الموضوع: الخوف الشديد من السواقة اعمل فية اية

المشاركة الأصلية كتبت بواسطة shaddadfalcon1

انا اول مااتعلمت كانت سواقتي كلها علي الزراعي فوالدي فضل اكتر من اسبوع رايح جاي كل يوم معايا
ييجي الصبح معايا الشغل ويروح بالعربيه واخر النهار ييجي بالعربيه وانا اسوق
مره قاللي هات الخامس كنت ملخوم ومرعوب وقلتله لا خليه دلوقتي وبعديها مره جبته والسرعه نزلت ل 60 ومبقتش عارف اعمل حاجه

بعديها بسنه واحد صاحبي كان بيركب معايا ومره قاللي الحمد لله اني خلفتلي عيليين قبل مااركب معاك
كننت بهريييه واخليه قاهد مربع علي الكرسي

هههههههههه انا بقى اخرى التالت وببقى حاسة انى سريعة اوى والرابع دة اعتقد انى هجيبة فى العطلات والاعياد والمناسبات الرسمية وربنا يستر
ومرسى جدا على الرد

أنا كمان لسه متعلمه قريب والحمد لله فيه تقدم بس عارفه إيه السبب؟ الجرأه وفى نفس الوقت تعملى حسابك إنك ممكن تقفى فى أى وقت فاعملى حسابك فى المسافه من بعد العربيه اللى قدامك يعنى تشوفى الشارع هيقف ولالأ من بعيد وكمان ماتنسيش العربيه اللى قدامك لما يهدى بالنور بتاع الفرامل اللى هيظهر قدامك معناها إنك لازم تهدى وتدوسى فرامل إنتى كمان وطبعا لو هتهدى لغاية ماتقف العربيه قبل ماتقف بثوانى لازم تكونى دايسه دبرياج مع الفرامل عشان العربيه ماتبطلش واللى اتعلمته من المنتدى ده إنك لازم لما تقفى تدوسى على الفرامل مرتين تلاته بالتدريج علشان الفرامل تدى استجابه أسرع وكمان لما تلفى أى ملف لازم تكونى دايسه دبرياج عشان تحافظى على الكبالن وعموما هى الحكايه وقت بس أنا نفسى ييجى اليوم اللى أضحك فيه على نفسى وأقول أنا كنت مستصعبه السواقه للدرجه دى؟؟!! زى ماالناس اللى بقوا خبره وكل مايشوفوا واحد لسه بيتعلم لازم (الكل مشترك فى الكلمه دى) يقولوا بكره تفتكرى الأيام دى يارب أكون منكم قريبا وكل اللى بيتعلم جديد

المشاركة الأصلية كتبت بواسطة sara2001

انا كمان لسه بتعلم السواقه واول ما بدأت كنت شايفه ان السواقه كارثه بمعنى الكلمه مش بعرف انام وعصبيه وشايله هم العربيه اللي تحت البيت اللي منتظراني اسوقها
واللي حواليكي في البيت والأصدقاء اللي فجأة جالهم احساس ان انا شوماخر مش واحده لسه بتتعلم وكل اللي اخدته 8 حصص في مدرسه خاصه من سنه علشان اطلع الرخصه
طبعا اول ما نزلت بيها بعد الرخصه خبطها على الكوبري بس الحمدلله كانت خبطه بسيطه وكنت واخده مدرب جديد لسه مش مستوعب انه يصبر على لغاية ما اخد على ابعاد العربيه والدريكسيون
نزلت معاه 4 مرات بس والأخيره كانت هتكون كارثه بس ربنا ستر وعقدني بجد في السواقه وفكرت ابيع العربيه 100 مره
وسيبت العربيه تقريبا 10 ايام لغاية ما نفسيتي اتحسنت ورجعت اتعلم تاني مع مدرب كويس
المدرب بيفرق جدا على فكره لو مش مطمئنه انه هيعرف يتصرف او يوجهك صح نصيحه لازم تغيريه
الحمدلله الخوف دلوقتي قل بس موجود في الطرق السريعه والزحمه
ولسه بتعلم ومش بنزل بيها لوحدي الموضوع عايز تدريب كتير
وربنا معاكي وتسوقي بسرعه
انا اسفه اذا كنت طولت عليكي

بصى ياسارة تقريبا كل كلامك دة ينطبق عليا بس انا بحاول مش بخلى الاحباط يسيطر عليا وبعدين حاولى تشجعى نفسك وادى لنفسك الثقة وربنا انشاء اللة هيكون معانا لان احنا فعلا بنحاول وبنجتهد وعارفة هى اول طلعة بس ربنا يدينا الثقة
وانشاء اللة نسوق كويس بس حاولى ماتسبيش العربية وتوكلى على اللة وانا معاكى بردة هاخد الثقة وانطلق وربنا يستر
وبعدين انتى ماطولتيش عليا ولا حاجة بالعكس دة احنا بنشجع بعض

