الموضوع: رأى فنى

المشاركة الأصلية كتبت بواسطة OO7

سيارتى لانوس 2 كاملة مانيوال زيرو موديل 2006 عاملة حتى الآن 41 ألف كيلو
انا معايا لانوس 2006 برضوا وعامله 42 الف تقريبا

رجاء رأى الفنيين وأهل الخبرة فى الآتى :

المشاركة الأصلية كتبت بواسطة OO7

1. رجة فى السيارة عند الطلعة الأولى وخصوصا لما بتسخن ولما يكون فى حمل على السيارة زى تشغيل التكييف أو السيارة كاملة العدد ... رحت للميكانيكى وكان تشخصيه تلف طقم الدبرياج ..
2. وجود زيت على الموتور ناحية الفتيس (عند عقربة الفتيس) وإنتشاره حتى وصل للبطارية من أعلى ... تشخيص المكيانيكى إنه مش هيظهر فين تسريب الزيت إلا لما يتغسل الموتور والكشف مرة أخرى بعد يومين .. لكن مبدأيا ممكن يكون بلف الفايظ بتاع الفتيس وده ما لوش بديل واستبعد تلف أويل سيل عقربة الفتيس ..
3. الموضوع دا هسيبه للخبراء هما يعرفوا اكتر منى فى الجزئيه دى
   

1. لميكانيكى نصحنى بضرورة تغيير طقم السيور (تكييف - كاتينة - دينامو) لما عرف إن السيارة قطعت 41 ألف كيلو
2. طبعا لازم يتغير فورا علشان هو بيتغير كل 40 الف يعنى المره الجايه يتغير لما العربيه تكون عامله 80 الف وتغييره مهم جدا علشان ميحصلش اى مشكله كبيره فى حاله انقطاع السير لا قدر الله
   

أولا: فى حالة صحة التشخيص هل طقم الدبرياج الأصلى الـ GM أفضل ولا ممكن يكون فيه حاجة أفضل منه لأنى
سمعت إن فيه حاجة كورى اسمها valu .. مش مهم التكلفة أنا عايز أفضل حاجة يكون خفيف على القدم
وناعم فى السحب.

مش كل الكورى اصلى بالعكس فى حجات كورى وتعبانه موت مثلا انا جبت طقم بلى عجل خلفى كان المانى وبصراحه حتى طريقه تقفيل العلبه وشكل العلبه يبين انه انظف من الكورى مليون مره

ثانيا : هل اللانوس معروفة إن ماتوريها بيرشح زيت بعد 41 ألف كيلو فقط .. وإيه هى المناطق المحتمل تجيب زيت

لا دا مش عيب شائع دا عيب فردى عندك والحمد لله على كل شى

ومعروفة فى اللانوس .. وهل فعلا بلف الفايظ بتاع الفتيس ما يتبعاعش جديد .. أنا أكتر حاجة مضيقانى
فى العربية دى موضوع تسريب الزيت والدبرياج السئ بتاعها ، لأنه وحش من أول يوم اشتريت فيه العربية
زيرو (بصراحة مش عارف إيه بقه فايدة الزيرو )

طيب ليه مرحتش التوكيل من اول يوم علشان يكشفوا عليه ويشوفوا العيب فين

ثالثا : هل فعلا يجب تغيير طقم السيور كل 40 ألف كيلو .. علما إنى ما شفتش حاجة بتقول كده فى الكتالوج

يجب التغيير ذى ما قلت وموجوده فى الكتالوج فى الصفحات الاخيره على ما افتكر

وفى حالة التغيير إيه الأفضل .. الأصلى ولا الكورى .. وهل هتفرق كتير من حيث الكفاءة للسيارة يعنى

الاصلى طبعا ومش شرط ان الاصلى يكون كورى

تركيب قطع غيار غير أصلية بيتحس بشكل ملحوظ فى أداء السيارة .. بتوع قطع الغيار المقربين قالولى ما
فيش فنى ولا بياع يعرف يفرق بين الأصلى والمضروب ..

