الموضوع: قمة التخلف

صراحة لا شايفه لا جهل و لا غيره
الموضوع و ما فيه ناس ابسط ابسط حقوقهم مش عارفين ياخدوها

احساااااااااس عميق بالظلم يجد اي فرصة للتعبير عنه

و بسبب كده كل يوم و التاني واحد منهم لاما بيتخبط لاما بيموت

و محدش معبرهم و لا سأل فيهم

يقوموا ايه بقي

واخدين حقهم بايديهم

و سط الهوجة دي بيظهر غوغاء هما اللي بيسيئوا للجماعة دول كلهم

و لو الناس دي حاسة - مجرد احساس - ان حقهم ممكن يرجع من غير القلق ده مكنش ده حصل

موقف زي ده سمح للغوغاء بالظهور وسطهم

عامة الوضع الان اشبه بحال البلد في اخر ايام الفراعنة و انهيار الدولة الفرعونية ظاهريا الي الابد

و اعتقد بس ان الناس دول محتاجين يصلحوا بوصلتهم و يعدلوا اتجاه غضبهم نحو اناس اخرين

طيب في نفس اليوم وانا راجع باليل من فرح واحد صاحبي وكنا سهرانين في الفرح وروحنا تقريبا الساعه 2 صباحا وانا ماشي عادي والطريق فاضي وماشي كام يامحترم 90 كيلو وهوب اخدلك رزعه في مطب حديث لم يكن موجود قبل الحادث والمطب معمول قبل الحادث بحوالي 500 متر وانا كنت ناوي اهدي اصلا علشان اشوف مكان الحادث بس الجهل سبقني بالمطب طيب انا ايه ذنبي

الحكاية دي انتشرت جدا الفترة الاخيرة ... اي حاجة تحصل الناس تقطع الطريق ... البلد تتقسم تبع محافظة تانية يقطعوا الطريق .. حد اتخبط بالعربية يقطعوا الطريق
طيب مفيش اي حد من البلد فكر لو هو ماشي بعربية حتى لو راكب مشروع و حد طلع علية و قطع طريقة لمجرد ان في حادثة حصلت هيبقى احساسة اية
و الناس اللي مصالحها بتتعطل ذنبها اية
و اللي عربيتة اتخبتط دا ذنبة اية
و اللي كانوا راكبين الاتوبيس دول عملوا اية عشان يحصلهم كدا

ذنبهم انهم كلهم ساكتين

يبقي يتوزع الاثم و الذنب عليهم جميعا

اهالي القرية دي لو كانوا اتجمعوا كلهم بس راحوا للمحافظة مثلا لو مجلس المدينة .. كان الراجل دا اتمسك .. و كان بتوع مجلس المدينة عملوا المطبات الظريفة اللي على الزراعي دي بطول البلد

يعني انا معنديش معلومة مؤكدة طبعا

بس من خلال تعامل حضرتك كمواطن عادي مع دواوين الحكومة " بدون واسطة "

تفتكر ان حاجة زي كده لو حصلت حد هيعبرهم او يسأل فيهم ؟!