حوارات الأطباء والمرضى

**ahmed4000** · 15-06-2010 12:52 PM

المشاركة الأصلية كتبت بواسطة muslima

يا جماعة لو حد معترض على الاستهزاء بالمرضى فعنده حق فعلا والمريض مش مجرد شغل والا حالة زي ما بعض الاطباء بيتعودوا لكنه " إنسان "

والمرض العقلي بيثير الضحك أحياناُ للأسف

انا فاكرة أيام لما كنا بنأخذ نفسية في الكلية

الدكتورة قالت لنا حتدخلنا حالة " ’mania" ودول بقى بيقوا ملك فعلا

فطلبت منا اننا ما نضحكش واننا نفتكر ان ممكن اي حد فينا يحصل له كدة

وان مفيش كبير على المرض ومحدش يعرف بكرة فيه إيه

فعلا كانت شخصية محترمة ولولا انها حذرت من الضحك كان كل الطلبة قلبوا المحاضرة ضحك وكركرة

يا ريت كل واحد وكل دكتور لما يشوف حد ربنا مبتليه يردد

" الحمد لله الذي عافني مما ابتلاك به وفضلني على كثير ممن خلق تفضيلا"

+111111111111111111111111111

مش قادر اقول غير كده "مفيش كبير على المرض"

اللهم عافينا جميعا واحسن ختامنا

**asbeats** · 15-06-2010 01:29 PM

مفيش نفسنة ولا حاجة.... والناس كلها زي الفل ....
احنا كلنا اخوات في المنتدى.....

بالنسبة لموضوع السخرية من المريض.... دي غالبا بتبقى نوع من الهزار للتخفيف عن المريض وأهله.... ومستحيل ان طبيب يبقى قاصد يسخر من مريض مهما حصل.... ولعلمكم المرضى بيحبوا كده جدا والدكتور بيبقى خفيف على قلبهم جدا لما بيهزر معاهم ومع الأهالي

مش احسن من الدكتور الكِشَري .... ولا إيه؟؟؟؟؟؟؟

**ahmed4000** · 15-06-2010 01:31 PM

وبشكر الدكتور كمان صاحب التعليق نفسه لانه اعتذر وطلب الغاء تعليقه وده يدل على اخلاقه لان مش بسهولة حد بيعتذر دلوقتى

**icehearted girl** · 15-06-2010 03:59 PM

مش احسن من الدكتور الكِشَري .... ولا إيه؟؟؟؟؟؟؟

ضحكتني اوي اصلي في الاول قرأتها alkoshary

**الغزالى** · 15-06-2010 04:04 PM

المشاركة الأصلية كتبت بواسطة أم حمـــاس

ضحكتني اوي اصلي في الاول قرأتها alkoshary

لا واضح انك جعانة جدا

**Fouad Ezz** · 18-06-2010 09:23 PM

المشاركة الأصلية كتبت بواسطة Dr Ahmed

فكرتنى بدكتور امتياز قعد مكان أخصائى الجلدية فى عيادة مستوصف وجاله مريض وبعد الكشف قال للمريض: عندك نقص فى الجلد
المريض مقتنعش وقال حاجة تعيب فى الدكتور
الامتياز قال له ايه ده انت فاكرنى سباك ؟ أنا أستاذ فى الجلدية

