ماتريحش موتورك اوى عشان كده بتبوظه مش بتحافظ عليه ..ازاى؟!

**momopersona** · 22-05-2010 11:33 AM

السلام عليكم ورحمة الله وبركاته

لاحظت ان الكثير من ملاك السيارات يحاولون الحفاظ على محركات سياراتهم باستخدام تروس اعلى من المطلوبه

فمثلا ينقل عند 2000 لفه على اساس ان بتلك الطريقه صوت المحرك منخفض ومرتاح معتقدا بانه يطيل عمر المحرك بطريقته فى القياده

ولكن هذا يؤذى المحرك

تخيل ان هناك شخص قوة يديه الاثنين (س) وبتلك القوه يمكنه رفع صندوق وزنه 100 كجم من الارض الى ارتفاع مترين فى زمن قدره ثانيتان (باستخدام قوة يديه الاثنثن س )

طلبت منه استخدام يد واحده فى رفع نفس الصندوق وقرصت عليه برفعه فى زمن قليل ايضا
ستكون قوة يده (1/2 س) وقد تؤذى عضلات يده بسبب هذا وانت معتقد انك بتلك الطريقه تحافظ على يده الاخرى

سأطبق نفس الكلام على محرك سيارتى البروتون بيرسونا
وهذا هو منحنى ثدرة محرك السياره

لاحظ معى قوة المحرك ال base CAMPRO
تصل الى 80 كيلو وات اى 110 حصان عند 6000 لفه وفى تلك الحاله تكون قوة المحرك كله مستخدمه
ولكن عندما تنقل عند 2000 لفه تكون حوالى 22 كيلو وات وبالتالى سينخفض عدد اللفات فى الترس التالى الى حوالى 1200 لفه وستكون القوه المستخدمه حوالى 12 كبلو وات وسيكون حمل كبير جدا على المحرك الوصول لسرعه اعلى بالاخص عندما تضغط بقوه على الدواسه

وتطلب من المحرك ان يأخذ نفس الوزن من السرعه كذا الى السرعه كذا
و قد يلجأ المحرك الى ما يعرف بالكركره او التسقيف المعروف بانه يقصف عمر المحرك

لذلك انصح سائقى السياره بمحاولة الموازنه ان لا تجعل صوت محركك عالى بطريقه مبالغ فيها والا تخفض صوت محركك بطريقه مبالغ فيها ايضا

ونفس الكلام حاول تطبيقه على محركك الخاص حسب خواصه وارقامه

احد مهندسين السيارات قال لى فى يوم احرق 10 مرات ولا تسقف مره وادى الغيار حقه بس مش بافراط بردو
وتم تفسير ما قاله لى بعد رؤيتى لمنحنى قدرة محركى الان

وبنفس الطريقه يمكن لك ان تقدر الطريقه الانسب لقيادة سيارتك

هذا الكلام بشكل عام على معظم المحركات وليست كلها لان يوجد بعض المحركات لها طريقه اخرى
والكلام اجتهاد شخصى وقابل للنقاش وشكرا

**heshamzaky** · 22-05-2010 11:43 AM

انا مؤيد وجهت نظرك تماما لازم تفوق الوتور كل فترة و دة بالبلدى كدة علشان الموتور ما يبقاش مكتوم

**hobaz** · 22-05-2010 11:44 AM

اولا الف شكرا على الموضوع ياباشا.....
ثانيا المصدر منين يامعلم.....
ثالثا من وجهة نظري ان احسن وقت علشان تنقل هو على 3 او 3 ونص rpm والله اعلم.....
رابعا مستني ردك....

**momopersona** · 22-05-2010 11:49 AM

المشاركة الأصلية كتبت بواسطة heshamzaky

انا مؤيد وجهت نظرك تماما لازم تفوق الوتور كل فترة و دة بالبلدى كدة علشان الموتور ما يبقاش مكتوم

شكرا

المشاركة الأصلية كتبت بواسطة hobaz

اولا الف شكرا على الموضوع ياباشا.....
ثانيا المصدر منين يامعلم.....
ثالثا من وجهة نظري ان احسن وقت علشان تنقل هو على 3 او 3 ونص rpm والله اعلم.....
رابعا مستني ردك....

لا مافيش مصدر ده مجرد اجتهاد او استنتاج منى ونقل لكلام مهندس صديق
فعلا ممكن يكون افضل وقت 3 او 3.5 لكن بردو فى الحاله دى ماتدوسش على دواسة البنزين جامد
لانك بتبئى نزلت ل 2 مثلا وبتبقى القدره والعزم قليل لو دوست جامد وطلبت منها تسارع سريع ممكن يبئى حمل عليها
وبردو حسب عربيتك فى الاول والاخر وقوة محركها نسبة لوزنها وكده

**eng.m7md.ali** · 22-05-2010 11:53 AM

المشاركة الأصلية كتبت بواسطة momopersona

شكرا

لا مافيش مصدر ده مجرد اجتهاد او استنتاج منى ونقل لكلام مهندس صديق
فعلا ممكن يكون افضل وقت 3 او 3.5 لكن بردو فى الحاله دى ماتدوسش على دواسة البنزين جامد
لانك بتبئى نزلت ل 2 مثلا وبتبقى القدره والعزم قليل لو دوست جامد وطلبت منها تسارع سريع ممكن يبئى حمل عليها
وبردو حسب عربيتك فى الاول والاخر وقوة محركها نسبة لوزنها وكده

هل الكلام ده ينطبق على المانوال بس ولا الوتوماتيك كمان
مع العلم اني بنقل عند 2.5 ار بي

**momopersona** · 22-05-2010 12:15 PM

المشاركة الأصلية كتبت بواسطة felix

هل الكلام ده ينطبق على المانوال بس ولا الوتوماتيك كمان
مع العلم اني بنقل عند 2.5 ار بي

هاتلاحظها فى الاوتو ان طول مارجلك خفيفه بتنقل بدرى لان ده مش حمل على الموتور
لكن لما تدوس جامد هاتلائيها عملت كيك داون طبيعى

عادى انك تنقل على 2.5 بس ماتدوسش على البنزين جامد يعنى سايسها ماتطلبش منها اداء عالى باستخدام قدره قليله عشان مايبقاش حمل على الموتور
فاهمنى ؟؟

لكن فى ناس يدوس الدواسه على الاخر وهو بينقل بدرى وده غلط جدا هو كده معتقد انه بيجرى وبيحافظ