يا ريت تقولوا لي رايكم في التكييف في اليومين الطراوة دول
و التوكيل كل مرة يقولوا ده تمام و مية مية
عاوز اعرف رايكم عشان لو كويس عندكم هاروح انفخهم
عرض للطباعة
يا ريت تقولوا لي رايكم في التكييف في اليومين الطراوة دول
و التوكيل كل مرة يقولوا ده تمام و مية مية
عاوز اعرف رايكم عشان لو كويس عندكم هاروح انفخهم
التكييف ماشى معايا كويس جدا و مافيهوش مشاكل فى الجو دا
ناس كتير معاهم لوجان وبتقول ان التكييف كانو بيشغلوة على 2 او 3 وشغال زى الفل
شكلي هاروح اتخانق في التوكيل قريب !!!
هو المفروض يكون عندهم ترمومتر ديجيتال مخصوص للتكييف....بيحط العربية فى الظل و يشغل التكييف على أقصى حاجة و دورة مغلقة و خروج الهواء من فتحات النصف فقط....و يشوف درجة الحرارة بتقل كام عن درجة الحرارة الخارجية ( دلتا تى ) بعد زمن معين....المفروض دى أسلم طريقة للكشف عن كفاءة التكييف....لو فيه مشكلة فى فرق درجة الحرارة ببتدى أشوف الضغط و نظافة الفلتر و..... هكذا لغاية لما أعمل الإختبار تانى و أحصل على الفرق المطلوب....أقصد العملية مش بس الشحن مضبوط و لا لأ....يوجد عوامل أخرى كثيرة....
طبعا أنا خبرتى فى إسكندرية فقط مع واحد ملوش حل فى التكييفات إسمه وايت إندسترى....كان شغال فى أمريكا قبل كده....لكن رهييييييييييييييييييببببب بببببببببب!!! الكليو بتاعت حماتى فعلا بقت تلاجة على نمرة 2 فى عز الحر مع إن تكييف الكليو على قد حاله و يمكن أسواء من الميجان كمان....و هو اللى عمل إختبار فرق الحرارة ده قدامى قبل و بعد التظبيط....
الموضوع ده بقاله فوق السنتين دلوقتى و التكييف ما شاء الله أحسن من ما كانت العربية نازلة بيه و هو زيرو....أعتقد كمان بتفرق قوى الفريون المستخدم و نوعيته......
غيرت الفلتر بل كده يا كيمو ؟؟
خلاص
مشوار ل White Industry تظبط لك الموضوع
على فكرة الراجل جامد موت....هو و إبنه شغالين فى الموضوع و كمان بيوردوا فريون للناس بتوع التكييف....تحس كده إنك شغال مع دكتور جامعة مش صنايعى....المشكلة الوحيدة إنو لازم يلطعلك الإستيكر بتاع الدعاية بتاعو على شنطة العربية:I_angr1[1]:....طبعا حبيت أقول للصبى فى الخباثة ما بلاش تلزق الإستيكر....قالى عيب يا بيه المعلم يزعل قوى...:dontudear:
العنوان فى كامب شيزار على شارع أبو قير فيه بطاريات النسر فارتا محل كبير جدا واخد ناصية شارع...تدخل فى هذا الشارع و تكسر أول شمال.....و أبقى إدعيلى فى كل يوم حر يعدى عليك:F_eyeb1[1]:....و سلملى على التوكيل اللى ملوش خالص فى التكييف.
يا جماعه الموضوع دا طبيعي في الميجان والسينيك ....
يعني مش زي كفاءة الياباني او الكوري ...
زي الاوربي وخصوصا زي الاوكتفايا ..... في درجات ال 40 وفوق .... التكييف بيحتضر ....
انا داخل اشوف مين اللي كاتب الموضوع دا....
اصل العنوان فطسني من الضحك!
عازل حراري...
شكرا يا ميجى بوى على المعلومة , يعنى أنا لو حبيت أكشف مثلا على التكيف هاياخد كام ؟ و لو محتاج فريون هاياخد كام برضو ؟ علشان أبقى عامل حسابى يعنى
الحوار ده كان من سنتين تقريبا و كمان كنت مجربة مرتين قبل كده فى عربيات تانية و بصراحة شغله الله ينور.....
