عايز اعرف ايه الفرق بينهم وهل فى نظام منهم افضل من التانى
وهل فى نظام مناسب للدفع الخلفى ومش مناسب للامامى والعكس؟
عرض للطباعة
عايز اعرف ايه الفرق بينهم وهل فى نظام منهم افضل من التانى
وهل فى نظام مناسب للدفع الخلفى ومش مناسب للامامى والعكس؟
Torsion Beam
هو عباره عن قضيب إلتوائي من واصله واحده, يصل بين العجلتين الخلفيتين
و هو نظام تعليق غير مستقل, و يتميز بتكلفتة القليله نسبياً, و بسهولة صيانته
يعيبه في رأي, انه غير مستقل, و لا يصلح في السيارات السيدان بدون نظام للثبات
و ده بسبب ان لو تأثرت احد العجلتين الخلفيتين بأي شئ في الطريق, زي نقره
او جزء غير ممهد من الطريق, العجله التانيه هتتأثر بردو, و لكن بنسبه
و النظام ده لا يصلح إلا في السيارات الجر الأمامي فقط...
Multi-Link
هو عباره عن نظام متعدد الوصلات, يصل بين العجلتين الخلفيتين كل واحده على حدى
و هو نظام تعليق مستقل, و يتميز بأنه بيزيد من راحة القياده, و ثبات على السرعات العاليه
ده الى جانب انه بيخللي كل عجله تعمل على حدى, و بشكل منفصل عن الاخرى, الخلفيتين طبعا
يعيبه انه مكلف في صناعته, و صيانته مش سهله...
و ده نظام يصلح للعربيات الجر الأمامي, و الدفع الخلفي...
و لا يمكن يكون في عربيه دفع خلفي, إلا و لازم يكون نظام التعليق الخلفي مستقل
علشان يسمح للكرونه بتحريك العجلتين الخلفيتين, و توزيع العزم عليهم...
و يعتبر نظام التعليق المستقل Multi-Link هو النظام الأحدث, و الأفضل
من نظام التعليق الغير مستقل Torsion Beam, و اللي بيعتبر نظام قديم...
يا رب اكون قدرت افيدك, و اشرحلك الموضوع بشكل بسيط و سهل...
تقبل تحياتي...
بمناسبة الموضوع دا يابشمهندس غازى
ممكن تقولى نظام التعليق الخلفى Trailing Arm يعتبر مستقل ولا غير مستقل ؟
وهو احسن ولا ال Torsion Beam
على حسب معلوماتي... انه ممكن يبقى مستقل لكن مش تماما, و ممكن يكون غير مستقل
و ده راجع لعدد الوصلات او الأذرع اللي هيتم استخدامها في نظام التعليق...
لكن بشكل عام, لو النظام الاساسي, يعتبر غير مستقل بردو, و لكن هيفرق عن البيم
في انه مش هيبقى واصل بين العجلتين الخلفيتين بشكل مباشر, فالمشكله اللي في البيم
(من وجهة نظري) ان العجلتين اللي ورا بيترفعوا لو واحده بس اترفعت هيبقى اقل
كتيير جدااا في الترايلنج ارم... لأنه مش واصل بين العجلتين بشكل مباشر و بالتالي
نسبة تأثير كل عجله على الثانيه هتكون اقل من التورشن بيم...
لأن الـSemi-Trailing Arm يعتبر غير مستقل بردو...
ده رأي, و وجهة نظري على حسب معلوماتي يا حسام باشا...
اللي اعرفه ان ال multi link افضل واثبت ولكن عايز اعرف صيانته اصعب ازاي بالظبط...؟؟؟
تسلم ايدك يا غازي باشا