ما هو افضل فلتير سبورت للفيرنا ارجو الرد جزاكم الله خير

**zkralla** · 27-05-2010 12:55 AM

موضوع الفلتر نوعه أيه وتجيبه منين اعتقد أن أ / ممدوح ممكن هيفيدك فى الموضوع ده

أنا مش بادعى العلم بس هقول تعليق على قد معلوماتى

المشاركة الأصلية كتبت بواسطة modiabbas

لاانت جايب الفلتر عشان تستمتع بالصوت .

المشاركة الأصلية كتبت بواسطة up_all

صوت و اداء

المشاركة الأصلية كتبت بواسطة modiabbas

حضرتك مفهمتش وجهه نظرى !! الناس فاكره انه بيعلى استهلاك البنزين من فراغ !! الصوت بتاعه جامد و عشان تسمعه لازم تدوس جامد و مدام هتدوس جامد استهلاك البنزين هيعلى

يا باشا زياده الصوت مش هدف (رغم أنه نفسيا بيدى شعور لبعض الناس بالقياده الرياضيه لكن ده مش بيغير من حقيقه أنه عرض جانبى غير مرغوب لزياده كميه الهواء الى بتخش للماتور )
الهدف هو زياده كميه الهواء الى بتخش للماتور عشان تنفس الماتور يصبح افضل وبالتالى كفاءه الحرق هى كمان تبقى افضل فالاداء يتحسن

المشاركة الأصلية كتبت بواسطة medoakef

و استخدام بنزين 95 او خلطه بال92) و كمان بتعلي صوته بس صوت حرق رياضي

رقم الاوكتان للنزين لازم يبقى متوافق مع نسبه انضغاط المحرك فلو نسبه انضغاط المحرك 9 مثلا وحطيت بنزين 95 يبقى كأنك بترمى فلوسك فى الارض وكذلك الخلط نفس الوضع لو مش متناسب مع ماتور العربيه مش هيحسن الاداء مطلقا وهيفضل الاداء ثابت مع أنك بتجيب بنزين اوكتانه اعلى وبتدفع فلوس اكتر

المشاركة الأصلية كتبت بواسطة medoakef

بتعلي صوته بس صوت حرق رياضي مش صوت هوا بيتسحب!!!!

الهواء الى بيتسحب زى ما حاولت اوضح فوق مهم جدا وكل ما يزيد دخوله للماتور كل ما الاداء هيتحسن يعنى بتركيب فلتر رياضى والمشى الهادى هنلاقى استهلاك البزين قل عشان دفعه البنزين الى بتخش بتتحرق بطريقه افضل ولو كانت السواقه رياضيه هيزيد الاستهلاك مع زياده فى استجابه الماتور وتحسن فى الاداء

**crazylambada** · 27-05-2010 01:11 AM

اوفيت في الاجابه يا zakralla
هو ده الكلام المظبوط و ده يرجعنا لكلمه قالها الاستاذ ممدوح rericers
لو كاتبها صح و اكتشفت انها مشكله عالميه بنهتم بالمظهر عن الجوهر
مع ان المظهر اللي اداله القوه الجوهر
يعني مثلا الاهتمام بالصوت عن الاداء مع ان الفلاتر انتشرت علشان الاداء ومنه حدث الصوت
اما بالنسبه للموضوع التالت فهو سوء فهم فقط و كلنا اخوات هنا :)

**SAMEH_FOUAD** · 27-05-2010 02:40 AM

الفلتر الرياضى لية عيوب ومميزات :

مميزاتة :1 - صوت رياضى تحب تسمعة بيحسسك ان عربية فيرارى ماشية فى الشارع
2- بيحسن السحب والوصول للسرعة القصوى فى زمن اقل
3- بيفلتر احسن من الفلتر العادى وكمان عمرة اطول يعنى بيتغير كل 100,000 كيلو
عيوبة :
1- لازم تنظفة كل اسبوع بالهواء فقط لضمان عملة بكفاءة
2:زيادة استهلاك البنزين عند الشد
3: صوت العربية بيعلى عن الطبيعى فى كل الحالات حتى لو ماشى بالراحة

وياجماعة اصبروا على بعضكوا شوية انتوا اخوات

**SAMEH_FOUAD** · 27-05-2010 02:45 AM

المشاركة الأصلية كتبت بواسطة modiabbas

ونبى يا باشا بس انا مش صغير عشان تقلى عيب .... نفسى كل واحد يختار الطريقه و الالفاظ اللى هيتكلم بيها !! عشان بعد ما فهمته وجهه نظرى قال نفس الرد المستفز و بيقولك كنت فاكر ان الفلتر للاداء !! و لو سمحت انا مش هرد على حد تانى فى الموضوع ده

اية يامحمد اخبارك اية

والاستاذ محمد ممدوح ماقلش حاجة تزعل ياجماعة فكر كدة فى الجملة بهدوء وقولى اية المستفز فيها مش عايزين مشاكل مع بعض ياجماعة احنا اخوات

**M.Akef** · 28-05-2010 02:00 PM

المشاركة الأصلية كتبت بواسطة zkralla

نسبه انضغاط 10 البنزين بيكون 92 (لانسر خليجى )
نسبه انضغاط 9.5 البنزين بيكون 91 وطبعا مفيش عندنا بنزين 91 فحط 92 والفرق فى الفلوس لا يذكر
لكن برضه أتاكد من مانيوال العربيه

والموضوع ده فيه تفاصيل اكتر

http://www.nilemotors.net/nile/16758-gasoline-octane-number-engine-cr.html

http://www.nilemotors.net/nile/127910-80.html

اوك بيس يا مان الف شكر علي المعلومات المفيده