الموضوع: عايز اظبط كريستالة

حدد ميزانيه التظبيط كاااااااااااااااااام؟

طيب مش تجبلنا صور من العربيه الزرقه بتاعت المنصوره :)

وحبيت اعرفك ان تظبيط العربيات بالاخص بيتكلف كتيييير جدا ممكن توصل لنص تمن العربيه تظبيط بس

انا كنت علشان اظبط العربيه بتاعتى رفارف + اكصدامين امامى وخلفى واعتاب واسبويلر ورش وسمكره وجنوط 15 وفوانيس اماميه وخلفيه دخلت الميزانيه فى 17 الف جنيه .. ودا كله تظبيط من بره بس
نيجى بقى للتظبيط من جوه زى مكنه والدواخل فى العربيه تظبيط التاره وتعديل الكراسى وووو ... الخ هتدخل فى 10 تلاف ولا حاجه

تكاليف عاليه جدا وفى الاخر لو حبيت تبيعها هتخسر فيها كتير لان محدش هيقدر كل اللى انته عملته دا لو واحد عادى .. الا لو بعتها لدماغ نفس دماغك بتقدر الكلام دا وطبعا النوعيه دى قليليين جدا

العربيه فيها شغل كتيير اوى واكيد صارف عليها اعلى من تمن العربيه نفسها

انصحك انك متعملش خامات اى كلام لان بعد فتره العربيه هتتبهدل ويبقى شكله وحش جدا لان الفيبر العادى بيبوظ بسرعه وخاماته تعبانه هوه أرخص اه بس هيبوظلك شكل العربيه مستقبلا

لو ناوى بجد يبقى ركب حجات نضيفه من الشركه الكنديه دى

Mitsubishi Mirage Body Kits By ACCOLADE
دى بادى كيتس لميراج تركب على الكرستاله عادى
ممكن تجيب الزوايد منها وشوية الشغل الباقى بتعمله فى مصر عادى

كل اللى هتعمله هتدخل وترسل ليهم اميل من هنا
Contact Us .: ACCOLADE :.

وتقلهم الباكدج اللى انتا عايزها وهيحددولك سعرها وهيه تقريبا كامله بكل شىء رفارف + اكصدام امامى وخلفى واعتاب جانبيه واسبويلر وكبوت ب 1400 دولار وممكن تنزل معاهم شويه وهيعملك ديسكونت

الشحن هيبقى من غير اى جمارك لانهم بيبعتها على اساس عينات وهيجيلك فى خلال 3 ايام على DHL

الحجات اللى هتجبها من الشركه دى هتظبطلك شكل العربيه جامد جدا من بره هيتبقى عندك مثلا جنوط وفوانيس امامى وخلفى روشه تجبهم من مصر عادى موجود كتير وممكن اعطيلك عنوان شركه منهم فى رمسيس بتجيب فوانيس انواع اسبيشيل ممتازه وشكلها تحفه

هيبقى باقى تظبيط العربيه من جوه هتجيب مثلا كراسى ريكارو ومونيتور للعداد وتكسى التابلوه لون معين وتعمل شوية تظبيط برضه مثلا لو DVD ووو.. الخ . ودا بيتعمل عند ناس كتير جدا هنا ومنتشر

التكلفه تظبيط بس بدون عمل ابجريد فى العربيه فى المكنه مثلا والعفشه والاساسيات هتعملها 20 الف او اكتر شويه