الموضوع: وجب التنبيه للأعضاء بخصوص محل الكاوتش ده

الله ينور عليك انك وضحت المكان ده بالصور كمان....
بس هل ممكن حاجة تتعمل ضد الناس دى لوقف آذاهم عن الناس ؟

الصابون أفضل من الماء فى الكشف لأن الفقاقيع اللى بيعملها بتكبر فوق الخرم لحد ما تفرقع فالأصول يحط صابون تانى ويتأكد
إنما الماء مش هينفع فى زجاجة لأن مش هيبان أى حاجة فلازم الحوض

وعندنا برضه لحام الكاوتش 3 - 4 جنيه مافيش 10 دى أبدا

مشكور علي التنبيه الممتاز والأكثر من رائع خاصة أنه مرفق به خريطة المكان ولقد حدث مع أخي مثل هذا الموقف بالحرف الواحد ولكن مع محل آخر لا أتذكر مكانه بالظبط وعلمت من بعض الناس حدوث مثل هذا الموقف بالتحديد مع الكثيرين كما لو كان سيناريو تتبعه كل المحلات إلا من رحم ربي


وإسمحوا لي إخواني الأفاضل أن أقترح فتح موضوع يكون مخصص للإبلاغ عن كل محلات النصب والغش في أي شيء يخص السيارات وتكون نواة طيبة منا في إجبار كل منعدمي الضمير علي عدم الغش حتي ولو كانوا مكرهين ولله الأمر من قبل ومن بعد

وهذا رابط الموضوع المقترح

http://www.nilemotors.net/Nile/152168-a.html#post3872692372

دمتم بود

انا عندى الفردة الشمال امامى دايما بتنقص وبتبقى 20 او 22 وانا عرفت ان العيب من البلف تقريبا لانها لو مخرومة وسبتها يومين كانت هاتبقى على الارض
طبعا كل ماروح ازودها عند اى واحد يقوللى اكشفلك عليها وانا اقوله لا بعدين
الاسبوع اللى فات جوزى هو اللى كان بيزودها وانا قاعدة فى العربية المهم الراجل اقنعه انه يكشف عليها ولانه عارف القصة سابه يكشف عليها وطبعا المية بقللت وقعد يتحايل عليه يعملها وهو رفض لكن كدة انا اتاكدت بالدليل القاطع ان المية دى هى اللى بتعمل كدة
يعنى من الاخر طالما انت شايف ان الكاوتش مهوى شوية يبقى اوعى تعملها فى ساعتها ولو نامت بعد كدة ايقى غير الاستبن واتصرف فيها بطريقة صحيحة لكن شغل النصب ده خلاص بقى مفقوس قوى