الخوف الشديد من السواقة اعمل فية اية

**esraatefa** · 07-06-2010 06:45 PM

المشاركة الأصلية كتبت بواسطة haneen83

شوفتوا يا بنات اللى جرالى

يوم الخميس اللى فات كنت راكبه جنب جوزى بيوصلنى الشغل عملنا حادثه رهيبه الحمد لله على كل شىء
و انا طلعت منها عندى الجبهه مشوهه و محتاجه عمليه تجميل

ربنا يسترها يا رب

الحمد لله على كل شىء بس انا حاسه انى اتعقدت من السواقه و من كل بتوع الميكروباصات و العربيات و كل ما يمشى على عجلات .. بقيت والله مش عايزه اركب لا سايقه و لا متساقه و مش عارفه اعمل ايه

نفسى يرجعوا الجمال و الاحصنه تانى

الف سلامة عليكى والحمد لله انكو بخير وربنا سترها

**hulk** · 07-06-2010 07:47 PM

موضوع الautocross عارف انة هزار :) ومجرد تشجيع وكمان مش الستات بس الى مش بتعرف تسوق :P
لا فية رجالة كتيييير كمان وغلطان الى بيطلعلهم رخصة اساسا ... اكبر نسبة سيدات بتعرف تسوق بطريقة احترافية موجودة فى فرنسا !!
الستات هناك بتسوق احسن من الرجالة بكتييير .. اما موضوع المدرب دة انا مش مقتنع بية ؟؟ هوة مجرد وسيلة فقط فققط ؟؟؟
انما انا ف الاول والاخر الى بسوق انا مجرد بعتمد على نصايحة بس مش اكتر .. انا غصب عنى روحت اخدت حصتين برغم انى كنت اول مرة اسوق ف حياتى بس كنت حاسس انى فاهم وقادر على التحكم والسواقة بس قولت زيادة اطمأنان تانى حصة سواقة طلعت بلمدرب على صلاح سالم :D
قالى لالا كفاية عليك كدة انتا مش محتاج وكبرت دماغى من باقى الحصص والغريبة بقى انى روحت لواحد صاحبى بلعربية علشان اتعلم هههههه قالى انت جايلى بيها وعاوز تتعلم !!!
على فكرة المدرب كان عيل صغير جدااا وشكلة كمان معهوش رخصة هههه
بس مجرد ان الواحد بس يفهم منة اية الغلط واية الصح وطريقة النقل والدوسات وشكرا
الباقى الواحد بيعتمد على نفسة وبيبان الى عندة استعداد من الى مش عندة ... وربنا يسترها علينا جميعا من اى سؤ
شوية ثقة وشوية بنزين وكلة يبقى ف السلييين = السليييم :)

**blazer** · 08-06-2010 03:20 AM

المشاركة الأصلية كتبت بواسطة haneen83

شوفتوا يا بنات اللى جرالى

يوم الخميس اللى فات كنت راكبه جنب جوزى بيوصلنى الشغل عملنا حادثه رهيبه الحمد لله على كل شىء
و انا طلعت منها عندى الجبهه مشوهه و محتاجه عمليه تجميل

ربنا يسترها يا رب

الحمد لله على كل شىء بس انا حاسه انى اتعقدت من السواقه و من كل بتوع الميكروباصات و العربيات و كل ما يمشى على عجلات .. بقيت والله مش عايزه اركب لا سايقه و لا متساقه و مش عارفه اعمل ايه

نفسى يرجعوا الجمال و الاحصنه تانى

نصيحه
متفضليش تكبرى الخوف جواكى بلطريقه دى
انا كنت بعلم بنت خالتى السواقه وكانت لسه شاريه نيسان صنى زيرو
كل اما كانت تخبطها او تحصل مشكله كنت بقولها عادى حصل خير كل الناس بتخبط حتى امهر السواقين
المهم نتعلم من الغلط
والحمد لله دلوقتى بقت تمام بس لسه بتخبط على خفيف

**ashraf_msd** · 10-06-2010 06:27 PM

نصيحه من اخوكي
خليكي خايفة احسن ... أنا مشكلتي اني من اول يوم سقت فية ولحد دلوقتي ماعنديش نقظه الخوف دي نهائي .. عشان كده عملت حوادث بعدد الكيلومترات اللي مشيتها ... ربنا نجاني بفضله ولله الحمد ... لكني اتمني اكتسب نقطه الخوف وانا سايق لانها بتحمي والله
نسأل الله الحفظ

