الموضوع دة عن افتكاسات قطع الغيار

**Ahmed_lol2007** · 31-05-2010 12:12 PM

ههههههههههههه
طريقتك جامدة أوى يا طنانى
أنا من كام يوم كنت عند سوسو اللى عندنا فى فيصل (فرع جديد بس أسعاه شمط شوية)
المهم بسأله على موامة بنزين قالى ب70 قلتله ليه هيا 45 قالى ما أنا بقولك 70 عشان إنت تقولى 50
المهم قلت دة شكله غبى رحت عند أحمد اللى فى كفر طهرمس بقوله عوامة فيكترا 98 وأتارى البيه سمعها 95 بيقولى لسه خلصانة من عندى من شوية وهيا ب250 (أنا ساعتها كنت هتف فى وشه وأجرى ) فقولت أرخم عليه بقوله عندك فوانيس بتاعت فيكترا حتة احدة قالى يا بيه إنت مفيش لعربيتك حتة واحدة رحت مشاور له على العربية قالى فيكترا 98 قلتله أمال إيه قالى أنا كنت سامعها 95 قلتله المهم قصر قالى العوامة موجودة جوة طب بكام فبيقولى عشان خطرك 200 جنيه وأبقى خسران فيها أيه أفكهالك أنا مرديتش وفضلت ماشى وانا مزبهل رحت قعدت فى العربية وأنا عمال أضحك
ومرة رحت ل هانى أوبل بقوله عندك كفر سماعات اللى فى الباب قالى أه بقوله بكام الواحد قالى عشان خطرك ب 225 (كان معايا واحد صاحبى راح حاطط إيده على بوقى وشدنى عشان معملش حاجة)والمهم أنه جديد ب85 وأستيراد فى الحرفيين كان ب 40

**Atef Saleh** · 31-05-2010 12:33 PM

هو ده جزاء اللى بيروح عند بتوع المستعمل الناس دى فاهمه الموضوع غلط بيفتكروا ان الزبون اللى رايح مش لاقى الحاجه و هم فرصته الاخيره علشان كده بيهبلوا علشان كده انا بارفض موضوع الاستيراد ده تماما مع ان فى ناس بتعشقه و دى حريه شخصيه الناس فيما يعشقون مذاهب و انا ماليش دعوه انا باكتفى بالتحذير بس و الله الموفق .

**أشرف العدوي** · 31-05-2010 12:33 PM

انا روحت اجيب ريداتير للأفيو من شركة اسمها الجيزة الوطنية في المطبعة فيصل أداني ريداتير كبير كدة
قولتله ده بتاع الافيو قالي اه
المهم روحت لبتاع الريداتير علشان اركبه طلع فعلاً مش هو خدت القديم و روحتله
قالي اه اصل الافيو ليها ريداتير كبير و ريداتير صغير و انت ما قولتليش انك عايز الصغير
طبعاً قولتله تيت في سري
و قولتله طيب ابعت هاتلي الصغير من المخزن
راح جابه و بعد مارجع قولتله هات الفلوس بقى علشان كان عايز يزود 100
كلمته بأسلوبه و قولتله انت ازاي عايز تحسب الحجم الصغير اغلى من الحجم الكبير و كمان فرق 100 جنيه
قالي بمنتهى العبط اصل الصغير عليه طلب كتير
قولتله طيب ايدك على الفلوس علشان مش هشتريه و على فكرة بس لمعلوماتك الريداتير ده بتاع اوبترا يا اما نوبيرا لانه مش هيدخل عندي في صدر العربية اساساً فبطل فتي
قعد يحلف ان الافيو ليها مقاسين مارضتش اطول معاه بصراحة
و روحت جبته من المنير

**tananybasha** · 31-05-2010 03:18 PM

المشاركة الأصلية كتبت بواسطة cayman69300

يخرب بيتك يا طنانى
يعنى و انا عمال اقرى الحكاية بتاعتك كنت حاسك ماشى فى صحرا من كتر نشفان الريق
و لما ربنا فتح عليك و ريقك اتبل تفيت على نفسك
ههههههههههههههههههههه
جامدة طبعا
على فكرة يا سعادة الكونستابل
البوبينة مطلعة كهربا و اعتقد كدة احتمال كبير تكون فى دورة البنزين مش حساس الكرنك
انا ان شاء الله هشد بكرة على المنيا و لما ارجع يحلها المولى عز و جل
و اشوف بنت الكلاب دى زعلانة لية
و تتدبر ان شاء الله
سلام و حمدا لله على سلامتك

طيب اكشف على الخرطوم اللى مدخل بنزين للدورة شوف فيه بنزين و لا لأ لو كده يبقى طرمبة بنزين يا بطل
و ترجع بالسلامه

**tananybasha** · 31-05-2010 03:21 PM

طيب اظرف من كده على سيرة عوامة البنزين بتاعت فيكترا ايه
العوامه دى مش موجوده اساساً رحت لواحد فى الوكاله بعد ما قلبت الدنيا عليها جديده و مفيش فايده ( عشان عم عاطف ما يزعلش ) قللى تمشى عليها عوامه الفيات اللينا و عشان خاطرك باكو
ده تفيت عليه و على اللى كان جاى معايا

**tananybasha** · 31-05-2010 11:53 PM

الفوانيس اه ذكرتنى بالذى مضى
فى الحرفيين ماشى و لقيت طقم فوانيس اصلى فيكترا بس وش كريستال شفاف بالأشارات بتاعتهم و طقم فوانيس ورا بتاعهم كريستال باللمض شكله تحفه دخلت على الراجل قاللى من الأخر 3000 جنيه و ناخد لمض الزينون اللى راكبه فى الطقم
معرفتش ارد عليه اقله ايه

-

-

-

الموضوع: الموضوع دة عن افتكاسات قطع الغيار

LinkBack

أدوات الموضوع

عرض

-

-

-

-

-

-

المواضيع المتشابهه

افتكاسات فى النوبيرا

افتكاسات ليلية لمواتير الاسبرانزا

علبة الشكمان باظت قولت احرب شوية افتكاسات

ماتش مصر و الجزاير و افتكاسات

الكلمات الدلالية لهذا الموضوع

المفضلات

المفضلات

ضوابط المشاركة