى عباره عن بنزين صافى

مما يعنى حريق جيد وعدم تقطيع داخل غرف حريق المحرك

_______________________________

أما لو أنسد خط الفائظ فهنا المشكله

الطلمبه أو الكارجه حتسحب بنزين مخلوطا بالهواء من داخل التنك

مما يعنى سريان متقطع للبنزين فى الخطوط

مما يعنى حريق متقطع للمكنه

مما يعنى نتشه مع السير بالسياره