الموضوع: عايز رأيكم في شراء 318 موديل 2000

صباح الفل
يسعدني اكون اول واحد ارد عليكوسؤالي ليه مفكرتش في الاولانيه؟

المشاركة الأصلية كتبت بواسطة moon47777

لقيت 3 عربيات محتار بينهم كلهم موديل 2000
اول واحده لونها سماوي فرش بيج عدادها 107 الف فيها زينون وطاره ملتيميديا وجنوط 17 الفتيس الجديد فابريقه دواخل ورشه برا مطلوب فيها 100 الف نهائي وشكلها مش متهان محتاجه حساس شكمان وجلب مقصات

التانيه لونها سماوي فرش اسود عدادها 198 الف مفيهاش زينون ولا طاره والجنوط الاصلية بتاعتها الفتيس الجديد فابريقه دواخل ورشه برا مطلوب فيها 90 الف بس عايزه فانوس خلفي عشان مكسور وفانوس امامي وشوية لمبات محروقه ولمبة الايرباج منوره وشكلها من برا معقول

التالته لونها فضي فرش اسود عدادها 65000 بس هو منزلو 100 الف يعني الحقيقي بتاعو 165 الف فيها زينون وسي دي تشانجر وجنوط 17 مش بتاعتها وفابريقه برا وجوا عيبها انها الفتيس القديم اللي كل الناس بتخاف منو المهم طالب فيها 95 الف بس كمان كم يوم على ما يجيب عربيه تانيه

انا توكلت على الله وصليت استخاره ورايح بكرا ان شاء الله اكشف على التانيه ( سماوي في اسود) وربنا يسهل ويطلع ما فيهاش حاجه وهاحاول انزل كمان الفين من تمنها وربنا يسهل مش عارف انا اخترت كويس والا اشوف واحده من العربيتين التانيين

مستني رايكم

دمتم بود

من رأيى إن حضرتك إما تشترى الأولى أو الثالثة! لأن أسعار قطع غيار ال e46 بشكل عام غالية! و العربية الثانية شكل بها مشاكل و مشيت أكثر 198000 كيلومتر أما الأولى و الثالثه فأقل فى المشى منها ثانيا ليس بها كماليات إضافية مثل الأولى و الثالثه! إذا حضرتك عندك استعداد فى تزويد المبلغ الى 105000 جنية, فيه سيارة أمامى 2000 فابريكة من الخارج و الداخل الفتيس الأستيبترونيك, مش محتاجه مصاريف لونها أسود فرشها لونه بيج

عالعموم هذا رقم التليفون 0116450150 - 0116450150 , صاحب السيارة اسمه محمد سليمان

أنا عن نفسى لى منطق فى الشراء إذا كنت بشترى للركوب وليس للبيع! إذا كان امامى سيارة نظيفة جدا جدا و سعرها غالى بعض الشىء عن غيرها من نفس الموديل بشتريها لأن حضرتك ممكن تكون شايف إن سعر الثانية جميل و رخيص لكن السيارة ممكن يكون بها مشاكل مخبئة و بالطبع صاحب السيارة مش هيقول لك إلا على الحاجات الخفيفة!

و إذا سعر السيارة اللى أنا جبتها لك غالى شوية حضرتك إما تشترى الأولى و ده الأنسب أو الثالثة لكن إبعد عن الثانية, بالنسبة للفتيس الأتوماتيك القديم و مشاكله يكون بنسبة 80% الأولى و 20% الثانية أو 100% السيارة اللى كتبت مواصفتها لك

عالعموم ايا كان اخيارك لازم تكشف على السيارة جيد جدا! إذا إنت مش عارف شخص كويس يكشف لك على السيارة أنا لدى من يكشف لك جيد عليها و يقول لك ما تحتاجه هذه السيارة!
بالتوفيق

الاولى طبعا مفيش كلام و خلصها على 95 الف - جلب المقصات بتتكلف حوالى 600 جم فقط.

