بفضل الله استلمت السيراتو بعد طول بحث وتردد

**contact** · 01-06-2010 02:28 PM

الف مبروك وربنا يبارك فيها

**masryxt** · 01-06-2010 02:34 PM

المشاركة الأصلية كتبت بواسطة medociv

ربنا يباركلك فيها ويرزقك خيرها ويكفيك شرها
انا بس ليا ملحوظتين
هو حنورة موتورز ده شغال حلو اوي وهو بيستورد بنفسه (الشركة العالمية)
معرضه في احمد الصاوي من مكرم عبيد والمخزن بتاعه في ش محمد النادي وده ارض فاضية مفتوحة وبيتنا بيطل عليها المهم اني شفت السواقين بيطلعو العربيات وبيدخلوها وبعض منهم مش كلهم بيفترو في العربية وهو بيطلعها شغل الكاسيت بصوت عالي - طلعة امريكاني - يطلع فوق حتة زي رصيف بسرعة جامدة
واكرر ده مش كل العربيات ومش كل السواقين بعض منهم والبعض الاخر بيحسس على العربيات وهو بيركنها خايف عليها والبهدلة ده بتبقى بليل بس عشان محدش شايف واخويا قالي كان بيبقى سهران وبيشوف اوسخ من كده وعلى طول
المهم في الليلة ده انا كلمت سواق تقريبا او مشرف من اللي بيوقفو العربيات هناك وشديته وان ده عربيات ناس وحرام والراجل اتحرج وتاني يوم رحت معرض حنورة وكلمت واحد من الادارة وقلتله قالي كويس انك قلتلي وانا هتصرف واعتقد ان القصة ده محصلتش في اليومين اللي بعد كده بس انا بعد كده سافرت (انا قلت للراجل بتاع المعرض ان لو ده عربيتي انا فعلا مش هستلمها) فخلو بالكو وشيك على عربيتك قبل ماتستلم وجرب الموتور ليكون فوتو
بس الصراحة عربياتهم حلوة وشغالين كويس
الحاجة التانية اني سالت على اخت عربيتك والله كنت عايز نفس اللون النحاسي من حوالي شهر كانت ب 109 الف (من حنورة) وممكن تنزل اعتقد الف ولا اتنين .....ربنا يباركلك في العربية ويسترها معاك

انا بأشكرك علي ردك وعلي حرصك علي ممتلكات الاخرين ربنا يجازيك خير عن الجميع

بالنسبة للمعرض انا قبل ماخد منة سألت وعرفت انة اصلا من المستوردين الرئيسيين بالنسبة للخليجي وتعاملهم محترم وهو بدأ يبيع للافراد من فترة وكل المعارض الكبري عارفينة

طبعا انا ركزت علية او علي غيرة من المستوردين الكبار زي عبد الشهيد علشان هامش التفاوض يبقي اعلي

ثانيا بالنسبة للسعر مع احترامي لكلامك ومصدقك مليون في المية بس اعتقد انك بتتكلم في فئة تانية مواصفاتها كالتالي
نفس مواصفاتي بس تنقص الدواسات النيكل والشكمان النيكل-نوعية الفرش مختلفة-الفرامل الخلفية مش ديسكات ولكنها طنابير-مافيش سي دي تشانجر-مافيش مفتاح بصمة-مافيش ولاعة سجائر ولا طفاية

انا علمتلك علي الحجات الاساسية اللي انا واثق مليون في المية انها لو موجودة مش هاتقل عن 116000

ان بفالي 55 يوم بالف علي المعارض وعرفت كل التفاصيل عن السيراتو والكارينز لانها كانت من ضمن الاختيارات الاولي

ولو فية حاجة اقدر اساعد بيها اي عضو انا تحت امرة

واشكر الجميع

**medociv** · 01-06-2010 03:30 PM

المشاركة الأصلية كتبت بواسطة masryxt

انا بأشكرك علي ردك وعلي حرصك علي ممتلكات الاخرين ربنا يجازيك خير عن الجميع

بالنسبة للمعرض انا قبل ماخد منة سألت وعرفت انة اصلا من المستوردين الرئيسيين بالنسبة للخليجي وتعاملهم محترم وهو بدأ يبيع للافراد من فترة وكل المعارض الكبري عارفينة

طبعا انا ركزت علية او علي غيرة من المستوردين الكبار زي عبد الشهيد علشان هامش التفاوض يبقي اعلي

