الموضوع: خلاصة الكلام فى ظبط فيشة الاوكتان ( بالصور )

السلام عليكم جميعا
الف تحية ليك يا استاذ عصام
احب اقولكم نتيجة التجربة بعد اسبوع تقريبا من ظبط الفيشة علي بنزين 80
اولا وضع العربية بالنسبة للسحب رجع تاني تالت يوم تقريبا زي اول ما ظبط الفيشة سحب خرافي وناعم جدا تحس ان الموتور مش تعبان من اي احمال سواء وزن العربية نفسه ( لان النوبيرا اوتو وزنها تقيل شوية ) او اي احمال في العربية
ثانيا مافيش تسقيف خالص دلوقت
ثالثا استهلاك البنزين (80) فعلا بقة ممتاز وقل حوالي 20% ويمكن اكتر
واللي ساعدني علي ملاحظة الفرق ان كان عندي جوان التاكيهات وحش وغيرته وظبت التاكيهات بالمرة وكمان رولمان بل الشداد كان وحش غيرته وغيرت كابلات البوجيهات وكده حسيت بالعربية كويس قوي
لا يا جماعة الفرق كبير ومكانش متوقع مع بنزين زي ال 80
الف شكر مرة تانية لاستاذ عصام ولك ولاسرتك ان شاء الله الستر والصحة والعافية
يا باشا خسارة عربيتك اللانوس انا كان عندي لانوس 2006 وغيرتها بس مشفتش زي عربيتك ربنا يباركلك فيها

الف مبروك على النتيجه دى

وربنا يحميليك عربيتك يا رب

وربنا يتقبل منى ومنك