الموضوع: ايه افضل موتور ل 128

المشاركة الأصلية كتبت بواسطة ziabassem

الأخوة الأفاضل أسعدني النقاش معكم وخصوصاً مع Yoko و memononos بس حبيت أوضح وجهة نظري أنه حتى مع التقويات ممكن يكون فيه مخاطر .. لأن كل عربية الصانع بتاعها بيحاول يطلعها في أحسن صورة وأقل تكلفة وفقاً لحسابات ودراسات قبل العربية ما تتعمل .. فمش من المنطقي أنه يعمل عربية مصممة على أنها تشيل موتور 1300 ويصرف على مكونات أساسياتها أنها تشيل 1600 .. ومثال على ذلك 128 نفسها فيها مواتير 1100 ومواتير 1300 واليارس فيها 1300 و 1500 .. وحيبقى من الصعب أسقط فيها مواتير أكتر من كدة .. وبكرر من الصعب مش مستحيل .

تعالوا بقى نفكر مع بعض التعديل يبقى في أيه .. أقولك على مثال حي بينا في المنتدى هنا وهو محمد ممدوح اللي عدل في فرامل اللانوس بعد دراسة وتفحيص وتمحيص (وأنا بعتبرها براءة اختراع اللي عمله ده وتعديل على شركة عالمية زي لانوس) وقدر أنه يعلى قوة وكفاءة الفرامل .. وليه أحنا مالكي 128 منفكرش ازاي نعدل الفرامل ونخليها أقوى (وخصوصاً لو سقطتلها موتور أكبر زي ما بتقولوا ، وإلا حتعمل زي ممدوح عبد العليم ونقول بعد ما نسقط المواتير مبيعرفش يوجفها .. مبيعرفش يوجفها) أو منظومة التبريد بتاعة 128 اللي معظمنا بيعاني من السخونة بتاعتها وخصوصاً في فصل الصيف .. ده بقى الكلام الصح في التعديلات .

ما أنا واحد من الناس اللي مسقط موتور لانشيا 1300 والحمد لله بيديني اللي أنا عاوزه من غير أي لعب وتعديلات والحوارات دي .. وبجيب 140 و 150 هي فرقت يعني حجيب السرعة دي في أد أيه .. وخصوصاً أن شوارعنا متستحملش أصلاً الجري ده .. وتحياتي للجميع

هو كلامك عملى جدا طبعا بس لو جينا نطبقه مثلا على الناس اصحاب honda sivc هتلاقى مثلا ان موديل 2009 منها نازله من المصنع استوك بقوه 115 حصان تقريبا ومع زالك هتلاقى ناس كتير بره مصر وجوه مصر بيوصلو العربيه لحد 400 حصان واكتر يعنى حوالى ضعفين قوتها الاصليه الى متصنعه ليها ومع ذالك برضو مفيش اى مشاكل والشباب بيجرو بيها وكله تمام .
بص يا باشا انا وجه نظرى ان كل حاجه فى الدنيا لو محافظتش عليها كويس سؤاء كان بنى ادم او عربيه او اى شىء فهيضيع منك فى النهايه
وبعدين حضرتك طلعت مسقط موتور لانشيا 1300 مع العلم انه اشد من 1300 بتاع 128 بحاولى 20حصان تقريبا وفرق 1500 عن 1300 بتاعك حوالى 10حصان تقريبا ..
هل عدلت حاجه ؟
وهل كسرلك الشاسيه او عمل اي مشاكل ؟
وهل العربيه مريحاك دلوقتى ؟
وهل جربت تركب تكيف؟
وهل حسيت بفرق بينه وبين 1100؟
وعلى فكره الموتور 1500 وزنه يكاد يكون نفس وزن 1300 و1100
وتحياتى ليك

