الخوف الشديد من السواقة اعمل فية اية

**husseinoo** · 01-06-2010 01:21 PM

المشاركة الأصلية كتبت بواسطة haneen83

انا كمان كنت عايزه اسأل السؤال ده لانى من سكان الشيخ زايد و نفسى الاقى مدرسه محترمه و تساعدنى انى اطلع الرخصه :ta_clap[1]:

السلام عليكم ورحمة الله وبركاته

موضوع الرخصة بالنسبة للسيدات .... سهل جدا جدا
هههههههه ... اكثر من رخصة الرجالة

لما تروحى المرور إن شاء الله
البداية هاتكون مع السيدات
والعربية الى هاتركبيها فى الاختبار ... هاتكون عربية صغيرة جدا ... وهاتقدرى تدخلى بيها الاختبار عادى جدا
ولو كان عندك عربية بتاعتك كبيرة شوية ... لأ الافضل انك تدخلى الاختبار بعربية صغيرة

احيانا تدخلى بوجه العربية للامام فقط لا غير
واحيانا يطلب منك الرجوع للخلف
موش مهم ما دام انت راكبة سيارة حجمها صغير

وفى الغالب يعنى بصراحة .... ضباط المرور عندنا قلبهم حنين ... ويتساهلوا جدا مع السيدات

اما احنا ... لنا ربنا
الاختبار ممكن يكون على سيارة نص نقل
وممكن "يلزق" الاقماع تحت عجل العربية
ويطلب منك الدخول بوجه العربية والعودة للخلف
وفى الآخر نص المتقدمين "راسب" ههههههههههههههههه

الخلاصة: ماتخافيش خالص من موضوع اختبار المرور ... المهم تدربى فى مدرسة تابعة للحى .. عشان التدريب يكون على اقماع مرور حقيقية واخدة شكل الاختبار

لكن معلهش لو فيه حتة واسطة صغيرة ... كل شىء هايكون تمام التمام حتى ولو مشيتى على الاقماع ... هى دى الحقيقة للاسف اللى انا شفتها

مع اطيب التمنيات
اخوكم حسين غزالة

**aliabutaleb** · 01-06-2010 02:14 PM

المشاركة الأصلية كتبت بواسطة husseinoo

احيانا تدخلى بوجه العربية للامام فقط لا غير
واحيانا يطلب منك الرجوع للخلف
موش مهم ما دام انت راكبة سيارة حجمها صغير

انا بيجيلي حالة ذهول من سهولة الامتحان هنا في القاهرة
انا شفت قبل كدة في مرور المعادي الامتحان عبارة عن حرف L ويا رايح يا راجع
وممكن تيجي بعربيتك أو تأجر عربية
وممكن العربية تكون أوتوماتيك
عندنا في اسكندرية المسار بيكون حرف s
والامتحان بيكون رايح وراجع
وبتستخدم عربية المرور اللي في الغالب بتكون لادا وفي أحيان شاهين
وطبعاً العربية بتكون مانيوال
والمسافة بين الكرسي والدواسات بتكون كبيرة للقصيرين ومش بينفع الكرسي يتعدل
والفتيس كتير بيكون بيعض، يعني تيجي تعمل النقلة متجيش معاك وممكن العربية تبطل خصوصاً مع المبتدئين

**powerofhelll** · 01-06-2010 03:20 PM

السواقه عايزه انت تحب تسوق متخفش منها

**saso2010** · 01-06-2010 05:28 PM

المشاركة الأصلية كتبت بواسطة powerofhelll

السواقه عايزه انت تحب تسوق متخفش منها

بصراحة قولت المفيد

**saso2010** · 01-06-2010 05:37 PM

المشاركة الأصلية كتبت بواسطة haneen83

بجد ضحكتنى اوى متخانق مع مراته دى ...:c_laugh[1]:
انا على فكره برضه تقريبا فى نفس مستواكى فى السواقه بخاف كده و اخرى التالت و مره مشيت على المحور كنت ماشيه على 60 و كل العربيات اللى بيزمر و اللى بيشتم :ob_mak1[1]:
و ما كملتش والله ركنت و انهرت تماما

و على فكره انا مره اللى بيعلمنى جاب مرات اخوه يعلمها معايا فى نفس الحصه بتاعتى اللى دافعه تمنها من حر مالى يا عالم

و اصلا بقى كان عامل فيها زامبيوطه على رأى نشوى مصطفى و يقعد يقولى انا باسوق على طول على 140 و ايه اللى انتى فيه ده ... انا مش متخيل انى باعلم واحده طموحها تمشى على 60 و الا 70 :b4_237: لحد ما عقدنى والله و قولت انا عمرى ما هاسوق و فى الاخر قولت انا هاتعلم لوحدى

بس لسه مش قادره اتحكم فى الرعب اللى عايشاه من السواقه ..
والله باحلم بيها بالليل تخيلى ..

