ان عندي لمبة الشك بتنور ولما امشي بيها شوية بتختفي وترجع تاني عملت ليها سكان وقاللي الفني ان حساس السي او عايز يتغير لكن عموما انا شيلتلك الايرور والحساس ده ثمنه حوالي 150 - 200 جنيه
فكيت الحساس بنفسي ونظفته بمجفف فيديو جاف وراحت مشكلة اللمبة للأبد
عرض للطباعة
ان عندي لمبة الشك بتنور ولما امشي بيها شوية بتختفي وترجع تاني عملت ليها سكان وقاللي الفني ان حساس السي او عايز يتغير لكن عموما انا شيلتلك الايرور والحساس ده ثمنه حوالي 150 - 200 جنيه
فكيت الحساس بنفسي ونظفته بمجفف فيديو جاف وراحت مشكلة اللمبة للأبد
تسلم على موضوك المفيد لكل رواد الانوس
ودى المشاكل الى قابلتنى فى
عربية لانوس 2 2001 عاملة 173 الف كيلو
1-عداد الار بى ام اخرة 3
تم تغير العداد فى التوكيل
2-عداد البنزين بيعد غلط
تم تغير شريحة ترمبة البنزين
3-مشلكة الرشاشات
تم تغير الرشاشات
4-زرار الزجاج اليمين مبيردش
لسة بدور علية
5-العربية بتبطل لما اهدى وبتبطل فى السلانسية
تم تغير حساس بوابة البنزين
الموضوع هايل
انا عندى لانوس 2005 عاملة 38 الف كيلو وحسيت ان صوت الموتور عالى وبتسحب بنزين جامد وسئلت الناس فى المنتدى وقالولى هات الwd 40 وفعلت نضفت الحساس والبوابة وفعلا حسيت بنعومة وصوت الموتور هادى:dots:
انا سعيد جدا ان الموضوع اتفتح تانى للمناقشة يا جماعة والتزاما بقوانين الموضوع هابدأ المشكلة وحلها
المشكله خنقة الموتور وضعف سحب العربية وتجميع السحب ببطئ
المحاولات الفاشلة
1- تغيير بوجيهات 1 شمعه -> فشل
2- تغيير سلوك البوجيهات -> فشل
3- تركيب بوجيهات 2 شمعة -> فشل
4- ضبط سنة سير الكاتينة -> فشل
5- تغيير سير كاتينة * مش عارف ليه * -> فشل
وفى النهاية العيب طلع من علبة البيئة انها شبه مسدوده فا بتمنع خروج العادم بسلاسة / توجد طريقتين لحل المشكلة
الاولى الغاء علبة البيئة وتركيب ماسوره عادية فاضية مكانها
الثانية الغاء علبة البيئة وتركيب علبة شكمان عادية صغيرة علشان الصوت / خلى بالك اوعى تركب علبة مدوره علشان المطبات
ده طبعا غير الحل الغالى اللى هو تركيب علبة بيئة
النتيجة صوت العربية زاد بنسبة 10-15%
سحب العربية زاد بشكل عالى جدا
اقصى سرعة للعربية بعد ان كانت 130 بالعافية اصبحت 180
تكلفة تغيير العلبة بماسورة20 جنية
تكلفة تغيير العلبة بعلبة شكمان عادية 70 جنية (وده اللى انا عملته بس انصح بتركيب ماسورة)
اوعى تفرط فى علبة البيئة بتاعتك لأنها بتتباع برقم محترم على الاقل 200 جنية
المشكلة خروج زيت من عند وش التاكيهات
المحاولات
تغيير جوان وش التاكيهات بواحد رفيع -> فشل
التأكيد على المسامير بشكل مفزع -> فشل
الحل يتم تغيير الجوان بجوان تخين أو سميك
التكلفة
الجوان ب عشرة جنية وواحد صاحبى بتاع قطع غيار بيقول ان فى واحد محترم جدا جدا جدا بعشرين جنية لكن مش موجود
المصناعية
صفر انا اللى ركبته
طريقة تركيب جوان وش التاكيهات
قبل اى شئ يجب وجود عدة للعمل بشكل سهل
مطلوب بنسة بوز طويل - مفتاح مقاس 10 حرف L أو مفتاح باللقم يكون فيه مقاس 10 - قطعة قماش نظيفة لا تعمل وبر - جوان غطاء تاكيهات تخيييييييييييييين - يجب ان تكون السيارة باردة جدا جدا جدا
