الموضوع: البيكانتو ... لحد لسه بيتعلم ..!

اهم حاجه في الموضوع
هدوء الاعصاب وانتى سايقه دي اول كلمه قالهالي الراجل اللي كان بيعلمنى
قاللي تعرف الفتيس نقلاته عامله ازاي و هدي اعصابك و ما تتعصبش خااااالص وانت سايق
الراجل قعد جنبي و قاللي اطلع طلعت قاللي بسم الله ماشاء الله العربيه ما طفتش منك اول مره قلتلوا تمام الحمد لله قاللي في واحده معديه الشارع اهي (بصيت ما لقيتش حد )الطريق فاضي قاللي كده دوستها بزعيق اتخضيت ورحت واقف في نص الشارع قاللي اطلع بكل برود اعصاب رحت طالع و فهمت بعد كده انه بيعمللي مواقف زي اللي بتحصل في الحقيقه
حاسب بطه و قطه معديين الشارع هتعمل ايه تدوسهم ولا
عرفت اني في اي موقف رجلي الشمال على الدبرياج و دراعي عالفتيس و رجلي اليمين عالفرامل
عملت شويه مشاوير مع الراجل بعربيته (كانت عربيه عتيقه جدا تويوتا بس موديل حاجه و 70 )مفيش فيها باور طبعا و الدركسيون تقيييييييييييييييييييل جدا قاللي انت لو سقت دي هتسوق اي عربيه و فعلا خرجت من العربيه الحمد لله بعد 48 ساعه حطيت رجلي في تويوتا كرولا كانت اياميها موديل السنه 2003 و سقتها زي الفل و بعد كده سوزوكي سويفت و بعد كده سافرت ليبيا2005 وجبت هناك مازدا 323 هاتشباك و بعدين لانسر 2005 و سقت هناك بأه عربيات ما كنتش احلم بيها بي ام الفئه السابعه من واحد صاحبي و عربيه كده انجليزي اسمها روفر طويله كده زي عربيات الليموزين و بيجو 505 و اخيرا هنا في مصر الهيونداي اكسنت بتاعه والدي و اخيرا جبت البيكانتو بتاعتي ربنا يخليهالي
اللون ابيض

احلى لون شفته لغايه دلوقتي
السبب
الخرابيش ما بتبانش فيه اوي
الاحمر لما بتتخربش لون الخرابيش بيبقى اسود
الاسود و الفراني برضوا كذلك
المشمشي فضيحه في الخرابيش
واحسن بنك في التقسيط بنك ناصر فايده 6% و مفيش تامين ودي انا شايفها ميزه
او البنك الوطنى للتنميه فايده 9 % و تأمين حسب الشركه تقريبا 3.2%
او تقسيط تبع كيا 25% مقدم و فايده 9% و تأمين 3.2% و مصارف اداريه 1.5% من قيمه المبلغ المتبقى او 12% تقسيط اسلامي بدون تأمين
او المصريه مقدم 25 % و فايده 9% و تامين 3.5%

بس هيه عربيه جميله و سهله القياده جدا المشكله الوحيده اللي كانت غيظاني جدا جدا جدا منها اني مش شايف الكبوت بس مع اول لفتين اتعودت الحمد لله و قدرت اظبط مسافات العربيه وحاولي تجيبيها ببارك سينسور هتسهلك كتير اوي موضوع الركنه