ايه اخر قرايه rpm اللى المفروض الموتور ال 1200 cc مايتجوازهاش

**maro2007** · 24-05-2010 06:17 PM

ياجماعه الحوار بسيط خالص عادى على حسب ميولك للسرعه
يعنى :
1-السواقه الطبيعيه: يبقى مش تعدى 3000 لفه يعنى ممكن تنقل على 2300 او 2500 وده طبعا بيوفر ليك البنزين وبيحافظ على موتور العربيه لاقصى مده ممكنه

2-السواقه الرياضيه: وبتحب تعدى وغرز وسحب العربيه يكون فل معاك خليك مابين 3500 الى4500 لفه وده طبعا هيديك تجميع اقوى وتسارع افضل بكتير وده طبعا هيسحب معاك بنزين اكتر شويه ويفضل كمان فى الزين ان انتا لو بتحطه 3000 كيلو مثلا تغيره على 2500 كيلو علشان الحرق والشد

3- السواقه الناشفه : من 4500 لفه الى 6000 لفه وانتا طالع وده بيديك اقوى تسارع بالعربيه ولو عايز تقفل العداد بتاع عربيتك ال 1200 cc هتقفله بالطريقه دى بس ده بيقلل العمر الافتراضى لموتور العربيه ( مش كتير قوى) بس مش تفضل على طول سواقتك كده يعنى لو كنت موقف يحتاج تسارع زياده دوس ومش تقلق

وعمتا انا سواقتى رياضيه ...

**SAMEH_FOUAD** · 24-05-2010 07:29 PM

حضرتك عندك اربى ام شوف الريد الزون بيبتدى منين يعنى اول لما تلاقى نفسك جاى عند الخط الاحمر انقل وغالبا بتبقى موايتر ال1200 اقصى عدد لفات ليها 4500 لفة وبكدة بتكون جايب اخرة

**khaled_sabry** · 25-05-2010 08:54 AM

المشاركة الأصلية كتبت بواسطة semsem kane

حضرتك عندك اربى ام شوف الريد الزون بيبتدى منين يعنى اول لما تلاقى نفسك جاى عند الخط الاحمر انقل وغالبا بتبقى موايتر ال1200 اقصى عدد لفات ليها 4500 لفة وبكدة بتكون جايب اخرة

عربيتي كورولا 1978 (حاجه كده من ايام الفراعنه)
و مش نازله بعداد rpm بس انا اشتريت واحد و ركبته ... و بالتالى الريد زون فى العداد من اول 7000
بس على فكره انا وصلت لل 4500 و كان ممكن ازود عن كده بسهوله بس انا اللى كنت خايف ازود عن كده ليحصل حاجه فى المكنه

المشاركة الأصلية كتبت بواسطة darkangel007

مين قال يا باشا ان المواتير ال1200 اخرها 4ونص ار بى ام !
عموما استاذ م.ممدوح شرح كل حاجة تمام!
اغلبية العربيات الى فمصر الرد زوون من 6 حتى لو دخلت عليها سواء واقف او ماشى هتلاقى العربية ( بتفصصل ) * لو انجكشن *
عموما انا معايا 1100 و بجيب بيه على اى غيار 6 ار بى ام ! بس بنقل قبليها بسنة عشان مفقدش العزم و المكنة تفصصل هوا دة التحميل الجامد على المكنة! بس فى المقابل اقصى تسارع للعربية!

انا عندى كربراتير و بالتالى معنديش حوار الفصل ده
و بشكل عام العربيات الجديده ماقدرشى اقارن ادائها بالقديم زى بتاعتى
لأن الجديد بيبقى مصمم للسرعات العاليه يعنى دلوقتى عادى جدا لما ابن خالتى يقولى انه قفل العداد بتاعه (220 كم) على عربيته الاوبل 2005
بينما عربيتي اخر سرعه جبتها فيها كانت 140 كم ( فى المره اللى بتكلم فيها دى ) و كنت خايف ازود عن كده ليحصلها حاجه

**darkangel007** · 25-05-2010 09:09 AM

خلاص يبقى الفيصل بتاعك صوت الموتور شوف انت تقدر تستحملة لحد اية :) :)

**khaled_sabry** · 25-05-2010 11:25 AM

المشاركة الأصلية كتبت بواسطة darkangel007

خلاص يبقى الفيصل بتاعك صوت الموتور شوف انت تقدر تستحملة لحد اية :) :)

انتا ماتعرفنيش
انا مش بحب اسمع صوت للموتور اساسا
يعنى لو واحد مركب ديفل فى عربيته و عدى جنبقى اقعد اشتم فيه نص ساعه
و موطى السلانسيه عندى الى 400 لفه علشان ماسمعشى صووووت خالص