**sara2001** · 11-06-2010 02:39 PM

المشاركة الأصلية كتبت بواسطة haneen83

شوفتوا يا بنات اللى جرالى

يوم الخميس اللى فات كنت راكبه جنب جوزى بيوصلنى الشغل عملنا حادثه رهيبه الحمد لله على كل شىء
و انا طلعت منها عندى الجبهه مشوهه و محتاجه عمليه تجميل

ربنا يسترها يا رب

الحمد لله على كل شىء بس انا حاسه انى اتعقدت من السواقه و من كل بتوع الميكروباصات و العربيات و كل ما يمشى على عجلات .. بقيت والله مش عايزه اركب لا سايقه و لا متساقه و مش عارفه اعمل ايه

نفسى يرجعوا الجمال و الاحصنه تانى

حمداً لله على سلامتك
وضع طبيعي الخوف بعد الحادثه بس شويه كده وانزلي تاني اتدربي علشان الخوف ما يزيدش وربنا معاكي ويحفظك من كل سوء

**saso2010** · 15-06-2010 04:04 PM

المشاركة الأصلية كتبت بواسطة abobelal

السلام عليكم ورحمة الله وبركاته
انا عندى خلفيه عن تعليم السواقه بس بسيط وعلمت ناس اصحابى وقرايبى كتير وشايف انى ممكن اقدر افيدك
بس مش اوى
بصى الاول بعد ما تتاكدى انك تعرفى تسوقى كويس
تحطى فى دماغك ان الطريق خلفك غايه فى الاهميه عن الطريق امامك لان امامك انتى كشفاه بسهوله يعنى لازم تعملى احترام للى جاى من خلفك لو هاتخشى يمين او شمال تتدى اشارتك صح وتتاكدى ان اللى وراكى فهم انك هاتخشى وده طبعا عن طريق المرايه لان المرايه بتخليكى تعرفى نية اللى جاى وراكى وماتحاوليش تعملى حركه فجائيه لان اللى وراكى مابقراش افكارك وبالنسبه لقدام
امره سهل شويه ودايما تسيبى مسافه مناسبه بينك وبين السيارات اللى جانبك عشان لو عمل اى حركه مفاجئه تلحقى تفرملى ولو انتى ماشيه فى طريق سريع وجه وراكى سواق رخم وفضل يديكى نور عشان يعدى وانتى شايفه انك مش هاتعرفى توسعيله لانك مثلا هاتتاخبطى اديلو على طول اشاره شمال او انتظار وهو كده هايفهم انك مش هاتسيبى الشمال ويعدى هو من جانبك
وبالنسبه للركن لو لقيتى مكان فاضى بين عربيتين امشى للامام بحذى العربيه اللى قدام مش اللى ورا وخليكى جنبها على قد ماتقدرى واظن ده هايبقى سهل عليكى لانك هاتظبطى نفسك على اللى قدامك مش اللى وراكىوتبتدى ترجعى لورا مع كسر عجل السياره لليمين وتخلى بالك وانتى بترجعى على بوذ العربيه عشان متحكيش فى العربيه اللى قدامك وبعد ماتتدخلى العربيه تبتدى تتابعى المسافه اللى بينك وبين العربيه اللى ورا ازاى هاقةلك تحطى اديكى على الكرسى اللى جانبك وده ضرورى عشان تقدرى تلفى رقبتك وتكشفى الطريق وراكى وتمسكى بعنيكى المرايه اليمين عشان تحازى على الرصيف وممكن وانتى قاعده تظبطى المرايه لتحت عشان تشوفى الرصيف فى المرايه وتحددى النسبه بين العجل والرصيف وربنا يوفقك
ملحوظه لو بترجعى بظهرك ومش هاتركنى تمسكى مرايتك الشمال فقط وتبقى هى الدليل بتاعك وانتى راجعه
ابو بلال

مرسى جدا لحضرتك على الشرح دة بجد كلام مهم جدا ومفيد وخاصة فى البداية وفعلا كلام حضرتك صح المرايات اهم حاجة بس فى سؤال لما بكون اول عربية واقفة فى الاشارة واول ماتفتح بحس بهجوم من حواليا لدرجة انى بخاف ومش بعرف اتصرف من كتر ماهما بيشدو على الاخر
وبرضة دة لما بكون ماشية فى الحارة اللى فى النص على كوبرى اكتوبر بحس ان كل العربيات اللى حواليا ماشية بسرعة رهيبة ودة طبعا بيربكنى جدا فهل صح انى اخلينى شمال لانى بخاف من اليمين خاصة لو فية عربيات جاية من كوبرى تانى
واسفة جدا لوكنت طولت على حضرتك

**abobelal** · 16-06-2010 12:01 AM

السلام عليكم ورحمة الله وبركاته
بصى انا ها اقولك على حاجه حلوه جدا
خليكى حاطه فى دماغك ان كل السواقين اللى حواليكى
شايفينك كويس قوى ومحدش فيهم يقدر يعملك حاجه او يجى جنبك اكثر من اللازم بس بشرط واحد ان انتى ما تفاجئيش اللى جانبك او اللى وراكى بحركه مفاجئه تخليه يتلبخ زيك بظبط وممكن يحك فيكى لو هو حتى شيخ السواقين يعنى انتى تسوقى البرود شويه بس مش بقلة ادب عشان ماحدش يصدقصدك ويخليكى تتلبخى وطول مانتى ماشيه عدل ماحدش هايجى جنبك وباكد عليكى
القانون الاول والاخير فى المرور وهو (أحذر خطأ الغير )
يعنى دايما تبقى مخليه بالك من اللى حواليكى بس من غير شدة اعصاب عشان لازم وانتى سايقه تستمتعى بالسواقه وتحمدى ربنا على تسخيره للحديد وتتطويعه لبنى الانسان وانه فضلنا على كثير مما خلق
ولو انتى مستمتعتيش بالسواقه يبقى بلاش منها خالص لانها ساعتها مش هاتبقى نعمه بل هاتبقى نقمه وترجعى من مشوارك وانتى ضغطك عالى وكفايه اللى احنا بنشوفه فى اشغالنا وبأكد عليكى مره تانيه لو انتى ماشيه يمين او شمال تحاولى على قد ماتقدرى تحافظى على مكانك مهما اى سواق اداكى كلاكس او نور وبكده مش هايبقى فيه خوف ان شاء الله
واحفظى القانون اللى ذكرته كويس جدا وخليه قدامك طول مانتى سايقه لانه هاينفعك كتير جدددددددداااااااا
يعنى مثلا لو لقيتى واحد واقف على الرصيف وعنده مجرد نيه انه هايعدى الشارع لازم تعملى حسابك انه ممكن يعدى من قدامك انتى حتى لو مش هايعدى لسه هوده القانون وبعدين لو لقيتى عربيه راكنه يمين وانتى هاتعدى من جنبها لازم تعملى حساب ان اللى جوه ممكن وبقول ممكن واكيد انه هايفتح الباب بتاعه وينزل عشان يشترى حاجه مثلا فانتى تعملى حسابك مش تعدى باقصى سرعه من جانبه وهو ينزل وينسى يامن الطريق وتروحى ابسط حاجه شايله الباب بتاعه ودى هاتبقى ابسط حاجه
انا مش باخوفك بس لازم تبقى عامله حساب لخطأ الغير زى ماقولتلك فى كل حاجه ولو فيه اولاد بتلعب كوره وانتى هاتعدى من جنبهم وبتتكلمى مع اللى جانبك لازم تعملى حساب ان ممكن الكوره تجرى فى لحظه ووراها طفل طبعا
عشان يجيبها والسواق الشاطر اللى يبقى كاشف الطريق قدامه وورآه ويمينه وشماله كويس
والكلام ده بيجى مع كتر السواقه والخبره بتيجى من حاجات مش لازم تكون حصلت لينا بس شوفناها او سمعنا عنها وربنا يستر طريقك وفيه حاجه كمان بتضايقنى من الستات انهم بتخضو من اتفه الاشياء وده فى السواقه =حادثه لازم تموتى حكايه الخضه اللى مالهاش سبب
والخوف مع السواقه =تعب اعصاب
ابو بلال

