الموضوع: خلاصة الكلام فى ظبط فيشة الاوكتان ( بالصور )

المشاركة الأصلية كتبت بواسطة mmamdouh

تصدق بالله... لو الدر دة جة من اى واحد تانى كان حيبقى عادى و حقول واحد مش فاهم بيقول ايه و خلاص.... انا تيجى من عصام؟؟؟؟ دى اللى توجع بجد

انا بعاملة زى اخويا و بينا و بين بعض اتصالات و كنا بنشكى هم الحياه لبعض و الراجل مشكورا عزمنى اكتر من مرة على رحلة لدمياط و انا كلمتة كذا مرة لما يبقى فيه مقابلة عشان يحضر بس هو ظروف شغلة مكانتش سامحة.... يعنى احنا مش جوز اعضاء فى منتدى و خلاص....

بعد كل دة الاقى الرد دة منة عليا... فعلا الطعنة اللى بتوجع بجد هى الطعنة اللى من اقرب الناس ليك

mmamdouh

المشاركة الأصلية كتبت بواسطة organic_magic

علي فكره احلى كلمتين قريتهم

كدا يبقي عفا الله عما سلف وفي الاول والاخر احنا اخوات - وخيرهما الذي يبدأ بالسلام

++++
كده يا ممدوح باشا كلامك بيبين أوي إنك شاري وأخ فعلا وفعلا هو الكلام بس استفزك
عصام كمان قال إنه كان متضايق..يعني هو كمان شاري

معلش ممكن يكون واحد متضايق زي ما كان عصام متضايق وشرارة تخليه يشيط ويطيح في اللي قدامه وعادة ما بتيجي في أقرب الناس ليه...أكيد كلنا قابلنا الموقف ده كتييييييييير

عصام باشا رأيك ايه...خيرهما من يبدأ بالسلام...مين قال أنا جاي

د . محمد حلمى

جزاك الله كل الخير على روحك الطيبه وعلى مبادرتك الكريمه و التى تدل على اصالتك و طيبة خلقك

طبعاٌ لا يخفى عليك يا دكتور الظروف التى امر بها والتى كثيراٌ ما استشيرك فيها بحكم الصداقه بيننا وبحكم طبيعة عملك كطبيب

واكيد بيجى على اوقات من كتر الضغوط اللى بمر بيها بيبقى رد فعلى حاد شويه ( ببقى مش طايق نفسى اصلاٌ )

بس دى طبيعة البشر

والمفروض نستحمل بعض شويه زياده عن كده

انما انا بقالى هنا معاكم على المنتدى ما يقرب من الثلاث سنوات عمرى ما حد قدم فى شكوى ولا اتعرضت لوقف او حتى تنبيه بسيط

وده اكيد يدل على طبيعة شخصيتى ( مش بحب اصلاٌ حد يزعل منى خالص حتى لو هاجى على نفسى )

ولذلك واعمالاٌ لحديث سيدنا محمد عليه الصلاة والسلام { خيركم من بدء بالسلام }

اوجه كلامى لمحمد ممدوح واقوله عفا الله عما سلف

ومتزعلش من لو كنت قولتلك كلمتين فارغين لا يقدموا ولا يأخروا

واحنا مفيش بينا قبل الموضوع البسيط ده وبعده ان شاء الله اى خلافات او ضغائن

وربنا يديم المعروف بينا جميعاٌ

و سلامى للجميع