بيجو بعد الزلمكة !

**monamor_kill** · 30-06-2010 05:30 PM

كل ما اقول لواحد من اللى انا عارفهم انا عايز اجيب بيجو 405 وابيع الزلاموكه يضحك عليا ويقوللى يا راجل دى عربيه كلبه لما خلونى اتجننت مع انى شايفها عربيه حلوه مش عارف اعمل ايه انا اتخنقت من صنايعية المرسيدس اللى ما عندهمش ضمير هم وبتوع قطع الغيار

**mohamedrabia** · 30-06-2010 05:33 PM

يعني راكب زلامكة وعايز تنزل منها لبيجو غريبة شوية وكمان موديل قديم تغيير مش في محله الي بيركب حاجة كويسة بينزل منها علي الافضل وصراحة انا شايف العربية ثبات وسرعة ما شاء الله البيجو 405 قديمة خلاص كانت زمااان

**harphosh** · 30-06-2010 05:47 PM

دون تحيز منى لأنى سيبت الـ 405 إلا أنى لا ولن أسمح أن يقال عليها هذا اللفظ
ويعلم الله عن تجربة الملكة واللى هية الـ 405 من أفضل السيارات اللى أثبتت جدارتها فى مصر وبرا مصر
الزلموكة ممتازة بس عايز أقولك إنها ما تزيدش كثير عن الـ405 وتكاليفها أعلى وصالونها مش هتصدقنى لو قلتلك أضيق من الـ 405 رغم ان الشكل يبان أكبر بس كراسيها منفوخة ودة بيدى شعور بالضيق
عموماً بدون سرد الـ 405 أسد البيجو وما فيهاش كلام .

**ahmed2y** · 30-06-2010 06:36 PM

دا هيرو لما يشوف الكلام دة مش هيعديها على خير ههههههههههه وعاوز اقول لحضرتك حاجة انت بتقارن مقارنة غريبة شوبة مينفعش اقارن بين حجات مش زى بعض عاوز تقارن بين المرسيدس فى فئتها مع انى بحبها والبيجو يبقى قارن بالبيجو 605 وهتبقى مقارنة شرسة حدا وسيب بقى ال405 كدة لوحدها عشان هى الاحسن فى فئتها فى سنة من السنين

**FrozenFire** · 30-06-2010 07:23 PM

طبعا أنا مستغرب جدا من الكلام بتاع حضرتك
لأن ده ظلم جامد إنك تقارن مرسيدس ببيجو، المقارنة مش متناسبة نهائي
بص أنا لا أملك أي من السيارتين، ولكن ركبت الإتنين
طبعا في فرق شاسع في الثبات والعزل لصالح المرسيدس
ولو زهقت من المرسيدس عشان صنايعيته، دور على حد كويس
أنا أعرف ميكانيكي في المنوفية كويس (عشان عربية الحج المرسيدس المعدل) بتلاقي ناس من البحيرة والقاهرة بيجيوا له المنوفية
ولو عايز تغير مرسيدس لازم تركب حاجة تكون كويسة عشان ما تحسش بالفرق.
أنا على فكرة بحب ال 405 جدا جدا جدا وبعشق فيها وسع الصالون وقوة موتورها مقارنة بفئتها
وبمووووت في علو العفشة بتاعتها ورغم كده، ثابتة على الطريق
عربية بسم الله ماشاء الله عليها، بس ماينفعشي تتقارن بالمرسيدس تحت أي ظرف
والسلام ختام

**MaZaGAngeE** · 30-06-2010 07:58 PM

المشاركة الأصلية كتبت بواسطة frozenfire

طبعا أنا مستغرب جدا من الكلام بتاع حضرتك
لأن ده ظلم جامد إنك تقارن مرسيدس ببيجو، المقارنة مش متناسبة نهائي
بص أنا لا أملك أي من السيارتين، ولكن ركبت الإتنين
طبعا في فرق شاسع في الثبات والعزل لصالح المرسيدس
ولو زهقت من المرسيدس عشان صنايعيته، دور على حد كويس
أنا أعرف ميكانيكي في المنوفية كويس (عشان عربية الحج المرسيدس المعدل) بتلاقي ناس من البحيرة والقاهرة بيجيوا له المنوفية
ولو عايز تغير مرسيدس لازم تركب حاجة تكون كويسة عشان ما تحسش بالفرق.
أنا على فكرة بحب ال 405 جدا جدا جدا وبعشق فيها وسع الصالون وقوة موتورها مقارنة بفئتها
وبمووووت في علو العفشة بتاعتها ورغم كده، ثابتة على الطريق
عربية بسم الله ماشاء الله عليها، بس ماينفعشي تتقارن بالمرسيدس تحت أي ظرف
والسلام ختام

بصفتي أحد ملاك بيجو و مالك سابق لمرسيدس زلموكة أوافق تماما على عدم مقارنة السيارتين مع بعض