الحوار كله ساعتها كان فى حدود 60 جنيه و لو يعنى قرص بتتكلم فى 75جنيه....يعنى إن شاء الله دلوقتى مش هتعدى ال100 جنيه....بس يستحق الفلوس....على الأقل بتحس إن حد بيفهم شغال فى العربية...الراجل الكبير مش بيشتغل بإيده ...بيشرف فقط و إبنه هو اللى شغال شغل نمره واحد....سيطه مسمع جامد فى إسكندرية....و هتلاقى غالبية عربيات الإسكندرية لطعه الإستيكر اللعين بتاعه على الشنطة:T_thum1[1]: نسيت أقول إن المبلغ ده شامل كشف و تزويد و تظبيط و كل حاجة....و تطلع مش مصدق إن ده هو التكييف بتاع عربيتك خصوصا لو كانت أوروبى....لو كانت أسيوى بتحس إن التكييف رجع زى الأول تانى أما الأوروبى بتحس إنه غير التكييف خالص....أعتقد السر فى نوع الفريون اللى بيستخدمه....هو أغلى من ناس كتير....لكن شغله ملوش حل....و إسأل مجرب....
مش قصور فنى و لا حاجة...بالعكس...الطريقة إللى بيشتغل بيها تكييف الميجان مقنعة بالنسبة لى أكتر من المكيفات فى العربيات الآسيوى طالما درجات الحرارة تحت ال 40
فوق ال 40 فعلا بتحس إنك عايز تكييف بمواصفات تانية و لأغراض تبريد تانية
مش معقول هيكون فيه تكييف يجمع بين مزايا الأوروبى و الآسيوى....
فعلا العازل الحرارى على الزجاج ممكن يساعد كتير فى التغلب على كمية الحرارة الداخلة مع أشعة الشمس و دى أكتر حجة بتفسد الإحساس بالتبريد فى أثناء عمل التكييف
على فكره يا جماعه انا عندي نيسان صني و ميجان و التكيف في الاتنين تقريبا زي بعض يمكن في النيسان اسرع دقيقتين او تلاته لكن في الاخر كله بيوصل لنفس المستوى مش شايف فرق يعني خالص ليه بس بتقولوا ان تكيف الميجان اضعف ... المهم انك تشغله صح ... يعني الاول مثلا تشغله والازاز مفتوح دقيقه علشان الهوا السخن يطلع وبعدين تقفل الازاز .. دي حاجه مثلا
انا كان عندى مشكله فى تكيف الكليو من حوالى اسبوعين خالد بيه كان عارف بس ظبت الأداء انا عايز اقولكو تكيف الكليو من اقوى تكيفات الرينو عامه عن تجربه..................ز ال 5الاف دول يا احمد كانوا من كام شهر كده يا برنس الليالى و قولى علشان اظبطلك الأداء
ال 5000 كانوا من 3 او 4 شهور
حضرتك من ساعة ما ركبت البايك مش هتقتنع بأي تكييف للأسف ..
التكييف ماشى معايا كويس جدا و مافيهوش مشاكل فى الجو دا
من أعلى الضواغط كفاءه ..
الياباني..و الفرنساوي...
يعنى المفترض...إن التكييف اليابانى و الفرنسي آدائهم واحد أو على الأقل مقارب
شركه رينو مبتصنعش كمبريسورات جميع الموديلات تمدها بها شركه sanden اليابانيه المعروفه
انا واحد حبيبى و غالى عليا ادانى للاسطى فريونه و المفروض انه خلى التكييف كويس
بيفطس اول ما الحراره تبقى 40 و ما اعلى
حبيبى لو قارى احب اقولك انى زعلان على الحته ام ميه
اية الأسرار دى ؟ ماتقولولنا مين اللى مش كويس علشان مانروحلوش
عاجبك كده ؟؟؟؟؟؟؟؟ :8954[1]:
مش كان في إتفاق ترجع له تاني و أنت ما جيتش ؟ صح يا باشا ؟
الراجل سألني عنك فإتصلت بيك و ما ردتش ....... قلت له طالما مجاش زي ما إتفقنا يبقى الدنيا ماشية ......... عموما يا باشا إحنا فيها :colsmil: بس خلّيك فاكر الكلام كان على ضبط الفريون ...... أساسا العربية كانت جايه من
عند فطاحل ضبط التكييفات مش عاجباك و الأسطى فريونه إشتغل فيها بالليل مش في عز الظهر (حنيجي عالغلبان يا راجل يا طيب ؟) . :8_8_13: