[QUOTE=lobna_yaseen;3872706406]إزيك ياساره عامله إيه على فكره أنا عاوزه أقولك حاجه أنا ملاحظه إننا أنا وانتى ابتدينا السواقه مع بعض بس انتى لغاية الوقت ماسوقتيش لوحدك أنا عارفه ان كلامى ده ممكن يكون خطر بس لازم تنزلى لوحدك على فكره ده هيديكى جرأه وسرعه فى التقدم المهم إنك ماتزوديش السرعه علشان تلحقى تقفى وتمشى فى أى جنب على الطريق مش فى النص وكده هتتعلمى أسرع وماتخافيش الرب واحد والعمر واحد مش بيقولوا كده برضه؟؟ وكمان مايهمكيش اللى وراكى اللى مش عاجبه الطريق واسع قدامه يعديكى وأنا عكسك فى الزحمه المفروض تتطمنى علشان انت بتمشى بالراحه غصب عن الكل فبيتهيألى نسبة الحوادث أقل وياريت لو حد شاف إن كلامى ده غلط يلحق يعلق على كلامى قبل ماساره تتحمس وتعمل بيه وذنبها يبقى فى رقبتى بس والله أنا بقولك كده بس علشان أنا زعلانه انك لغاية الوقت ماسوقتيش لوحدك وممكن تكونى سواقه جامده وانتى اللى مرعوبه على الفاضى ولكم تحياتى[/QU
كلامك صح جدا بس المشكلة فى الخوف والتوتر يعنى انا تقريبا زى سارة بسوق وعندى خوف فظيع من انى اخرج بيها لوحدى وعايزة اقولك مشيت بيها على كوبرى اكتوبر وصلاح سالم وكان الطريق فاضى وكنت ماشية بسرعة بس طبعا كان جنبى المدرب بس اللى قلقنى انى لما بيكون فى مطلع واكون واقفة علية العربية بتريح وبجد مش بعرف اتصرف فى الموقف دة وبضرب لخمة وهى دى اكتر حاجة خنقانى ومخوفانى والمدرب بيقعد يزعق ومش بفهم اعمل اية فتفتكرى اخرج بيها ولا استنى شوية