الموضوع: الى أصحاب ال 405 أخبار التكييف معكم إيه ؟

المشاركة الأصلية كتبت بواسطة acc_gr2004

الموضوع الجامد دا جه على الجرح

بالنسبة للتلاجة كان من المفترض من فترة انى افكها علشان يكشف على حاجة معينة ... 2 بتوع تكييف طلبو 300 جنيه قيمه فك الطابلوه واعادة تركيبة - دا طبعا غير الشغل اللى ممكن يحصل فى التلاجه

بالنسبة لليومين الحر اللى فاتو دول عملو معايا واجب وسيحو الكمبروسر .. فعلا
كنت ماشى على الدائرى الساعة 7 مساء على سرعة 100 تقريبا والجو مولع والدنيا بتمطر نار و تحس ان الشكمان اتنقل مكان فتحة التكييف ... التكييف يشتغل دقيقة ويفصل 3 دقائق ... ووصلت درجة الحرارة 90 .. وحاجة قذرة
المهم بعد ما وصلت المشوار اللى كنت رايحة والجو ريح شوية .. سمعت صوت غريب ناحية العجلة اللى قدام يمين عامل زى صوت التيل بتاع الفرامل لما يحك ..
روحت لبتاع التكييف وبعد فحص واختبارات وملاحظات ... لاحظنا بروز حاجة غريبة من الكمبروسر شكلة غريب وبعد الفحص الدقيق .. اتضح ان دة حاجات سايحة وخارجة من جوة .. الراجل بتاع التكييف بيقول دى الصامولة اللى رابطة مش عارف ايه ساحت فما بالك بجوا الكمبروسر عامل ايه ... ياخبر اسود .. طيب ياعم ايه الحل .. قال لازم تغير الكمبروسر
قولت له طيب خلاص اغيرة بس مش الان ... اخله راكب لحد ما يجيب اخرة .. خصوصا انه شغال كويس رغم الحالة دى
قال لا لا لا .. كدا ممكن الكمبروسر يطلع رايش ويروح الرايش دا على باقى دائرة التكييف ويبوظها كلها
الافضل انك تغيرة علطول .. ولازم تغسل السربنتينة كل يوم
ولما سالت على الكمبروسر الاستيراد اكتر من 8 اماكن بيع استيراد كان ثمنة فى حدود 700 جنيه ..


ايه رايكو حد عندة فكرة عن الموضوع دا

وياريت يا هيرو تقولى فين يتباع الكمبروسر اللى فى حدود 300 400 جنيه
وهل يجب فك التابلو علشان تنظيف التلاجة ؟؟ ولا ممكن والتابلو راكب
والتكلفة تقريبا فى حدود كام
وشكرا يا رجالة

شوف ياسيدى الكمبروسور ب 350 ج عند واحد فى الزقازيق فى مكان اسمة القنايات طريق الزقازيق المنصورة
وده رقم تليفونه 0125622769
كلمه وزبط معاه وخده على تجربة يعنى لو فيه حاجه هيغيرهولك
خده واطلع على واحد بتاع مكيفات اسمة محمد فيشة
فى الزراعة طريق هرية جنب محطة الكهربا ورا المزلاقان ركب هناك واشحن واستلم تكييف تلاجة منه
والتلاجة مبتحتجش ان الطبلوه يتفك
مجرد بيهوا مسامير الطبلوه عشان يعرفوا يطلعوها بس بجد مقرفة
وشوف كدا وانا معاك