اقتباس المشاركة الأصلية كتبت بواسطة sam_y مشاهدة المشاركة
الاخوة الاعزاء

بهذة المناسبة ذهبت اليوم الجمعة الموافق 28/05/2010 صباحا الى مركز تابع تريبل اية اللى فى دار السلام وطبعا بعد اتصال بيهم امبارح الخميس علشان انا اجازة الجمعه فقط وردت عليا انسة وعرفتنى انهم شغالين الجمعه وفعلا وصلت على اساس اننى اعمل صيانة الـــــ 1000 كيلو على اساس تكون تجربة علشان اعرف الفارق بين الاماكن خصوصا ان ضمان aaa ارخص ولكننى فوجئت ان السيارة تخرج بعد 12 دقية فقط وانا كنت قاعد مزهول انهم غيرو الفلتر والزيت بس وطلعت العربية والفراش بيمسحها بيقولى العربية خلصت يابية
طيب فين الكشف فين الجهاز ؟
فين التشييك على 27 نقطة والله جابولى نقطة دة لو كل نقطة هتاخد دقية يبقى فية 27 دقيقة + تغير الزيت والفلتر
وطبعا جة وقت الدفع وكنت سئلت الموظفة عرفتها اننى مش بشيل فلوس علشان اتسرقت قبل كدة فى مركز صيانة ومعايا كروت الفيزا قالت اوكى عندنا
وكان موجود موظف واحد بس هو القائم بكل شئ قلى مفيش ماكينة الفيزا علشان الصراف مجاش قلتلة انا بلغت الموظفة امبارح وهى استفسرت من حد وقلها ايوة موجودة - قاللى احنا ملناش دعوة بيها دى موظفة تليفونات قلتلة يابية الفراش فى اية شركة لو اتيحت له الفرصة عن طريق الشركة للكلام فهى مسئولية الشركة عن كل افعالة
وهات وخد لغاية حضور الصراف من بيتة !!!!! حاجة بهدلة وعيب ودة مركز تابع شركة هيونداى ( اسمة الشركة المصرية ) فى اول دار السلام والمسئول اسمة ( احمد حامد ) ومسئول المركز المهندس ( احمد قارع ) والكل كان فى منازلهم وحتى غسيل السيارة مفيش والورشة من الداخل عبارة عن جراج خاص بالتاكسى العاصمة للحوادث وافضل حاجة هى الاستراحة فقط والراجل المؤدب المحترم اللى مسح السيارة بالفوطة الزفرة وهو كمان اللى عمل اتصالاتة لحل مشاكل المركز ( غريبة )
ومشيت وانا كلى غضب اننى اشتريت خليجى وندمان اكبر ندم علشان
اللى باشوفة من الصنايعية المصريين والشركات المصرية اللى عايزة تجمع فلوس وخلاص وطبعا انا كنت عارف ان المصنعية بتاعة الــ _ 1000 75 جنية
واهى مرة وحاولت انقل لكم مارأيتة فىها
واسف على الازعاج
اخوكم sam_y



دا كفايه ان المركز في دار السلام دا سبب كافي انك متروحوش
انا كنت ساكن في دار السلام لحد و قت قريب و عمري ما شوفت عربيه داخله المركز دا غير تاكسي العاصمه