**the-hero** · 30-06-2010 08:32 PM

مع احترامى لكل اراء اعضاء المنتدى ده بس
اى واحد مهما ان كان درجة فهمة فى السيارات لو قال على ال 405 اللفظ ده
أكيد اكيد ياما بيفتى وميعرفش حاجه عنها غير شكلها من برة ياما مبيفهمش اى حاجه
اولا مفيش عربية انتجتها بيجو لحد دلوقتى مهما كان مو قديم ولو من السبعينات يتقال عليها اللفظ ده
الزلموكة اينعم جميلة جدا بس عاوز تقارن قارن من نفس الفئة بال 605 مثلا
طول عمر شركة بيجو منافس قوى للألمان وخصوصا المرسيدس من ايام ال 504 وال 505 واللى يعبر بيجو تفوقت عليهم فى صناعة سيارة كال 505 تناطح التمساحة وتضاهيها فى كل المميزات وتفوقت عليها فى جانب السعر
نيجى للموديلات الحديثة بيجو تفوقت على الالمان بشكل غير مسبوق فى سلسلة مواتير ال hdi
عشان كدا سعت بي ام دبليو لأنتاج مشترك مع بيجو
اللي يقول على بيجو 405 كدا بالنسبه له اعلى طموحة اللنسر والنوبيرا والتيوتا اللى مفيش اساسا وجه مقارنة بينهم وبين ال 405 فى كل حاجة
طب هاتلى ماتور زى ماتور ال 405 بنفس السرعة والعزم بنفس الموديل والسعر ده واخد احسن ماتور فى اوروبا سنة 1990
طاب هات عافشة بنفس عافشة ال 405 بنفس السعر والموديل
دالعفشجية قالوا ان عفشتها ماشاء الله اقوى من عفشة الأسد الكبير ووحش البيجو واقوى سيارة فى مصر ال 504 تخيل بقي
طب هات دعم صاج وابواب ومصفحة تحت الماتور بنفس الموديل والسعر
هات ثبات على سرعات فى فئتها
العربية دية كانت اخر انتاجها ب 115 الف سنة 2003
اقول ايه بس
لكن عشان مش اى حد يفهم فيها يريح دماغة ويقول بلاش
فغيريت بلاش فتى
ونسأل المجرب ولا نسال الطبيب مش الصنيعيي
مع تحياتى
عاشق أقوى اسود بيجو 405

**د.محمد الغمازى** · 30-06-2010 10:15 PM

مع احترامى للمرسيدس البيجو لاتدخل معها فى مقارنه لأن المقارنه بصراحه فى صالح البيجو دون تحيز
1- السحب العالى لكل فئات البيجو
2-قطع غيار متوفره ورخيصه بالمقارنه بالمرسيدس
3-قوه اداء عالى وشوف 504 ال7 راكب وكتير ررررررررررررررررر

**yyy** · 30-06-2010 10:18 PM

مع احترامى للمرسيدس البيجو لاتدخل معها فى مقارنه لأن المقارنه بصراحه فى صالح البيجو دون تحيز

حضرتك جربت المرسيدس قبل كده ؟

**amado ibrahim** · 01-07-2010 05:10 AM

صديقى العزيز
الالمان نفسهم مبيقارنوش المرسيدس بأى ماركة اخرى المانية الصنع أى كانت(أودى- فولكس-أوبل أو حتى البى أم) لأن عندهم عبارة شهيرة
Mercedes ist Mercedes
و بالتالى ميفعش تقارن المرسيدس الزلموكة بالبيجو 405 لأن دى فئة من السيارات ودى فئة مختلفة
أنا طبعا معايا 405 من سنتين و ركبت الزلموكة(بالفعل المرسيدس لا تقارن)
لكن فى فئة 405 لا توجد اى منافسة معها فهى تتفوق على الجميع من حيث العفشة و الموتور و الوسع والثبات
فهى اخر العربيات المحترمة المناسبة لجميع شوارع و طرق المحروسة

الموضوع: بيجو بعد الزلمكة !

LinkBack

أدوات الموضوع

عرض

-

-

-

-

-

المواضيع المتشابهه

ثبات و تميز بيجو 206cc , استرا 2007 , ستروين C4 , بيجو 307

.:جديد::.2011 بيجو 206+ plus ...الأن فى مصر من الوكيل ::..# خلطة بيجو السحرية ::....

(((((( عودة الفئة الخامسة مجددا فى بيجو بعد انظار طووووويل بيجو 508))))

موقع بيجو للصيانة ولمعرفة جميع اجزاء سيارت بيجو

ينفع أعدل بيجو 305 علشان يتركبلها كشافات أمامية بيجو 504 ؟؟

الكلمات الدلالية لهذا الموضوع

المفضلات

المفضلات

ضوابط المشاركة