الوجان فيها نفس عيب التويوتا

**photographer** · 21-05-2010 10:47 PM

نفس عيب التويوتا الى هو عدم فصل حقن البنزين عند نقل السرعات او فصل تروس الحركه( تمور) وهو الشئ الجننى لما لقيت rbm مبيفصلش لما بمور وصوت الموتور عالى جدا تخيل لما انت تكون على rbm 3 وتيجى تهدى عشان مطب مثلا وتفصل الحركه عن العربيه لما دوس على دواسه الدبرياش وتمور عصايه الفتيس المفروض rbm ينزل تحت الواحد لا مبينزلش وتلاقى rbm زى ما هوا مش دى كرسه يا جماعه كلمت التوكيل وخت معاد يوم الاحد وهو ده نفس العيب بتاع التويوتا الى تسبب فى حوادث كتير فى امريكا والمفا جأة الى انا لسه عارفه ان دواسه البنزين والدبرياج بلستك مش معدن على ما اعتقد انها ممكن مع الاستعمال تتكسر بس يارب متكونش وحنا على طريق وتعمل مصايب حسبى الله ونعمه الوكيل انا عربيتى عامله 7000 كيلو .

**AHMED1718** · 21-05-2010 10:58 PM

ايه الكام الغريب ده الزاى ال r p m زى مهو انتا قصدك الدواسة مش بتطلع تانى ؟

بس كلام اول مرة اسمعه

**M.Radwan** · 21-05-2010 11:41 PM

بس عيب تويوتا المعروف كان في دواسة البنزين نفسها
كانت بتعلق في الأرضية ومش بترجع مكانها تاني
والكلام ده غير موجود في اللوجان!!
ثانيا: أنا لما بمور صوت الموتور مش بيعلى زى ما حضرتك بتقول
واللوجان بقالها 6 سنين دلوقتي في دول العالم المختلفة
فأكيد عيب زي ده كان هيبقى معروف لو موجود

حاول تشوف يمكن العيب في عربيتك انت بس،

**yoko** · 21-05-2010 11:43 PM

مشكلتك مشكله ideal sensor أو فيشة الtps وبتتغير في التوكيل ومفيش مشكله وده العيب الي مشهور في الأفيو

**Super_Star_h** · 22-05-2010 01:18 AM

متخفش مشكلتك بسيطه ان شاء الله
وحالتك فرديه لان انت اول واحد تشتكى من الموضوع ده
يعنى مش عيب فى كل اللوجان زي ما هو عيب فى كل التويوتا
وبالنسبة لدواسة البنزين بلاستيك
ما هى بلاستيك كده فى معظم العربيات دلوقتى
وعلى فكره ده بلاستيك مضغوط وقوى جدآ جدآ مستحيل هيتكسر

**bishoy02010** · 22-05-2010 10:27 AM

المشكلة ديه عند حضرتك بس واكيد حساس او حاجة عايزة تتغير متقلقش

**photographer** · 22-05-2010 11:28 AM

شكرا ليكم وانا رايح التوكيل بكره ان شاء الله ولما أرجع هقولكم على الحصل بس الهيجننى ان اول مره اركب عربيه زيرو وكنت متخيل ان مهشوفش منها اى اعطال على الاقل بعد عدد كلوات كتير لاكن الحمد لله على كل شئ