بخر زيت بسيط على الموتور من خرطوم الفايظ

**zumawy** · 29-05-2010 03:31 AM

السادة اعضاء المنتدى الكرام
لدى استفسار

السادة اعضاء المنتدى الكرام
لدى استفسار ارجو من السادة خبراء المنتدى الاجابة علية

لدى سيارة تويوتا ستارليت 1992 حصل بعد شرائها تنتيش فى الموتور وروحت لاكثر من مكانيكى وكان فى زيت داخل عمة الكاربرتير من خرطوم الفايظ وقالوا الموتور خفيف الاحتمال الاكبر يكون طقم شمبر
المهم استقريت انى اعمل المطلوب فيها رغم ان فى ناس قالولى امشى بيها مش مشكلة لانهاكانت فى بدايتها
المهم الميكانيكى اشتغل وفتح الموتور وقالى ان فى مشكلة فى الصبابات وعملنا قواعد ودلالات وخدنا سنه من وش السلندر وكمان عملنا الشمبر
المهم خلصنا على كدة وبعد ما لينت العربية 20 لتر , قاللى امشى بيها 500 كيلو وتعالى غير الزيت و البوجيهات واضبط التاكيهات وكل دة حصل فعلا بعد حوال ال 700 كيلو
المهم قبل مغير الزيت قبل ال700 كيلو دول وبعد ما ضبت التاكيهات و غيرت الزيت هناك شىء يؤرقنى جدا مش عارف كلام الميكانيكى دة صح ولا غلط وهو خرطوم الفايظ بيجيب زيت مش كتير بس لهذا شيلت الخرطوم من مكانة فى عمة الكاربرتير وخليتة سايب خوفا من انة ممكن يلخبط الكاربرتير , المهم روحتلة اكتر من مرة قالى ان اللى بيخرج من الفلسظ دة النفس بتاع المكنة وان كل التويوتا كدة بتطلع زيت على خفيف من خرطوم الفايظ
وبصراحى الكلام دة مش مقنع بالنسبة لى بس بردة للأمانة التالى مقياس الزيت مظبوط وسحب السيارة كويس
واستهلاك البنزين ممتاز جدا الصفيحة 215 كم داخل المدينة , بصراحة انا عايز اطمن من هذا الموضوع فهل كلام المكانيكى صح واية رايكم برجاء الافادة فانتم تعلمون ان الضمير الله اعلم بة خلاص ولكم جزيل الشكر

**Ahmed Galal** · 29-05-2010 10:35 PM

انا عربيتى الكورولا ماتورها قريب من عندك و فيه خرطومين واحد من غطا التاكيهات رايح للعمة و التانى بردك من غطا التاكيهات للكربراتير و مرة واحد فيهم ما كانش مربوط كويس ورجع زيت فى العمة و غيرته خلاصة الكلام الطبيعى ان ما يبقاش فيه اى زيوت و لا تعريق العربية معايا بقالها سنتين و ما فيش اى حاجة من الكلام ده بس طالما ما فيش زيت فى العمة و الزيت ما بينقصش و السحب كويس و الحرارة طبيعية يبقا ما تقلقش و توكل على الله و ربنا يباركلك فيها انا باحب الستارلت جدا جدا جدا

**sab3aawy** · 30-05-2010 11:57 AM

هو ليه كل ما صنايعيى امكانياته على قده مش عارف يعمل شغلانة يقعد يفتى ويقول اصل هو الموديل الفلانى كله كدة، تويوتا ايه اللى كلها بتطلع دخان من الفايظ دى، ده لو قال لى الكلام ده على اسبرانزا برضه مش هبلعه بسهولة كدة،

دخان من الفايض= الشنبر مش حاكم على الشميز، الفكرة كلها ان تغيير طاقم الشنبر دون خراطة مهما كان دقيق لا يمكن يمنع تسرب الزيت من خرطوم الفايض بنسبة لأن لما الشنبر اتاكل اكيد برضه الشميز اتاكل بنسبة ما ، لكن بتكون الفكرة فى تغيير الشمبر فقط ان نسبة التآكل فى الشميز مش كبيرة وبالتالى فان تغيير الشنبر فقط هيرجع العربية الى 80% من حالتها الأصلية ودون خسارة الطبقة الصلبة القوية التى تميز سطح الشميز وتضيع مع اول خرطة وكذلك توفير النفقات لأننا وفرنا الخراطة ووفرنا ثمن بساتم جديدة، وعلشان كدة بنقبل نسبة الزيت البسيطة اللى بتتسرب من الشنبر بعد عمل طقم الشنبر فى مقابل المميزات السايقة، كما ان نسبة الزيت دى بتقل بعد ما الشميز يربى شوية كربون على سطحه بعد فترة من استعمال السيارة، ولذلك مقياسك فى هذا الأمر مش شوية الزيت اللى بتطلع من خرطوم الفايض، لكن استهلاك الزيت، لو الزيت بينقص ربع كيلوجرام او اقل لكل 1000 كيلومتر يبقى كدة الشنبر كويس ومتقلقش، لو اكتر من كدة يبقى كان لازم الشميز يتخرط وييجى بستم اوسع