1- نقوم بفك افيز ماسورة التنفس الخاصة بالغطاء(الماسورة حرف L اللى خارجة من الوش)
2- فك الجوان القديم
3- تنظيف وش التاكيهات
4- تنظيف السطح الملامس لوش التاكيهات بشكل جيد (توجد بعض العلامات السوداء ما هى الا وساخة يجب ازالتها)
5-يتم تركيب الجوان ويجب ان يركب بسلاسة وتأكد من عدم وجود اى مشاكل فى تركيبة بالوش
6- يوجد بعض الجوانات يوجد بها جزء مربع صغير تقريبا 2 مللى فى 6 مللى فى حالة وجودة تأكد من وجودها بالمكان الصحيح (يوجد تجويف صغير لها فى وش التكيهات)
7-قم بتركيب ماسورة التنفس ببطئ وتأكد من ثبات الجوان فى مكانه
8-قم بتركيب الوش فى مكانه ببطئ وقم بوضع المسامير الثمانية فى أماكنهم بدون تثبيت
9-يبدأ ربط الوجه من المنتصف الى الاطراف بشكل X
10- هام جدا**** لا تقم بربط اى مسمار بشكل قوى مرة واحدة يجب تكرار الخطوة رقم 9 على الاقل 6 مرات
11- قم بتدوير الموتور لمده لا تقل عن 10 دقائق ثم اعد الخطوة 9 على الاقل 6 مرات اخرى (الجوان مصنوع من الكاوتشوك وبمجرد تعرضة للسخونة يصبح طرى ويسهل عملية خروج الزيت لذلك يجب اعادة التأكيد عليه)
ملاحظات
--فى الخطوة رقم 11 ستجد ان المسامير شبة مفكوكة مع العلم انك قد اكدت عليهم فى خطوة رقم 9 *** لاتوجد مشكلة
--تأكد من عدم سقوط اى شئ داخل الموتور اثناء الفك والتركيب
--تأكد من تركيب المسامير بشكل صحيح وانسيابى / كل المسامير ممكن تركيبها باليد حتى اخر 3 مللى من المسمار
-- تأكد من برودة السيارة قبل البدء فى العمل وذللك حتى لا تتعرض للأذى
أرجو ان اكون وفقت فى الشرح
وارجو الافادة للجميع
تم تعديل المداخلة بناء على طلب العضو
مشرف القسم
الله ينور يا شباب
موضوع رائع
العطل:اثناء بداية تدوير العربية صوت شخللة
الحل : ترس مارش
العطل:العربية مابتدورش اصلا
الحل :دينامو استيراد
العطل:رجرجة عند الطلعة و سحب وحش
الحل :طقم دبرياج
العطل:دواسة الدبرياج ساقطة
الحل :بستم دبرياج
العطل:زى ما تكون هاتبطل و ترجع تانى لوحدها
الحل :موتور طرمبة بنزين
العطل:عدم ثبات فوق 100
الحل :بارات طرف و بيض مقصات
العطل:تأخير الدوارة و دخنة سوداء عند بداية دوران العربية
الحل :رشاشات ام 40 استيراد
*و كل ده غير تزيت بلى الطنابير و صنفرة التيوول و تنضيف او تغيير الفلاتر
المشكلة: رجرجة و صوت تزيق عند الفرملة
الحل: تغير سورة العجل و البلى علشان مش بيطلع سليم
المشكلة: رجرجة فى الطارة و العربية ماشية منغير فرامل
الحل: بعد التئكد من الترصيص تم تغير الطنبير علشان كان فيها عالى وواطى
نصيحة: عند غسل العربية بمسدس الماء يراعى ان الطنبير تكون بردت شوية قدر الامكان
العطل:- صوت طقة عند تشغيل الراديو
السبب :- عقل الآريل لا تفتح حتى الأخر
التصليح :_ فك الآريل تنظيف وتزييت العقل ثم تنظيف مرة اخرى تركيب وتشغيل
المصنعية لا يوجد الفك والتركيب سهل جدا
العطل :- الكاسيت والراديو لايعمل
واحيانا يعمل
السبب :- وجود تلميس فى السماعة الخلفية
الحل :- عمل عازل جيد
النتيجة :- الكاسيت يعمل
المصنعية :- لايوجد