ثانيا بالنسبة للسعر مع احترامي لكلامك ومصدقك مليون في المية بس اعتقد انك بتتكلم في فئة تانية مواصفاتها كالتالي
نفس مواصفاتي بس تنقص الدواسات النيكل والشكمان النيكل-نوعية الفرش مختلفة-الفرامل الخلفية مش ديسكات ولكنها طنابير-مافيش سي دي تشانجر-مافيش مفتاح بصمة-مافيش ولاعة سجائر ولا طفاية

انا علمتلك علي الحجات الاساسية اللي انا واثق مليون في المية انها لو موجودة مش هاتقل عن 116000

ان بفالي 55 يوم بالف علي المعارض وعرفت كل التفاصيل عن السيراتو والكارينز لانها كانت من ضمن الاختيارات الاولي

ولو فية حاجة اقدر اساعد بيها اي عضو انا تحت امرة

واشكر الجميع

مظبوط فعلا هي من غير بصمة

**Hosam_Optrawy** · 01-06-2010 04:01 PM

الف مبروك ربنا يباركلك فيها

والسعر و الاوبشنز مناسبين جدا

**AHMED1718** · 01-06-2010 08:17 PM

المشاركة الأصلية كتبت بواسطة masryxt

اشكر الجميع

لو انت لقيت نفس المواصفات اللي انا كاتبها عند عبد الشهيد و ب110500 يبقي تيجبها فورا لان انا جايبها اغلي من كدة انا جايبها ب 114500 بس لازم تراجع المواصفات بدقة

انا اسف انا نسيت اقول ان فيها مفتاح بصمة وخد بالك تكون الفرامل الخلفية ديسكات اللي بيقولوا عليها سكاكين

انا زي ماقولت هي بالضبط هاي لاين بس بجنط 16 ومن غير فرش جلد ولا مرايات تعتيم

المعرض حنورة موتورز وفية معرض تاني كمان كان قالي انة ممكن يجيبلي نفس المواصفة بس ماحصلش نصيب

بالنسبة ل aaa انا عملت بحث مطول عن شركات الضمان الخليجي
ولن تخرج عن شركتان معروفين انا اخترت اللي في تجارب لناس معاها وغيروا علي حساب الضمان حجات مكلفة

والناس دي من خلال مواقع مختلفة وليس من خلال احتكاك مباشر
امثلة فتيس باسات
بالنسبة للشركة التانية انا رفضتها علشان المركز الرئيسي بتاعهم انا ليا اكتر من تجربة بعربيتي الفورد التورس معاهم وتجارب للاسف اكتر من سيئة يمكن كانت حالة فردية الله اعلم بس انا كنت الكلمة اللي دايما بقولها لهم
اني لما بحس بنقص في ميزان حسناتي باروحلهم علشان عارف انهم هايكملوهالي ويزيد كمان والحدق يفهم

مرة اخري انا لم احتك بشكل مباشر معاهم ولكنهم ارخص وليهم مراكز كتيير تبعهم يعني بيكون فية خيارات كتير لو ماعجبكش واحد تروح التاني وتختار كمان الانسب والاقرب ليك
الثلاث سنوات ب 2100

انا تحت امرك في اي استفسار

اللي انا محتار فية دلوقت اامن ولا لأ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

اولا شكرا لاهتمامك ياباشا
وبعدين اللى سألت عليها مكنت بصمة تقريبا ولا فرش جلد بس الباقى موجود
ربنا يسهل
بالنسبة للتأمين والله دى مزاجات بس انا بشوف حجات غريبة منهم من شركات التأمين حصلت مع ناس كتير اعرفهم بس لو ناوى تأمن انضف شركة تأمين هيا اليانز

اللى بيحصل بقا من شركات التأمين كالاتى
اى خبطة متوسطة ممكن تتقلب من مقايسة التوكيل باهلاك كلى وطبعا تيجى تحسبها تلاقيك خسران 100% هياخد منك العربية وهيديك الشيك او الفلوس بعد طلاع روح وطبعا هيديك المبلغ المؤمن عليه بس وهوا هيكسبالعربية اللى هيبيعها ف مزاد وترجع فابريكا تانى

فانا رأى انك تطلع حاجة لله او تدبح وتوزع الضحية على ناس غلابا ودى هتبقا احسن تأمين ان شاء الله