المشاركة الأصلية كتبت بواسطة mstool

انا زيك بزبط اكتر حاجة اقتنعت بيها فى الحوارات اللى بتابعها بقالى شهور علشان هشترى زيك كدة
انى هاركب فى الاخر 1500 ريجاتا فتحة واحدة لان الفتحتين بيدى 85 جصان الفتحة الواحدة بيدى 80 حصان اعتقد لو خايف من عزم الموتور و ضعف الساشية قدام قوة المتور (زى ما بيقولوة) محسسنى انى هركبة فى ورقة بفرة هى ضعيفة اة لكن مش الكل بيشتكى منها او مش الكل بيلحم فيها دة يقتصر على اللى بيعامل العربية معاملة الكلاب اسف يعنى انا عن نفسى الكلاب بعاملها كويس مش وحش ههههههه عشان بحبها
بس الحوار ان فية ناس مركبة عليها اللانشيا 1600 بقالها مدد كبيرة و عاملين عفشة رياضية تستحملة و شغال زى الفل اهم حاجة تركب عجل كبير زى ما قالولك اكتر حاجة مفضلة 14 اكتر من كدة ممكن يحك فى الرفارف لما تلف على سرعة كبيرة او تعمل غرز او تتفادى اخطاء على سرعة
انا مقتنع ب ريجاتا 1500 جدا لانة مش هيدى القوة الفظيعة اوى دية يعنى اللى تبوظ العربية حتى مع التقويات و التعديلات الكبيرة اللى بتتعمل علشان تستحمل اكبر شوية صغيرين يعنى بس بينى و بينك هتبقى العربية بتدى مستوى العربيات الجيدة كالانسر او التويوتا و يمكن افضل شوية عشان كدة دة اللى مخلينى مقتنع جدا اهم حاجة العربية تبقى حلوة بس و قوايمها و حوضها و ساشيها سليم يعنى تختار عربية عارف انك ناوى تبهدلها عشان تستحمل و اتوكل على الله و سيبك من تخويف الناس و هما اصلا مجربوش يعنى هاتلى واحد فشخت منة ركب موتور 1600 لانشيا مش حتى 1500 ريجاتا مش هتلاقى اعتقد لان هما مش دارسين العربية كويس الناس اللى بتخوفك هيا توقعات لانها فى دماغهم عبار عن 28 مش اكتر بالعكس ال 28 لما بتعمل حادثة ساجها ناشف جدا جدا بالنسبة للعربيات الجديدة يعنى مش للدرجة هى ضعيفة بالعكس هيا قوية الحمد للة و حمالة اسية و شالت ناس كتير حوارات التفتيح فى حالة المعاملة الذبالة جدا بس
او فى حالة واحد مش متاخد معاها اللازم لو مركبلها موتور عفى بس مش اكتر
دة خلاصة اللى قريتة من راى ناس كتير اوى على النت بقالى شهرين علشان زيك ناوى اشترى عشان ازبط
انا هعملها كويس فى المطبات و هركب فرشة رياضية يعنى ناشفة و هتحمل و هتبقى دية ضريبة انها 28 و يا عم خلى عندك صبر فى المطبات و خدها براحة بس مش اكتر اعتقد مش صعبة يعنى على انك تبقى راكب عربية فى سرعة عربية رياضية متوسطة
و على رايك 10 حصان فرق مش هيفرق بالدرجة اللى تخرب العربية اللى قالك مسقط لانشيا 1300 بس هيا هتفرق فى السرعة حبة يدوبك تحس بيهم علشان تحس انك عملت فرق فى العربية شوية لان اقل اختيار للتسقيط الافضل هو ال1500 الريجاتا دة انا حتى بقولك كمان هاتة باب واحد مش بابين بيبقى اقل خمسة حصان و بيدى بزبط قوة 80 حصان
لو شايف انك قد مسؤلية الكلام و هتنفذة ركب يا عم و خلينا نركب مواتير جامدة و نعيش و سيبها على ربنا

فعلا يا باشا هو ده الى انا بفكر فيه بجديه 1500 ريجاتا هيديك اداء فوق المرضى جدا كمان وزى ما قال المهندس kaza انه انسب خيار للتسقيط من الناحيه الاقتصاديه ومن ناحيه الاداء بالنسبه لعربيه زى 128 مفهوش تعقيدات ومصاريف النص انجكشن زى لانشيا1600 وفى نفس الوقت مش غالى جدا زى الاونو1400 تربو علما بان ثمنه 5000جنيه تقريبا والريجاتا 1500ثمنه 2500 جنيه بالفتيس
وانا فى راى الشخصى ان 128 برضو لازم يكون ليها حدود معينه فى مصاريف التظبيط علشان لو اضطريت تبيع فى اى وقت متزعلكش فى الفلوس جامد يعنى تكون خسرت فيها الخساره العاديه