لكن حكاية التويوتا كلها كدة دى اجمل نكتة سمعتها السنة دى

**zumawy** · 31-05-2010 01:05 AM

بداية انا متشكر جدا للاستاذ سبعاوى و الاستاذ احمد جلال للاهتمام , يعنى المعيار الاساسى فى الامر هو مقياس الزيت , جميل الكلام طيب و بخصوص خرطوم الفايظ ادخلة فى عمة الكاربرتير ولا اشيلة اية رايكم انا خايف يلخبطلى الكاربرتير وبخصوص الزيت المستخدم فى السيارة اخر مرة حطيت اسو الرصاصى بس مس عاجبنى مخلى الموتور صوتة عالى رأيكم استخدم اية كالتكس هافولين ولا شيل ولا توتال كوارتز فى موتور بهذة الحالة ولكم جزيل الشكر

**Ahmed Galal** · 31-05-2010 08:52 AM

انا باستخدم موبيل سوبر و ما فيش اى مشاكل و بالنسبة للخرطوم رجعه و راقب العمة كل شوية عشان موضوع الزيت اللى بيرجع عليها

**sab3aawy** · 31-05-2010 09:45 AM

اقترح عليك تجرب توتال كواترز 5000 او بى بى فيسكو 2000 ، كلاهما 20 -50 وتجاربى معاهم كانت ممتازة

لو النتيجة كانت مش عظيمة يبقى انت محتاج تستعمل زيت عادة وفى هذة الحالة اقترح عليك زيت شل x100

**zumawy** · 31-05-2010 05:10 PM

لك جزيل الشكر يا ا جلال و ا سبعاوى انا هحط خرطوم الفايظ تانى و اشوف اية الاخبار و ربنا يستر , لدى سؤال اخر معلش هو توتال كوارتز معدنى ولا تخليقى وهل مواصفاتة احسن من الكالتكس هافولين والشل و الاسو ام لا , وهل برايكم الموتور بهذة الحالة ممكن يقعد معايا قد اية لو استخدامى خفيف يعنى اسبوعيا 200 كيلو و هل بعد كدة لو حصل فية حاجة الموتور بيتعمل لة عمرة ولا بيتغير و ما هى اهم الامور التى يجب مراعاتها مع الموتور مثلا يعنى بلاش الجرى و كدة ولا عادى

**mohamed_e36** · 07-06-2010 10:49 AM

المشاركة الأصلية كتبت بواسطة sab3aawy

هو ليه كل ما صنايعيى امكانياته على قده مش عارف يعمل شغلانة يقعد يفتى ويقول اصل هو الموديل الفلانى كله كدة، تويوتا ايه اللى كلها بتطلع دخان من الفايظ دى، ده لو قال لى الكلام ده على اسبرانزا برضه مش هبلعه بسهولة كدة،

دخان من الفايض= الشنبر مش حاكم على الشميز، الفكرة كلها ان تغيير طاقم الشنبر دون خراطة مهما كان دقيق لا يمكن يمنع تسرب الزيت من خرطوم الفايض بنسبة لأن لما الشنبر اتاكل اكيد برضه الشميز اتاكل بنسبة ما ، لكن بتكون الفكرة فى تغيير الشمبر فقط ان نسبة التآكل فى الشميز مش كبيرة وبالتالى فان تغيير الشنبر فقط هيرجع العربية الى 80% من حالتها الأصلية ودون خسارة الطبقة الصلبة القوية التى تميز سطح الشميز وتضيع مع اول خرطة وكذلك توفير النفقات لأننا وفرنا الخراطة ووفرنا ثمن بساتم جديدة، وعلشان كدة بنقبل نسبة الزيت البسيطة اللى بتتسرب من الشنبر بعد عمل طقم الشنبر فى مقابل المميزات السايقة، كما ان نسبة الزيت دى بتقل بعد ما الشميز يربى شوية كربون على سطحه بعد فترة من استعمال السيارة، ولذلك مقياسك فى هذا الأمر مش شوية الزيت اللى بتطلع من خرطوم الفايض، لكن استهلاك الزيت، لو الزيت بينقص ربع كيلوجرام او اقل لكل 1000 كيلومتر يبقى كدة الشنبر كويس ومتقلقش، لو اكتر من كدة يبقى كان لازم الشميز يتخرط وييجى بستم اوسع

لكن حكاية التويوتا كلها كدة دى اجمل نكتة سمعتها السنة دى

الله يفتح عليك