المشاركة الأصلية كتبت بواسطة lobna_yaseen

أنا كمان لسه متعلمه قريب والحمد لله فيه تقدم بس عارفه إيه السبب؟ الجرأه وفى نفس الوقت تعملى حسابك إنك ممكن تقفى فى أى وقت فاعملى حسابك فى المسافه من بعد العربيه اللى قدامك يعنى تشوفى الشارع هيقف ولالأ من بعيد وكمان ماتنسيش العربيه اللى قدامك لما يهدى بالنور بتاع الفرامل اللى هيظهر قدامك معناها إنك لازم تهدى وتدوسى فرامل إنتى كمان وطبعا لو هتهدى لغاية ماتقف العربيه قبل ماتقف بثوانى لازم تكونى دايسه دبرياج مع الفرامل عشان العربيه ماتبطلش واللى اتعلمته من المنتدى ده إنك لازم لما تقفى تدوسى على الفرامل مرتين تلاته بالتدريج علشان الفرامل تدى استجابه أسرع وكمان لما تلفى أى ملف لازم تكونى دايسه دبرياج عشان تحافظى على الكبالن وعموما هى الحكايه وقت بس أنا نفسى ييجى اليوم اللى أضحك فيه على نفسى وأقول أنا كنت مستصعبه السواقه للدرجه دى؟؟!! زى ماالناس اللى بقوا خبره وكل مايشوفوا واحد لسه بيتعلم لازم (الكل مشترك فى الكلمه دى) يقولوا بكره تفتكرى الأيام دى يارب أكون منكم قريبا وكل اللى بيتعلم جديد

مرسى جدا يالبنى على نصايحك وبجد فعلا اهم حاجة التركيز مع نور فرامل العربية اللى قدامك وفعلا انا بعمل كدة
والسواقة جرأة وثقة وصبر وحطى تحتها مليون خط لان المشكلة ان غالبية اللى بيسوقو معندهمش صبر للاسف وخاصة لما يلاقى اللى بتسوق لسة فى البداية فيحاول يوترها اكتر .
وبجد انا كمان نفسى يجى عليا اليوم اللى اضحك فية على الايام دى واقول انا لية كنت محبكاها كدة وواخدة الموضوع على اعصابى بجد يارب يجى اليوم دة بقى

احساس عادي جدا عملية وقت

المشاركة الأصلية كتبت بواسطة sara2001

انا كمان لسه بتعلم السواقه واول ما بدأت كنت شايفه ان السواقه كارثه بمعنى الكلمه مش بعرف انام وعصبيه وشايله هم العربيه اللي تحت البيت اللي منتظراني اسوقها
واللي حواليكي في البيت والأصدقاء اللي فجأة جالهم احساس ان انا شوماخر مش واحده لسه بتتعلم وكل اللي اخدته 8 حصص في مدرسه خاصه من سنه علشان اطلع الرخصه
طبعا اول ما نزلت بيها بعد الرخصه خبطها على الكوبري بس الحمدلله كانت خبطه بسيطه وكنت واخده مدرب جديد لسه مش مستوعب انه يصبر على لغاية ما اخد على ابعاد العربيه والدريكسيون
نزلت معاه 4 مرات بس والأخيره كانت هتكون كارثه بس ربنا ستر وعقدني بجد في السواقه وفكرت ابيع العربيه 100 مره
وسيبت العربيه تقريبا 10 ايام لغاية ما نفسيتي اتحسنت ورجعت اتعلم تاني مع مدرب كويس
المدرب بيفرق جدا على فكره لو مش مطمئنه انه هيعرف يتصرف او يوجهك صح نصيحه لازم تغيريه
الحمدلله الخوف دلوقتي قل بس موجود في الطرق السريعه والزحمه
ولسه بتعلم ومش بنزل بيها لوحدي الموضوع عايز تدريب كتير
وربنا معاكي وتسوقي بسرعه
انا اسفه اذا كنت طولت عليكي

إزيك ياساره عامله إيه على فكره أنا عاوزه أقولك حاجه أنا ملاحظه إننا أنا وانتى ابتدينا السواقه مع بعض بس انتى لغاية الوقت ماسوقتيش لوحدك أنا عارفه ان كلامى ده ممكن يكون خطر بس لازم تنزلى لوحدك على فكره ده هيديكى جرأه وسرعه فى التقدم المهم إنك ماتزوديش السرعه علشان تلحقى تقفى وتمشى فى أى جنب على الطريق مش فى النص وكده هتتعلمى أسرع وماتخافيش الرب واحد والعمر واحد مش بيقولوا كده برضه؟؟ وكمان مايهمكيش اللى وراكى اللى مش عاجبه الطريق واسع قدامه يعديكى وأنا عكسك فى الزحمه المفروض تتطمنى علشان انت بتمشى بالراحه غصب عن الكل فبيتهيألى نسبة الحوادث أقل وياريت لو حد شاف إن كلامى ده غلط يلحق يعلق على كلامى قبل ماساره تتحمس وتعمل بيه وذنبها يبقى فى رقبتى بس والله أنا بقولك كده بس علشان أنا زعلانه انك لغاية الوقت ماسوقتيش لوحدك وممكن تكونى سواقه جامده وانتى اللى مرعوبه على الفاضى ولكم تحياتى