**WMOHAMEDALI** · 17-08-2010 12:19 PM

السلام عليكم ورحمة الله وبركاته
والله ياجماعه ده إللى بيحصلى
أنا لسه شارى عربية بقالى أكثر من شهر وبخاف أطلع بيها لوحدى وأفضل أدور على أى من أصحابى علشان ييجى معايا وفييييييييين لما حد بيفضى لي
وبيقولو ركنة السيارة فى الجراج خطأ
ممكن حد يفيدنى
شكراً للجميع على المعلومات المفيده جداً

**noctis** · 17-08-2010 09:01 PM

بصي يافندم انا ممكن كلامي متكرر كتير وناس كتير قالته لحضرتك بس هو ده الي علمني السواقه وعلم ناس كتير
أهم حاجه يكون عندك الثقه ان مدام الدريكسيون في ايدك يبقا انتي تقدير تتحكمي في العربيه ومش هي الي هتتحكم فيكي يعني لاقدر الله السواق المحترف لو العربيه اتزحلقت منه او عامت (يعني تقريبا بيفقد السيرطه عليها ) هو مؤمن بإنه يقدر يرجع للوضع الصحيح من غير ميرتبك وبيقدر يصلح الأمور بإذن الله

فحضرتك اهم حاجه يكون عندك الثقه انك قادره تعملي كل حاجه بإذن الله ,, وطبيعي تفكري انك مش هتتعلمي وتتعقدي والله انا كمان كنت كدا ده أنا اول مره اتعلمت قعدت العربيه كل ماشغلها تبطل مني لحد ماصاحبي الي كان بيعلمني اتخنق مني :D
والله الوقتي اتعلمت الحمدلله وبقيت زي الفل

بعد كدا في نقطه مهمه بس لحضرتك وهي أنك لازم لازم لازم تتغلبي على الارتباك وتسيطري على اعصابك جاااااااااامد يعني حد بيضرب تلاكس حد بيزعق في الشارع عيال بتجري ميهمكيش الكلام ده أبدًا ولا كأنك في لاشارع اصلا اهم حاجه تركزي في الي قدامك
يعني طبيعي انك لما تمشي بالعربيه هتلاقي واحد معندوش دم بيعمل تلاكس كل شويه وراكي ويقولك يلا يامدام بسرعه ورانا شغل والكلام الفاضي ده وهو اصلا ولا وراه شغل ولا نيله وتلاقيه رايح يصطاد سمك من فوق الكوبري

المهم حضرتك متشغليش بالك باي حد برا العربيه يعمل اي حاجه تستفزك لان ده هيضرك في السواقه

نقطه كمان اخيره وهي ان التدريب يبدأ بأنك تروحي اماكن فاضيه وواسعه مفيهاش طوب ولا دنيا مكسره شوفي بقا اي مكان بالمواصفات دي حتى لو كان مش استفلت وفيه تراب مش مشكله المهم تشوفي اي ساحه فاضيه كدا تمشي فيها في البدايه وتحسي بالثقه

بعد كدا تدخلي في الشوارع الي فيها مرور قليل برده بلاش الزحمه أبدا وركزي على العربيه وعلى الدركسيون لااااااااااازم تمسكيه بايديكي الاتنين كويس اوي لانه اكيد باور واي لمسه بيحرك العربيه منك يمين وشمال
اتعلمي تسيطري عليه كويس

بعد كدا ان شاء الله نطلع للطرق عادي ونمشي بهدوء ميهمناش الي يتريق والي يتكلم لانه هو نفسه متولدش سواق , دي عالم مخها تعبان بس

كتر المارسه هتبقي ميه ميه يافندم ان شاء الله

ببساطه السواقه دي عباره عن تجربه في اولها بنترعب منها وبعد كدا مع تكرار الحكايه هتلاقي نفسك زهقتي اصلا
يعني انا في اول درس سواقه كنت مرعوب بعد كدا لما فضلت اسبوع اكرر الي باخده زهقت بقا وقلت للي جنبي ياعم خلاص بقا انا بقيت سواق انت موراكش الا الكلمتين دول؟

بالتوفيق ان شاء الله