اللانسر الخليجي والمصري والرواس

**إسلام شاهين** · 23-05-2007 09:04 AM

بعد صباح الخير يا جماعه امبارح رحت شوفت الانسر ال 1300 المانيوال وعرفت إن سعرها 88 الف جنيه من غير الكاسيت وبعدين شوفت الخليجي اللي أنا مش عراف إيه حكايتها بالضبط ولاقيت سعرها 84500 ده بتكييف وكاسيت وراديو سي دي وإيرباج وأبنوس ومرايات ومقابض بلون العربية وإنذار وكمان معاها ضمان الرواس سنتين او 40000 الف كيلو المهم برضه انا أحترت أكثر ومش عارف اعمل إيه المصري ولا الخليجي ؟ لو يا جماعه حد عنده فكرة عن الموضوع بتاع الخليجي ده يا ريت ينصحني .

**memoo_1st** · 23-05-2007 09:27 AM

بص بصراحه انا معايا لانسر مصري و صاحبي معاه الخليجي اولا الاتنين لانسر ولاتوجد فروق جوهريه و لو ركبت المصري او الخليجي من غير متعرف مش هتعرف تفرق بينهم

في حاجات بتبقى زياده في المصري لو لقيتها في الخليجي هات الخليجي
1- مسند جانبي وليس مجرد درج (المصري بيبقى مسند الخليجي غالبا مش موجود المسند ده خصوصا في ال1300)
2- الكنبه يمكن طيها وفتحها على الشنطه
3- الاكر من الداخل نيكل

وانا بصراحه لو مكانك اجيب الخليجي و اوفر الفرق دا او اظبط بيه العربيه

**إسلام شاهين** · 23-05-2007 09:40 AM

شكرا على النصيحة بس ممكن أعرف جاب الخليجي منين ؟ وبعدين غيه حكاية الاستيكر اللي على القايم بتاع باب السواق اللي مكتوب عليه متوافقة مع الخليج وحكاية الإريل اللي على السقف من ورا مش على باب السواق ؟
آسف على الأسئلة الكثيرة ............شكرا مع تحياتي

**M_ElSabaa** · 23-05-2007 09:48 AM

فى مقارنة بين الخليجى والمصرى هنا http://www.nilemotors.net/Forum/viewtopic.php?t=627
ممكن تاخد فكرة عنها

**إسلام شاهين** · 23-05-2007 09:56 AM

شكرا مرة تانية بس أنا عايز أعرف صاحب حضرتك جابها خليجي منين وبكام ؟ وبعدين إيه حكاية الاستيكر اللي على القايم بتاع باب السواق اللي مكتوب عليه متوافقة مع الخليج وحكاية الإريل اللي على السقف من ورا مش على باب السواق ؟ الأسئلة ديه مالقتلهاش إجابة في الرد بتاع حضرتك ياريت حد يرد عليها يا جماعة ضروري جدا
آسف على الأسئلة الكثيرة ............شكرا مع تحياتي

**memoo_1st** · 23-05-2007 10:01 AM

بص بصراحه انا صاحبي كاي جايبها من معرض في ارض الجولغ بس مش فاكر اسمو لكن في واحد صاحبي جابه من معرض في مكرم عبيد معرض محترم قوي و الوحيد اليي شوفت عنده 1300 فيها abs

هوا المعرض دا جنب كافيه مشهور اسموه cowboy وادام مطعم اسمو بكين بتاع اكل صيني هوا المعرض دا في الشارع الي بعد مكرم عبيد على طول لو حضرتك جاي من التامن نازل على السابع