والعهدة على الراوى

نقص فى الجلد
زى فشل جلدى كده

والله يادكتور أحمد ... مع إحترامى لكل الدكاترة ... لكن أنا و أخوتى شوفنا الأمرين من بعض الدكاترة والمستشفيات على مدار عام كامل لما الوالد تعب ولغاية ما توفى (الله يرحمه) ...
إللى لاحظتة فى معظم الدكاترة إنهم مش بيحبوا يناقشوك أو يوضحولك حاجة ... حاسين إنك مستحيل تفهم إللى همه بيعملوة ..
لكن فى مرة (ولإن الحمد الله الإنجليزى تخصصى فبكون فاهم بعض اللى بيقولوه الدكاترة) أنقذت والدى من تسرع وسوء فهم ...
كان الوالد عامل عملية بتر أجزاء من الزراعين علشان حصله cellular infection بسبب كالونة الحقن فى المستشفى ... وجاء دكتور إستشارى علشان يبص على الجرح ومعاة مجموعة طلبة ... بص على الجرح لمدة 10 ثوان ... وبعدين بدأ يكلم الطلبة ويقولهم فيما معناه إن البتر ده بسبب مرض السكر ... فإستأذنت إنى أقاطعة ووضحت له إن السبب الرئيسى هو إلتهاب خلوى بسبب تلوث من المستشفى وإن السكر عند والدى مش حالتة متأخرة أوي وإن هنا أساسا بيتعالج من نقص المناعة ... فبصلي بإشمئزاز جدا ... كأنى كنت بخرف ... وبعدين نادى على الدكتور المتابع للحالة وقالة برضوا بالإنجليزى ... " هو البتر ده بسبب إلتهاب خلوى؟" قاله "أة" قالة "ومين إلى أجرى الجراحة دى! إزاي مانضفش الجرح للأخر ... فيه لسة بعض الخلايا المصابة ... النهاردة يتزل العمليات ويتشال الجزء الباقى دة؟" ............ الله يرحمه ... إتعذب كتير قبل ما يموت ربنا يجعله له فى ميزان حسناتة.

**Dr Ahmed** · 18-06-2010 09:32 PM

المشاركة الأصلية كتبت بواسطة fouad ezz

والله يادكتور أحمد ... مع إحترامى لكل الدكاترة ... لكن أنا و أخوتى شوفنا الأمرين من بعض الدكاترة والمستشفيات على مدار عام كامل لما الوالد تعب ولغاية ما توفى (الله يرحمه) ....

ربنا يرحمه ويرفع درجاته

أنامتفق معك تماما بصفتى فى الوسط وبصفتى مرافق لوالدى الله يرحمه فى غسيل الكلى لسنتين تقريبا شفت خلالها أفظع درجات الهبل والإهمال لحالة والد طبيب يعتبر مش صغير على الأقل

وأوافقك جدا إن مقابلة طبيب أمين على الحالة وشاطر فى نفس الوقت بقت شئ بعتبره نادر

**ahmed4000** · 18-06-2010 09:45 PM

المشاركة الأصلية كتبت بواسطة dr ahmed

ربنا يرحمه ويرفع درجاته

أنامتفق معك تماما بصفتى فى الوسط وبصفتى مرافق لوالدى الله يرحمه فى غسيل الكلى لسنتين تقريبا شفت خلالها أفظع درجات الهبل والإهمال لحالة والد طبيب يعتبر مش صغير على الأقل

وأوافقك جدا إن مقابلة طبيب أمين على الحالة وشاطر فى نفس الوقت بقت شئ بعتبره نادر

وانا احييك يا دكتور على انك مدافعتش عن مجالك - زى مغالبية الناس بتعمل- واصررت على ان كل الدكاترة بيفهموا ماعدا قلة وان المشكلة فى العينانين

..وللاسف هو ده اللى ببيخلى الناس بقم يناقشوا ويجادلوا الدكاترة لانهم بيبقوا خايفين او للاسف راحوا لدكتور تانى وقالهم كلام مختلف

انا ابنى جلتله حالة بربشة فى العين لقيت على خمس دكاترة فى العيون مش اقل من استاذ دكتور ورئيس قسم فى جامعة مش عارف ايه

ولا واحد فيهم قال نفس التشخيص التانى

ولا اشتركوا فى اعطاء قطرة واحدة حتى!!!!

وللاسف ولا واحد فيهم علاجه جاب نتيجة رغم التزامانا التام بالتعليمات

فاخر واحد قال كلام اتقال قبل كده بقطرة مختلفة فرديت عليه بوقعدت اجادل قام اتخانق معايا وقالى خد فلوسك!!!!!

فاعذروا المريض لما يقاوح

او قلوله على الاقل يعمل ايه وهو محطوط فى خانة اليك...لا هو فاهم حاجة ولا عارف يحدد الدكتور اللى فاهم من اللى مش فاهم

-

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة