العجله الشمال اخرت

**adelco** · 23-05-2010 02:49 PM

المشاركة الأصلية كتبت بواسطة heshamzaky

معلش كتبت حاجة غلط يا جاليليو الحقنى و حاول توضح احسن منى شوية دة عدول باشا لحسن يقلب المنتدى علينا و منقدرش نقول حتى اى بس يا عدول انت رزعت جامد اوى فى الرصيف ولا بالراحة بس هى العربية تقيلة زى الداهية فممكن بس نظام العفشة بالتمبرا جامد مش متخيل فينكو يا تمبراوية دة عادلكو برضة

السلام عليكم
انا فعلا رزعت جامد لانى ببساطه كنت ماشى وببص ورايا
والحمد لله

**adelco** · 23-05-2010 02:51 PM

المشاركة الأصلية كتبت بواسطة galilio_mad

الف سلامة عليك و على العربية يا باشا

1.5سم دى كتير جدا و لو فعلا فى التأخير ده كله فى العجلة يبقى اكيد فى حاجة اتعوجت

بمعنى ان المقص اتعوج او القنطرة اترحلت ورا شوية , خلى عفشجى يبصلك عليها

وانت ممكن تشوفها , قيس المسافة بين الكاوتش و حرف الرفرف من تحت فى الناحيتين و شوف الفرق قد ايه

السلام عليكم
المسافه فعلا حوالى 3اصابع من ناحيه
والناحيه الثانيه صباعين فقط من نلحيه الخبطه
والعربيه بتحدف شمال
والحمد لله
بس انا كنت عاوز اعرف تاثير ده على العربيه
هل بعد ما يعمل الزرجينه دى العربيه هترجع زى ما كانت ولا هتكون فيها مشكله

**adelco** · 23-05-2010 04:00 PM

المشاركة الأصلية كتبت بواسطة galilio_mad

كده يبقى فعلا فى مشكلة
بالنسبة للزرجينة , انا جربتها مرتين فى حياتى , مرة نفعت و التانية رجعت زى ما كانت بعد 3 اسابيع

قبل الزرجينة شيك على المقص و القنطرة اللى راكب عليها المقص لان بنسبة كبيرة التأخير من واحد فيهم

السلام عليكم
والله انا توكلت على الله ومن توكل على الله لا يحزن
بامر الله كل شىء هيبقى تمام
وانا متاكد ان اللى حصل ده خير بس ممكن اكون مش فاهم دلوقتى واكيد فى حكمه من اللى حصل
الحمد لله وانا لله وانا اليه راجعون

**adelco** · 23-05-2010 07:38 PM

المشاركة الأصلية كتبت بواسطة memononos

عادى يا باشا انا لبست بلاعه قبل كده وعملت زرجينه ومش بتاخد اكتر من نص ساعه وثمنها 40 جنيه تقريبا

السلام عليكم
الله يطمنك يارب يطلع الموضوع زى ما بتقول
وتكون بسيطه ان شاء الله
شكرا يا باشا على ردك

**heshamzaky** · 23-05-2010 07:41 PM

ابقى طمنا و بخر العربية شكلك كدة حد مركز معاك من ساعة ما جبت العربية و عينة وحشة اللهم احفظنا

**adelco** · 23-05-2010 07:50 PM

المشاركة الأصلية كتبت بواسطة heshamzaky

ابقى طمنا و بخر العربية شكلك كدة حد مركز معاك من ساعة ما جبت العربية و عينة وحشة اللهم احفظنا

السلام عليكم
والله يا هشام يا اخى انا ما اخبيش عليك قلقان
لكن ان شاء الله ربنا هايسترها
وحكايه البخور دى مش غاويها كله بامر الله
وان شاء الله ربنا يحفظنا انا وانت وجميع المنتدى

**yoko** · 23-05-2010 07:53 PM

حمد لله على السلامة الأول
وروح للعقيد خالد وخد رأيه ولو المشكله في مقص يبقى جيب واحد جديد أضمن من الزرجينة

**heshamzaky** · 23-05-2010 08:12 PM

يا جماعة انا بصراحة مستبعد ان المقص يكون حصل لة حاجة دا عامل زى الداهية شايل حمل العربية من الامام مش عارف ان شاء الله بسيطة روح لواحد يا عادل بتاع ظبط زوايا و هو ممكن يعمل الزرجينة عادى جدا