بيعرفوه من الخبره والتكرار وانت شخصيا بتعرفه من منظر الخامات يعنى مثلا لما رحت اجيب طقم البلى الالمانى لقيت موجود معاه الشحم يعنى حتى الشحم جايبينه مع البلى الخلفى الشركه ال بتهتم بالعميل لدرجه انها دحطلوا الشحم مع المنتج اكيد شركه نظيفه غير شركه كورى بتحط البلى وبس وانت جيب شحم من اى مكان مع نفسك اكيد انت فاهم انى مش قصدى الشحم بس قصدى جوده الشركه

وأخيراً : هل فيه جدوى من استبدال علبة البيئة فى الشكمان بماسورة .. ده يعنى من باب تحسين أداء
السيارة .. هل بتفرق فى صوت السيارة وسحب البنزين .. طبعا يفضل رأى الناس اللى جربت ..

انا شخصيا مش مجرب وشايف انها مهمه فى العربيه بس الناس ال جربت بتقول انها بتحسن الاداء

مع خالص الشكر على مقدما لكل من يساهم فى الرد على استفساراتى بأمانة ...

المشاركة الأصلية كتبت بواسطة OO7

أولا: فى حالة صحة التشخيص هل طقم الدبرياج الأصلى الـ GM أفضل ولا ممكن يكون فيه حاجة أفضل منه لأنى
سمعت إن فيه حاجة كورى اسمها valu .. مش مهم التكلفة أنا عايز أفضل حاجة يكون خفيف على القدم
وناعم فى السحب.

طقم الدبرياج الGM الاصلى من صناعة شركة فاليو برضة... فرق السعر حوالى 180 جنية... انا جبت الفاليو

الفكرة بس ان طقم دبرياج بعد 41 الف دة بدرى اوى اوى... معظم الناس بتعدى 100 الف بطقم الدبرياج الاصلى بدون اى مشاكل

ثانيا : هل اللانوس معروفة إن ماتوريها بيرشح زيت بعد 41 ألف كيلو فقط ..

لا مفيش الكلام دة

وإيه هى المناطق المحتمل تجيب زيت ومعروفة فى اللانوس

تسريب الزيت الخارجى بيجى اما من اويل سيل البوبينة او جوان غطا التاكيهات او اويل سيل العقربة وا خرطوم البخار

.. وهل فعلا بلف الفايظ بتاع الفتيس ما يتبعاعش جديد

هو ايه بلف الفايظ بتاع الفتيس دة؟؟

.. أنا أكتر حاجة مضيقانى
فى العربية دى موضوع تسريب الزيت والدبرياج السئ بتاعها ، لأنه وحش من أول يوم اشتريت فيه العربية
زيرو (بصراحة مش عارف إيه بقه فايدة الزيرو )

دبرياج اللانوس ناعم جدا طالما الدسك سليم و المساتر سليمة... اكيد عندك حاجة غلط... انت غيرت زيت الباكم قبل كدة؟؟

ثالثا : هل فعلا يجب تغيير طقم السيور كل 40 ألف كيلو .. علما إنى ما شفتش حاجة بتقول كده فى الكتالوج

التغيير عند 40 الف فعلا

وفى حالة التغيير إيه الأفضل .. الأصلى ولا الكورى .. وهل هتفرق كتير من حيث الكفاءة للسيارة يعنى
تركيب قطع غيار غير أصلية بيتحس بشكل ملحوظ فى أداء السيارة .. بتوع قطع الغيار المقربين قالولى ما
فيش فنى ولا بياع يعرف يفرق بين الأصلى والمضروب ..

اما تجيب القطع الاصلية او تجيب منتجات الشركات اللى بتنتج المنتجات الاصلية زى كدة قصة فاليو مع الدبرياج حتلاقى شركة Gates مع سير الكاتينة و NGK مع البوجهات الخ الخ

وأخيراً : هل فيه جدوى من استبدال علبة البيئة فى الشكمان بماسورة .. ده يعنى من باب تحسين أداء
السيارة .. هل بتفرق فى صوت السيارة وسحب البنزين .. طبعا يفضل رأى الناس اللى جربت ..

الفرق بيبان لما تحرق جامد يعنى 5000 RPM و انت طالع... لو انت مش معتاد السواقة بالطريقة دى يبقى وفر على نفسك المجهود و الفلوس و سيب علبة البيئة مكانها

MMamdouh