وجب التنبيه للأعضاء بخصوص محل الكاوتش ده

**samshr** · 23-05-2010 03:06 PM

انا أأكد كلامك لانه قد قام بنفس الفعل معى

**mohameduoser** · 23-05-2010 03:18 PM

على فكرة الحكاية دى كترت اوى و كل متروح تزود هواء يقولك نكشف عليها الافضل الواحد يزود هواء و بعد كدة يروح مكان محترم يكشف على الفردة علشان الخوابير بتبوظ الكاوتش

**John_Samy_1** · 23-05-2010 04:06 PM

شكرا جدا للتنبيه ولو حضرتك عايز حد في المنطقة مبروك غطاطي على شارع فيصل ممتاز بس هو دايما زحمة.

**د.محمود صلاح** · 23-05-2010 04:21 PM

للأسف الموضوع ده منتشر بشدة في أماكن كثييير ...

**osama.m** · 23-05-2010 05:23 PM

ربنا يهديهم
انا بروح لواحد بس و مش بغيرة حتى لو العجلة حصل فيها حاجة .. بركب الاستبن و امشي علية لحد ما اخلص مشواري .. و اكتر حاجة بدفعها 4 جنية في الخرم و الراجل عمرة ما قاللي يعمل خابور .. بس للامانة انا بتعامل معاه من اول عربية اشتريناها يعني من فترة فا الراجل بيعاملنا كويس

**alisleman** · 23-05-2010 05:30 PM

مرة حصلت معايا فى عربيتى اللى قبل كدة وانا ماشى حسيت بدبه فى العجل دخلت اكشف قالى العجله فاضيه قالتله ازاى وهى مش على الارض قالى الجنط هو اللى عامل كد قولتله ماشى شوف فيها ايه جاب ازازة المياة بالصابون طلع 6 اخرام قاللى فى خوابير 10 جنيه وفى خوابير المانى 12 جنيه ورانى الكيس دة والكيس دة وقولتله اشتغل وانا عارف انه نصاب وقولت خليه يعمل اللى هو عاوزة وانا فى الاخر اللى هاعورة بعد ماعمل 6 اخرام قاللى فى خرم تانى قولتله اعمله بس يابيه هاحسبك على 6 بس وعاوز 60 جنيه قولتله ليه هى 10 جنيه فقط قاللى ليه ومش ليه قولتله مفيش غيرها 60 جنيه ليه يعنى انا مفكر الكيس كله ب 10جنيه فى 10 خوابير لكن 60 ماكنت اشتريت فردة جديدة 250 جنيه افضل ورميتله 20 جنيه فى الاخر ومشيت بس بعد خناق كتير

**alisleman** · 23-05-2010 05:31 PM

المشاركة الأصلية كتبت بواسطة fghahkj

انا مش عارف انتم اذاى بتلحموا الخرم ب10 جنيه انا عندى كل بتوع الكاوتش بيلحمو الخرم سواء مكوه او خابور ب3 جنيه فقط....

هو دة السعر الصح وبيديلوة تبس 2 جنيه يعنى 5 جنيه كله على بعضه

**Dr.lancer** · 23-05-2010 06:05 PM

المشاركة الأصلية كتبت بواسطة alisleman

قاللى فى خوابير 10 جنيه وفى خوابير المانى 12 جنيه ورانى الكيس دة والكيس دة

عمل الحوار ده معايا برضه

المشاركة الأصلية كتبت بواسطة samshr

انا أأكد كلامك لانه قد قام بنفس الفعل معى

النهارده فى زميل برضه ساكن جنبى عمل معاه نفس الشىء و أتضح أنه معروف فى المنطقة و شغله أساسا على العربيات اللى بتمشى على الطريق السريع ده فى طريقها للدائرى يصطاد منها العربيات

المشاركة الأصلية كتبت بواسطة john_samy_1

شكرا جدا للتنبيه ولو حضرتك عايز حد في المنطقة مبروك غطاطي على شارع فيصل ممتاز بس هو دايما زحمة.

حتعامل معاه إن شاء الرحمن. و فعلا زى ما الواحد له الميكانيكى و الكهربائى بتاعه لازم يكون له بتاع كاوتش أيضا.