الموضوع: قمة التخلف

انا اسف بس في مقوله عاوز اقولها وياريت تفهم مغزي كلامي
الكلب مبيهوهوش الا قدام بيته
عارف ليه
لانه بيبقي حاسس بالامان وعارف ان الامور لو خرجت عن السيطره هيعرف يهرب بسرعه
فهمني

المشاركة الأصلية كتبت بواسطة osamalover

بغض النظر عن حكاية الواسطة او كدا
انا اقصد توجية الطاقة .. يعني الناس دي بدل ما كانوا يتلموا كلهم كدا (عشان يقفلوا طريق و الامن ميقدرش يعمل حاجة يبقى عددهم كبير ) .. كان المفروض يروحو قدام مبني المحافظة مثلا او اي جهة رسمية .. و المفروض بردوا ان لو موقف زي دا حصل الناس دي مش هتحتاج واسطة و مش هتمشي غير و طلباتها متنفزة
يعني بدل ما القرية كلها تقفل طريق .. القرية كلها تعتصم .. النتيجة واحدة بس هنتلافى الخساير

وهل تتخيل إن الناس دي مش عارفة مين اللي أحق بالغضب والاعتراض وإنهم المفروض يوجهوا طاقتهم دي تجاه الحكومة؟!..لأ..عارفين كويس جدا..لكن الحكومة هدف صعب نسبيا..يبقى الأسهل يضربني ويضربك برغم إننا ملناش ذنب.وده لإني أنا وإنت معناش عصيان مكهربة ولا رصاص حي ولا أمن مركزي ولا أمن دولة..يعني نوع من القهر يتم توجيهه لمجموعة أخرى من المقهورين...وحتى لو راح اعتصم قدام المحافظة أو المديرية هل يقدر يكسر ويضرب ويتلف عربيات الأمن أو واجهات هذه المباني..طبعا لأ...يبقى الأسهل له إنه يكسر عربيتي وعربيتك برغم إننا ملناش ذنب...شفتم وصلنا لفين

المشاركة الأصلية كتبت بواسطة بحري

وهل تتخيل إن الناس دي مش عارفة مين اللي أحق بالغضب والاعتراض وإنهم المفروض يوجهوا طاقتهم دي تجاه الحكومة؟!..لأ..عارفين كويس جدا..لكن الحكومة هدف صعب نسبيا..يبقى الأسهل يضربني ويضربك برغم إننا ملناش ذنب.وده لإني أنا وإنت معناش عصيان مكهربة ولا رصاص حي ولا أمن مركزي ولا أمن دولة..يعني نوع من القهر يتم توجيهه لمجموعة أخرى من المقهورين...وحتى لو راح اعتصم قدام المحافظة أو المديرية هل يقدر يكسر ويضرب ويتلف عربيات الأمن أو واجهات هذه المباني..طبعا لأ...يبقى الأسهل له إنه يكسر عربيتي وعربيتك برغم إننا ملناش ذنب...شفتم وصلنا لفين

يسلم لسانك والله جبت من الاخر

هو دلوقتي الناس لما بتخرج و تقطع طريق و تعطل الناس بشكل عام

مش ده معناه لوي لدراع الحكومة

اسقاط لهيبة الحكومة و فرض سيطرتها علي مكان ما

الامر الذي يستدعي تدخل مباشر مع الحكومة و صدام معهم

اين اذن الفرار من المواجهة ؟

الم يحدث سابقا عدة مرات في قري كفر الشيخ و اشتبكوا مع قوات الامن عدة مرات في موضوعات مشابهة او متعلقة بنقص مياه الري و اتلفوا سيارات شرطة و امن مركزي و احدثوا اصابات في الجنود

لو اعتصموا امام اي مديرية امن و لو شهر و لا هايحصل حاجة

اهي ناس قاعدة و خلاص

و ممكن لما يزهقوا منهم يضربوهم و يمشوهم في اي وقت

زي بتوع مجلس الشعب

عادي جدا جدا

المشاركة الأصلية كتبت بواسطة dr zezo

هو دلوقتي الناس لما بتخرج و تقطع طريق و تعطل الناس بشكل عام

مش ده معناه لوي لدراع الحكومة :o_stupid[1]:

اسقاط لهيبة الحكومة و فرض سيطرتها علي مكان ما

الامر الذي يستدعي تدخل مباشر مع الحكومة و صدام معهم

اين اذن الفرار من المواجهة ؟

لا يا صديقي
لما ده بيحصل معناه مباشرة إننا نتعطل عن مصالحنا بلا ذنب..وإن ناس كتير عربياتها تتكسر وهي دافعة فيها دم قلبها ..وإنك تبقى واقف بالإسعاف عشان تروح تجيب حالة ومش عارف تعدي..أو إنك رايح في مشوار مهم وحساس وممكن يغير مجرى حياتك وواقف مش عارف تتصرف وشايف مستقبلك بيضيع..وإن واحد عنده السكر ممكن يروح فيها من حرقة الدم..أو إن واحدة تولد في العربية عشان مش عارفه توصل المستشفى
لما ده يحصل معناه ظلم مباشر لناس كل ذنبهم إنهم عدوا في المكان ده وقت الحادثة
اللي عاوز يسقط هيبة الحكومة يروح للحكومة نفسها مش للناس الغلابة اللي زيه
إلا إذا اعتبرنا أن كل من يملك سيارة هو وغد وعميل للحكومة
وحتى بهذا الاعتبار في ناس كتير هتلاقيها مزنوقة في الميكروباصات وواقفة في القفلة مستنية الفرج

المشاركة الأصلية كتبت بواسطة بحري

لا يا صديقي
لما ده بيحصل معناه مباشرة إننا نتعطل عن مصالحنا بلا ذنب..وإن ناس كتير عربياتها تتكسر وهي دافعة فيها دم قلبها ..وإنك تبقى واقف بالإسعاف عشان تروح تجيب حالة ومش عارف تعدي..أو إنك رايح في مشوار مهم وحساس وممكن يغير مجرى حياتك وواقف مش عارف تتصرف وشايف مستقبلك بيضيع..وإن واحد عنده السكر ممكن يروح فيها من حرقة الدم..أو إن واحدة تولد في العربية عشان مش عارفه توصل المستشفى
لما ده يحصل معناه ظلم مباشر لناس كل ذنبهم إنهم عدوا في المكان ده وقت الحادثة
اللي عاوز يسقط هيبة الحكومة يروح للحكومة نفسها مش للناس الغلابة اللي زيه
إلا إذا اعتبرنا أن كل من يملك سيارة هو وغد وعميل للحكومة
وحتى بهذا الاعتبار في ناس كتير هتلاقيها مزنوقة في الميكروباصات وواقفة في القفلة مستنية الفرج

يروح للحكومة فين ؟

فين دراع الحكومة اللي ممكن الواحد يوجعها فيه؟ عشان يأخد حقه بس

و حتي لا يفهم الكلام خاطئا لست ادافع عما فعلوه و لا اؤيده

لكن بصراحة لو حصل معايا و عربيتي اتدغدغت او اتعطلت مش هالومهم قد ما هالوم المسؤول الحقيقي و احنا كلنا معاه