انا معايا ايبيزا 94 راكب عليها مكنة 2e-2000cc
روحت يوم الجمعة علشان العفشة عند مركز النصر اللى فى المنيل (م/ هشام اسماعيل) وعملت الآتى :-

أولا : قطع الغيار (من عند فتح الباب اللى فى فيصل)
1- علبة دريكسيون كاملة بالبارات ألمانى
2- طقم مساعدين ألمانى (أمامى وخلفى)
3- 2 بطاحة مساعد أملانى
4- طقم سوست ألمانى جديد (أمامى - لا يوجد خلفى)

ثانيا : التركيب والظبط
بصراحة يا جماعة الناس هناك كويسة جداً ولازم تحجز علشان تروح والمصنعية كمان فى رأيى كويسة جدا
دفعت حوالى 230 بالاكراميات وظبط الزوايا بس المشكلة انى انا دوخت على السوست الخلفى ملقتهاش خالص حتى فى التوكيل ومركز الصيانة اللى فى ارض اللواء والتوفيقية بس مروحتش مصر الجديدة ولا الحرفيين وفرع فتح الباب اللى فى التوفيقية قاللى لو ملقتهمش جداد ركب القديم هى بس المشكلة اللى مازالت موجودة ان لما حد يركب فى الكنبة الخلفية بسمع صوت حكة مع الكاوتش فى مطبات الهوا خصوصا انى انا راكب عندى جنط 15" .
يا ترى حد يعرف السوست جديدة موجودة فين وعند مين ؟