السلام عليكم ورحمة الله
يشرفني بجد اهتمامكم بالموضوع وشكرا لكل واحد رد عليا

التفاصيل بقى
الاولانيه في ناس اتفقوا عليها وراحو يجيبو عربون الكلام ده كان امبارح اخر النهار قلت مفيش نصيب خصوصا اني مصلي استخاره وكنت لسه ما بعتش عربيتي عشان كده سيبتها وفكرت في واحده من الاتنين التانيين

بس ربنا كرمني امبارح وبعت عربيتي عشان كده مستعجل على شرا واحده بدالها عشان اتعودت ان يبقى معايا عربيه ومش مستحمل تكاسي وخلافه ونظرا لان التالته قدامه كم يوم على ما ينوي يبيع عشان كده فكرت في التانيه

انما النهارده بقى الحال اتقلب راسا على عقب ازاي
اقولكم
رحت كشفت على التانيه عند صاحبي اللي في وهدان الساعه 9 الصبح اول ما فتح الشنطه قال لي انفد بجلدك عشان دي واخده حادثه من ورا وراشه دواخل مش زي ما الراجل ما قال وتاني حاجه الركب الاماميه مشروخه (العيب الشائع في البي ام) كل ده ولسه ما حطناهاش على الجهاز قلت لهم كفايه لحد هنا وقلت للراجل متشكر جدا وهربت بجلدي

المهم ع الساعه 12 كده قلت اضرب تليفون للراجل بتاع العربيه الاولانيه اللي هي اساسا اكتر واحده عاجباني قال لي ان الناس ماخلصوش فيها عشان الناس فاصول معاه تاني عشان ينزلها عن ال 100 ( هو اساسا طالب 105) المهم قالهم والله مانا بايع لو ب 110 حتى ولما كلمتو قال لي لو عايزها ب 100 تعالى خدها واكشف مكان مانت عايز بس المشكله ان كل اللي معايا 90 بس هحاول اتصرف في ال 10 وساعتها هاشوف موجوده والا لسه

التالته بقى مستني صاحبها يحن ويقول لي تعالى خدها

اتمنى اكون ما صدعتش دماغكم واسف على الاطاله ومستني ردكم هل الموضوع يستاهل اني استلف والا على قد لحافك مد رجليك

دمتم بود

عربيه مو 2000 عامله 200 الف !!!!! منتظر ايه ؟؟؟؟؟؟؟
الاولى فقط - لا تستعجل السوق مليان .
ادام البايع عايز 100 الف و الناس فاصلوه يبقى حضر 95 الف و روح بيهم على طول و خلص ،، البايع اول مايشوف الفلوس حيخلص .
لا تنسى للتطمأن الكشف فى التوكيل .

المشاركة الأصلية كتبت بواسطة batman372

عربيه مو 2000 عامله 200 الف !!!!! منتظر ايه ؟؟؟؟؟؟؟
الاولى فقط - لا تستعجل السوق مليان .
ادام البايع عايز 100 الف و الناس فاصلوه يبقى حضر 95 الف و روح بيهم على طول و خلص ،، البايع اول مايشوف الفلوس حيخلص .
لا تنسى للتطمأن الكشف فى التوكيل .

ماهو لما الناس فاصلوه حلف ماهو بايع على فكره انا اول ما شفتها من 10 ايام كده كان ماسك في 103 حاولت معاه يومين ورا بعض اني اوصل لل 100 ما رضيش بعد كده الناس التانيه فاصلت وطلعت الفلوس واتفقت على 100 وهو وافق بعدها قالو له عايزين ننزلها كمان 2000 راح حلف عليهم ماهو بايع ولا ب 105 عالعموم هو عامل عرض مغري برضو هايخلص المرور كلو على حسابه ويديني رخصه باسمي لمده سنه يعني هايدفع الضريبة والتامين والتسجيل ودولا لوحدهم حوالي 2000 جنيه

المشاركة الأصلية كتبت بواسطة Batman372

الاولى طبعا مفيش كلام و خلصها على 95 الف - جلب المقصات بتتكلف حوالى 600 جم فقط.

طيب وحساس الشكمان

المشاركة الأصلية كتبت بواسطة moon47777

طيب وحساس الشكمان

معنديش فكره - اسأل عليه التوكيل .