الموضوع: الظابط المستفز

المشاركة الأصلية كتبت بواسطة gassarian

المهم إتشغلنا خلال الأسبوع و بعدين النهاردة رحنا نجيب الرخصة بعد ما كلمنا ناس قرايبي و رحنا أبيس قالوا لنا الرخصة مش عندهم و في محرم بك

و رحنا محرم بك ما لقيناهاش و قالوا لنا الضابط كده ما بعتهاش أصلاً و مخليها معاه، يعني حركة عشان الإيصال يخلص معانا و نفضل نلف كعب داير ... رحت عملت إيصال تاني ... و الضابط اللي كنا رايحين له قال لنا نرجع له بكرة بدري يكلم النقطة بتاعت الظابط ده و يعرف إسمه و يجيبها لنا...
معرفش بقى الظابط الملازم أول ده هيعمل إيه تاني بقى

و نرجع نقول ربنا يهديهم

الصح فى الحالات دى تمشيها ميرى

بتقدم شكوى ضد الملازم ، ماعرفش بيسموها التفتيش ولا ايه ، بس المهم تحافظ على الوصل علشان فيه التاريخ ، و ممكن تعمل محضر باللى حصل و ترفقه بالشكوى.

فى الحالة دى عادة لازم بيتحقق فيها و عادة الرخصة هاتظهر و ممكن الملازم يتجازى فى حركة زى كده.

و ربنا معاك

من أمن العقاب أساء الأدب

و طول ما سلطات أي شخص - ضابط شرطة, موظف, طبيب في مستشفى عام .... إلخ - غير محدودة و مفيش اللي يحاسبه او يسائله مساءلة قانونية ...... انسى ...... هتشوف من ده كتير

في المقابل ضابط الجيش عليه قواعد منظمة لعمله و فيه حساب و فيه تنظيم و لو عمل اي مصيبة سواء في الخدمة أو بصفته المدنية في غير اوقات الخدمة بيتنفخ ...... يعني انا عمري ما شفت ضابط جيش بيبلطج على الناس بصفته ....... بس العكس طبعا موجود

و مانساش كلمة اتقالت لي من 12 سنة اما اشتغلت في فترة الصيف في شركة بتبيع اجهزة اليكترونية بالتقسيط

لا لضباط الشرطة

لا للسلك القضائي (وكلاء النيابة و القضاة و المستشارين)

لا للمحامين

اتقالت لنا وقتها ان دول لو هيشتروا بمليون جنيه تقسيط برضه لأ ..... ممنوع و مستحيل ....


دلوقتي انا فهمت ليه