مشكلة في دوارة 128

**bassem.naguib** · 25-05-2010 12:59 PM

المشاركة الأصلية كتبت بواسطة ابوهاشم

ياريت تبقى تقولنا وصلت لايه وحليت المشكله ازاى
لان انا كمان لو بطلت منى العربيه وهى سخنه
مش بتلقط مارش خالص ومافيش اى صوت
لازم استنى شويه

انا بقى مع الاختلاف .. بسمع صوت المارش بس زي ما يكون مش قادر يقوم العربية .. وساعات بحسها زي ما تكون تعتيله بسبب الكهربا أو البطارية ضعيفة (البطارية حالتها كويسة) .

بس افضى كمان يومين كدة بالكتير إن شاء الله وأشوف المشكلة دي حلها أيه أن شاء الله .

يا ريت توضح المشكلة اللي عند حضرتك بالتفصيل .. يعني دوارة العربية الصبح عاملة أيه .. علشان حاسس أن المشكلة اللي عندك دي مشكلة بطارية .. أو فيه حاجة اسمها سلك اللقط بتاع المارش ممكن يكون مش متثبت كويس وده مبيديش أي استجابة للمارش لو فاصل او مش متثبت كويس وتفتح كونتاكت تلاقي اللمبات الزيت والدينامو نورت ومفيش أي صوت خالص للمارش .. والله أعلم

**bassem.naguib** · 25-05-2010 01:15 PM

المشاركة الأصلية كتبت بواسطة ابوهاشم

الصبح وفى اى وقت بدور العربيه من اول مره
ومافيش مشاكل خالص
المشكله لو بطلت منى وهى سخنه
لمبات الزيت والدينمو بتنور عادى
لكن ادور بالمفتاح مافيش اى صوت نهائى
وكأنى معملتش حاجه مافيش اى لقط للمارش
لكن لو استنيت حوالى 20ثانيه تدور على طول

في الغالب زيي جلب مارش برضه .. إن شاء الله حروح اشوفها قريب

**m_mekkawy** · 26-05-2010 12:10 PM

المشاركة الأصلية كتبت بواسطة ahmad5997

مافيش حاجة تتقال بعد الكلام ده

تسلم ياباشا ربنا يخليك

المشاركة الأصلية كتبت بواسطة ziabassem

أنا لسه كنت قاعد بفكر في الموضوع ده .. وذهني تفتق (حلوة تفتق دي) أنه ممكن يكون جلب المارش .. مع أني من فترة كدة كنت مغير الشربون .. على العموم شكراً لردك واهتمامك .

العفو انت تأمر بس حاسب على زهنك ليتقطع وهو بيتفتق

المشاركة الأصلية كتبت بواسطة ahmad5997

اللي اعرفه انها لو بتعتل يبقي جلب مارش انما لو قاطعة مية ونور يبقي موبينا

الموبينا لو بايظة المارش يدور بس العربية ماتلقطش جرب وشيل سلك الموبينا وشوف

**bassem.naguib** · 26-05-2010 03:20 PM

امبارح طلعت بالعربية .. ومشيت بيها حوالي 20 أو 25 كيلو .. يعني سخنت تمام .. ودخلت بنزينة علشان أمون .. قلت أبطل العربية وأدورها تاني بسرعة وأشوف أيه النظام .. لاقيتها دارت عادي ولا أكن فيه حاجة قفلت ودورت تاني عتلت بسيط قوي بس دارت تاني بسهولة مش عارف بقى أيه النظام .

الكلام ده إن دل على شيء يدل على أن 128 فيها أوبشن بيصلح الأعطال من غير أي تدخل وتظبط نفسها بنفسها .. على العموم حتابع وأشوف اخرتها أيه

**bassem.naguib** · 30-05-2010 10:31 AM

المشاركة الأصلية كتبت بواسطة m_mekkawy

دى حتجه اسمها جلب المارش عباره عن قطعتين نحاس بتمسك الممحور المارش من الناحيتين لما العربيه بتسخن الجلب دى بتتمدد بالحراره وبتقفش على قلب المارش
انت هتفك المارش وتعمل الجلب ع المخرطه او تشتريها جاهزه
الموضوع كله مش هيتكلف 20 او 30 جنيه

الكلام طلع مظبوط .. زي ماقلت وزي ما رجح سمير بك عياد .. واللي خلاني ميال للموضوع ده أن كهربة العربية مفيهاش حاجة .. يعني لا بتسقف ولا بترقص ولا أي حاجة من الحاجات دي .

المهم رحت للكهربائي وفك المارش ووداه لمخرطة واتخرطت الجلب .. ودور يا عم تمام أحسن من الأول بكتير ومن نص تكه كمان .. بس حاسس أن فيه مشكلة .. بعد ما أدور بحس بصوت ونه بسيطة كدة في المارش (مش متأكد موجودة ولا تهيأت) وخايف ليكون فيه تعليقه في المارش تحرقه على المدى البعيد .

التكلفة 50 جنية شاملة كل حاجة .

الأخ أبو هاشم .. روح لكهربائي .. احتمال كبير يكون اللي عندك مارش .. لأني اللي خلاني أفضي نفسي للعربية وأروح أصلحها ومطنش .. أنها وهي واقفة وباردة خالص .. بقت تعتل في الدوارة بشكل قاتل

**ahmed_moeaz** · 30-05-2010 11:07 AM

الكهربائى اللى قالك كوندسنر ده متتعاملش معاه تانى ويا ريت ميكونش هو اللى حل ليك المارش وصلحه اما الصوت اللى بيطلع من المارش ده احتمال يكون الترس مش مظبوت ولا حاجة نتيجة للفك والتركيب يا ريت تكشف عليه قبل ميفوت.

-

-

الموضوع: مشكلة في دوارة 128

LinkBack

أدوات الموضوع

عرض

-

-

-

-

-

المواضيع المتشابهه

دوارة غريبة

مشكلة عدم دوارة فى ميجان 2005

مشكلة فى دوارة العربية وهى باردة

مشكلة فى دوارة العربيه صبح وبليل

عندى مشكلة فى دوارة اوبل كورسا 95

الكلمات الدلالية لهذا الموضوع

المفضلات

المفضلات

ضوابط المشاركة