المرة اللى فاتت محمد طنانى كتب موضوع عظيم
و هو اكبر الافتكاسات مع الميكانيكية
المرة دة اكبر الافتكاسات مع تجار قطع الغيار
عربيتى اوبل 96 الشكل القديم فكترا اية

و انا اللى هبتدى
كنت فى شهر فبراير اللى فات فى الحرفيين و كنت مشترى فردة التويتر اللى فى التابلوة من فوق الناحية اليمين من عند محمد سوسو من الوكالة بسعر 50 جنية - المهم - و انا فى الحرفيين قلت اشترى الناحية التانية كمان علشان يبقوا الاتنين كويسيين زى بعض
روحت لواحد كحروت " يعنى على الله متوكل او بالمعنى الادق عبيط " بقولة التويتر بكام قالى انا ببيع الجوز
طب الجوز بكام
قالى الجوز بـ 400 جنية
طبعا رديت فى الحال و قالتلة طب التابلوة كلة بكام
قال التابلوة ب 1500 جنية
يعنى الجحش دة جوز التويتر سعره 400 و باقى التابلوة بالعدادات بسعر 1100 ( العدادات + مفاتيح النور + بكرة التكييف + درج التابلوة و الباقى كلة و جسم التابلوة بسعر 1100 جنية )
المهم بصيتلة من فوق لتحت و مشيت من غير و لا كلمة