الموضوع: خلاصة الكلام فى ظبط فيشة الاوكتان ( بالصور )

انت لا محتاج تعمل ايدل ليرن ولا محتاج تفك كابل البطارية اصلا

ازاى يعنى ؟

اولاٌ
من ناحية الأمان لازم نفصل كابل البطاريه السالب قبل اى عملية صيانه او تغيير لأى جزء كهربائى بالعربيه
( لتجنب حدوث اى دوائر قصر ( قفله ) تضر بالضفيره و بكومبيوتر العربيه )

ثانياٌ
س ما هو اصلاٌ الأيدل ليرن ؟
ج هو عمليه اساسيه يجب ان تتم بعد فصل كابل البطاريه السالب ( الذى يتسبب فى محو الذاكره المؤقته لكومبيوتر العربيه ) من خلال هذة العمليه يتعرف الكومبيوتر من جديد ( بعد اى تغيير فى اى من مكونات دائرة الأحتراق ( بنزين , هواء , كهرباء ) على افضل نسب خليط تضمن استمرار ثبات ادآء المحرك مع وبدون احمال

ايضاٌ من ميزات فصل كابل البطاريه السالب

1 محو اكواد الأعطال من الذاكره المؤقته لكومبيوتر العربيه ( والتى مع تكرارها او كثرتها تؤدى الى خلل فى ادآء السياره )

2 عمل ريستارت لكومبيوتر العربيه ( وطبعاٌ ده ضرورى لأى كومبيوتر حتى الموبايل ليعيد تنظيم نفسه من جديد )

3 بعد فصل كابل البطاريه السالب و اثناء عمل الايدل ليرن يتعرف كومبيوتر العربيه من جديد على كل قرآئت حساسات السياره ويبداء فى اعطاء الأوامر المناسبه للقيم الجديده ( والتى من اهمها التغيير الذى نحدثه فى منحنى الأحتراق المعيارى عند تغييرينا فى وضع فيشة الأوكتان )

الايدل ملوش علاقة بتوقيت الاشعال بالتالى تعديل الفيشة (اللى بتفرق فى توقيت الاشعال) ملوش علاقة بالايدل ليرن

برده ازاى ؟

الآيدل ليرن هو تعليم كومبيوتر العربيه الحفاظ على ثبات ادآء الموتور مع وجود احمال ( تكييف , انوار و الخ ) وبدون وجود احمال من خلال قرائته القيم المتغيره الوارده له من جميع حساسات الموتور واعطائه الأوامر التشغيليه لأجزاء الموتور تبعاٌ لمنحنيات احتراق معده مسبقاٌ ومبرمجه على دوائر الكومبيوتر والتى سمح لنا المصممون فى هذا الموتور بالأختيار اليدوى فيما بينها تبعاٌ لرغبتنا عن طريق فيشة الأوكتان

ومما لا شك فيه ان تغييرينا فى وضع فيشة الأوكتان التى تتحكم فى توقيت الشراره يتبعه تغيير فى ادآء الموتور يستلزم بالتبعيه عمل ايدل ليرن جديد على الوضع الجديد

و الموتور مطفى دورة الاشعال بتبقى مش شغالة اصلا (لا البوبينة واخدة سيجنال من الكونترول ولا بتطلع شرارة)

لحد هنا كلامك صح

بس ماننساش ان الكومبيوتر حتى والعربيه مطفيه ومن غير مفتاح واصله كهرباء تساعده على الاحتفاظ بذاكرته المؤقته واللى من ضمنها وضع بلف الأيدل فى مختلف ظروف التشغيل

بالتالى تعديل الفيشة مش حيعمل اى مشاكل لان الدايرة اللى الفيشة بتغير فيها لا تعمل و المحرك مش شغال

ده غلط

لما تم شرحه مسبقاٌ من وجود كهرباء واصله للكومبيوتر بالرغم من ان العربيه مطفيه
وايضاٌ
لأن بعد ما غيرنا الفيشه على كلامك بدون فصل البطاريه وبدون عمل ايدل ليرن
الكومبيوتر هيشتغل ويدى اوامراه على اساس الذاكره المتخزنه جواه ولا على الوضع الجديد ؟

اضافة لدة و دة انا عدلت الفيشة من 90 الى 92 ثم من 92 الى 95 بدون فصل بطارية ولا ايدل ليرن و العربية زى الفل

عادى جداٌ وشيلها خالص ايه المانع هو يعنى الكومبيوتر هيقولك لأ

الغريب فى الموضوع انى شرحت الموضوع ده قبل كده وذكرت مدى اهمية فصل كابل البطاريه السالب قبل اى شغل وعمل الأيدل ليرن بعد تغيير وضع فيشة الأوكتان للاستاذ MMamdouh و مع ذلك برده مصمم على رأيه و برده بيفرض رأيه على الناس بدون سند علمى اللهم تجربته الشخصيه فقط