ههههههههههههه مرات اخوة كمان انتى عارفة انك لوسوقتى لوحدك هتتعلمى اسرع من لو معاكى حد هما كل اللى بيعملوة عايزين فلوس وبس واحنا ......................... المهم انا كمان زيك بحلم بالسواقة باليل وتقريبا عايشة كانى فى فيلم رعب بعد مابخلص سواقة بحس انى مشدودة اوى كانى كنت فى دريم بارك بالظبط بس خلاص احنا جبنا العربية ولازم نواجة فخلاص احنا نتفق على حاجة اننا نتوكل على الله ومنخفش وزى ماتيجى تيجى ولو اى موقف قبلنا هنتعلم منة بس هنحاول نحب اللى احنا بنعملة وخلاص اخرجى اتفسحى بيها خدى صحابك واخرجو وبكرة تبقى احسن من شوماخر بس توكلى على الله

**esraatefa** · 03-06-2010 03:20 PM

اية اخبارك يا ساسو عامله اية فى السواقة دلوقتى
والراجل اللى متخانق مع مراته ههههه
يلا شدى حيلك علشان ندخل فى الautocross ونوريهم السواقة اللى على حق

**hulk** · 03-06-2010 04:14 PM

المشاركة الأصلية كتبت بواسطة esraatefa

اية اخبارك يا ساسو عامله اية فى السواقة دلوقتى
والراجل اللى متخانق مع مراته ههههه
يلا شدى حيلك علشان ندخل فى الautocross ونوريهم السواقة اللى على حق

هههههههه autocross مرة واااحدة
لنا الله هههه
يا جماعة بلاش الثقة بلنفس
مهو اغلب السيدات الى بتسوق ف مصر بيعتبرو نفسهم فى autocross
وزى ما قولت غرز فجأية يمين وشمال وفرامل مرة واحدة ؟
اهم حاجة الى بيسوق يراعى غيرة وميتعداش حدود القوانين المرورية !
بمعنى انا لو اهتميت بغيرى اكيد اكيد غيرى هيهتم بيا .. والله يا جماعة الموضوع موضوع سلوكيات مش اكتر !
اهم حاجة فى السواقة الالتزام بحارتك والاهتمام بلمراية الجانبية لتفادى اخطاء الغير
انا عن نفسى بسوق فى الشارع بهتم جداا بموضوع التوقع دة ولازم الواحد يقدر الخطاء والخطوة الى ممكن يقدم عليها لان مهما كنت انتا سواق تمام غيرك مش تمام .. ربنا يسترها لان فعلا السواقة فى مصر اصبحت ملاهى :)
وحب عربيتك وافهم واحفظ ابعدها هتعدى وتمشى بيها فى اى مكان ..

**esraatefa** · 03-06-2010 04:46 PM

المشاركة الأصلية كتبت بواسطة hulk

هههههههه autocross مرة واااحدة
لنا الله هههه
يا جماعة بلاش الثقة بلنفس
مهو اغلب السيدات الى بتسوق ف مصر بيعتبرو نفسهم فى autocross
وزى ما قولت غرز فجأية يمين وشمال وفرامل مرة واحدة ؟
اهم حاجة الى بيسوق يراعى غيرة وميتعداش حدود القوانين المرورية !
بمعنى انا لو اهتميت بغيرى اكيد اكيد غيرى هيهتم بيا .. والله يا جماعة الموضوع موضوع سلوكيات مش اكتر !
اهم حاجة فى السواقة الالتزام بحارتك والاهتمام بلمراية الجانبية لتفادى اخطاء الغير
انا عن نفسى بسوق فى الشارع بهتم جداا بموضوع التوقع دة ولازم الواحد يقدر الخطاء والخطوة الى ممكن يقدم عليها لان مهما كنت انتا سواق تمام غيرك مش تمام .. ربنا يسترها لان فعلا السواقة فى مصر اصبحت ملاهى :)
وحب عربيتك وافهم واحفظ ابعدها هتعدى وتمشى بيها فى اى مكان ..

انا كنت بهزر والله .... انا اصلا لسه بتعلم السواقة زيها.. انا بس بحفزها مش اكتر
تقبل مرورى ومع كامل تحياتى

**sara2001** · 03-06-2010 05:21 PM

المشاركة الأصلية كتبت بواسطة lobna_yaseen

ماهو ده الخوف بعينه اللى بقولك عليه إنك من جواكى ماصدقتى إنه قالك لأ

ااه ما انا عارفه بس والله مش زي الأول خالص في تحسن يعني والحمدلله بيتهيألي انا جبتلكم يأس

هو عنده حق لأن المنيل صعب شويه أو أى مكان شوارع صغيره واتجاهين بس كده وضحت الرؤيا وكده عندك حق تخافى أنا لو مكانك أخاف برضه بس حاولى تنزلى مع حد وخلاص زى مابتعملى لغاية ماتتعودى

أنا ماكنتش أعرف إنك ساكنه فى مكان زحمه أنا بقى اللى بقولك خليكى شويه ده أنا خوفت وحسيت إنى بسوق عندكم إترعبت أنا رجعت فى كلامى تانى بس بصى حاولى تتحايلى على كل واحد فى العيله فاضى شويه لو ساعه كل يوم وبكده تتطمنى أسرع ولا أقولك انتى عزلى فى مدينه جديده أحسن وشوفيلى شقه جنبك عشان أسوق براحتى أنا كمان ههههههههههه ربنا معانا جميعا

هههههههههههههه شكلك روحتي المنيل قبل كده

انا سعيده جدا ان في حد مقدر المعاناه بتاعتي
علشان كده لما بخرج في مكان الشارع فيه اكتر من حارتين بأكون سعيده جدا الدنيا واسعه والعربيات تعدي من جنبي براحتها هههههههههههه
المشكله فعلا في ان حد يكون فاضي ينزل معاكي كل يوم
ياريت والله لو كنت اقدر اعزل في مدينه جديده وكمااان اغير مكان شغلي يبقى شىء هايل

-

الموضوع: الخوف الشديد من السواقة اعمل فية اية

LinkBack

أدوات الموضوع

عرض

-

-

-

المواضيع المتشابهه

فيلم شئ من الخوف

الخوف من السواقة بقى حالة مزمنة .. ايه الحل ؟؟

دائرة الخوف

الانتشار الشديد

ملعون الخوف

الكلمات الدلالية لهذا الموضوع

المفضلات

المفضلات

ضوابط المشاركة