مرسيدس cls 2012...صور تجسسية واضحة تماماً

**horas3000** · 08-06-2010 11:12 AM

المشاركة الأصلية كتبت بواسطة Ahmed Nouh

لقب الاسرع يحسب بيه السرعه القصوى وليس التسارع ومع ذلك البورشه فى التسارع بتحقق 4.1 فى حين ان الكاديلاك cts-v بتتسارع فى 3.9 ثانيه

وكمان رقم اجمد من ده :) , الايفو ال fq-400 بتتسارع لنفس السرعه فى 3.8

ده حتى ال cls اللى اقدم من البانيميرا بسنين فى الانتاج النسخه ال 65 amg كانت ابطأ منها ب 3 اعشار من الثانيه فقط

وبالنسبه لفئه المنافسه فبعيدا عن رأى صحفى اوتومبيل اللى عامل الفيديو ده انا هجيب لحضرتك كلام من البريس الرسمى بتاع البانيميرا يؤكد انها عربيه تصنف ككوبيه بأربع ابواب مش سيدان عاديه

يمكن التعبير خاني
بس ده اللي كنت اقصده باسرع عربية
الكاديلاك CTS-V ده رقم الشركة و لم يستطع احد تحقيقة علي ارض الواقع ابدا بسبب العزم الشديد و عدم وجود انظمة لكبحه و اللي بيخلي العربية تفرك دايما سواء في الانطلاق او في عند النقل. و اليوتيوب مليان فيديوهات و ممكن تتاكد

الايفو FQ-400 تعتبر عربية معدله
يعني كده كده خارج نتاج المنافسه دي

دي الكلام عن البانيميرا من ويكبيديا

The Porsche Panamera (Type number 970) is a four-door, four-seat luxury saloon/sedan, which was launched in 2009.[1] It is front-engined with rear-wheel drive, with a four-wheel drive version also available.

شخصيا انا شايف انها بين البنين بصراحة
و لو عليا هصنفها ضمن ال Fastback

المشاركة الأصلية كتبت بواسطة shaddadfalcon1

اسرع سيدان علي مااتذكر كانت ال Brabus Ev12 ودي كان سرعتها القسوي 400 كيلو

المشاركة الأصلية كتبت بواسطة Ralliart

ازاي اسرع سيدان ؟؟
امال برابوس روكيت ويوليت وبلاك بارون بيعملو ايه ؟؟؟

يا شباب انا حاولت اوضح كلامي
انا قلت

اسرع سيدان للانتاج التجاري

و العربيات الي انت بتقولوا عليها ده عربيات معدله

فعليا اسرع سيدان علي الاطلاق هي البرابوس E-Class Black Baron
و ده موضوع كنت عامله عنها

http://www.nilemotors.net/Nile/141443-black-baron.html

**Ahmed Nouh** · 08-06-2010 06:21 PM

المشاركة الأصلية كتبت بواسطة horas3000

يمكن التعبير خاني
بس ده اللي كنت اقصده باسرع عربية
الكاديلاك CTS-V ده رقم الشركة و لم يستطع احد تحقيقة علي ارض الواقع ابدا بسبب العزم الشديد و عدم وجود انظمة لكبحه و اللي بيخلي العربية تفرك دايما سواء في الانطلاق او في عند النقل. و اليوتيوب مليان فيديوهات و ممكن تتاكد

الايفو FQ-400 تعتبر عربية معدله
يعني كده كده خارج نتاج المنافسه دي

دي الكلام عن البانيميرا من ويكبيديا

شخصيا انا شايف انها بين البنين بصراحة
و لو عليا هصنفها ضمن ال Fastback

الكاديلات فعلا تقدر تحقق الرقم ده والا مكنتش الشركه اعلنته بس هى كعربيه عضلات اداره القوه فيها بتبقى صعبه شويه ومش اى حد يقدر يطلع منها اقصى اداء زى ما حضرتك قولت بسبب العزم

الايفو مش عربيه معدله ولا حاجه , اولا النسخه رسميا من ميتسوبيشى مش من اى شركه تعديل هى مجرد نسخه اقوى وحتى كل التعديل اللى حصلت كانت طفيفه ولم تمنع الشركه من الحفاظ على ال 155 ميل حد السرعه وده طبعا يعتبر حاجه مرفوضه فى اى عربيه Tuned لكن ده بس مراعاه للأمان علشان هى نسخه رسميه مش معدله

الويكبيديا فى البانيميرا لو لاحظت هتلاقيه اصلا مفيهوش فئه عربيات اسمها كوبيه بأربع ابواب وبيصنف العربيات من الفئه دى ككوبيه او كفاست باك وتصنيفه ليهم كفاست باك جامع فيه كل عربيات الكوبيه بأربع ابواب ومن ضمنهم الباناميرا

هى فعلا زى ما حضرتك قولت تنفع فاست باك بس انا شايف ان اساسا انتاجها كان لمنافسه الفئه المستحدثه من ال CLS وما تبعها

على العموم هانت كلها اسبوعين ونشوف ال CLS الجديده هتعمل ايه :)

**shaddadfalcon1** · 08-06-2010 07:12 PM

Evo 400 is a stock car developed by Mitsubishi UK

**horas3000** · 08-06-2010 10:21 PM

يا جماعة الايفو fq-400 نسخة معدله او منقحة من قبل رالي ارت بريطانيا و هينتج او انتج بالفعل منها 100 وحده بس و هتسوق في بريطانيا بس. اما اللايفو الستوك العادية هي اللي بتباع و تسوق في العالم كله و قوتها 290 حصان بس مش 400 زي ال fq
يبقي متبقاش لا ستوك و لا من ضمن الانتاج التجاري

اما بالنسبة للكاديلاك فايه الدليل علي انها بتجيب التوقيت ده فعلا في ظل ان مفيش حد حقق الرقم ده بالفعل علي عكس كل منافستها اللي التوقيتات بتحقق من السائقين العاديين زي ما الشركات بتقول

عموما و عشان الموضوع ميخرجش عن هدفه
خلينا في ال cls و في انتطار الكشف الرسمي عنها خصوصا للانتريور لاني كنت قريت انه هيبقي مبني علي انتريور ال e و ده لو حصل هتبقي حاجة مش ظريفة من وجهة نظري