الموضوع: لانسر 99 (1800 تيربو) ولا عربية جديدة 110,000 جم

المشاركة الأصلية كتبت بواسطة shouk_1987

طب بقولك يا semsem kane هو مافيش عربية فى رينج ال 120 ألف و يكون أداءها عالى و تكون stock و لا أنا بحلم أنا عارف إن السعة اللترية محجمة الموضوع و الجمارك والموال ده بس مافيش كده حاجة فلتة خالص
ياعنى أنا معلوماتى مش قوية أوى بس مثلا عربيتك SIR اللى أعرفه إنها 170 حصان (ربنا يباركلك فيها) بس هى كام سى سى و هل كانت غالية مقارنة باللى حواليها ولا لأ ؟؟؟

حاليا مافيش عربية ادائها كويس عن الاخرين غير السيارات اللى نازلة بتيربو بس للاسف بتاخد بنزين 95 عشان تخرج قوتها كاملة ,وبردة كويسة مش اللى هية السوبر اوى يعنى بيبقى اخر الماتور 150 حصان زى البرافو مثلا ودية سعرها بيوصل ل155 الف فطبعا هنخرجها من الموضوع
لكن فى فئة ال120 الف مافيش غير اللينيا تيربو ودية قوتها 120 حصان من ماتور 1.4 سى سى احسن واحدة من ناحية التسارع والوصول للسرعة القصوى يعنى بتريح قليل على كل سرعة مابعد ال130

وانا سياراتى 1.6 سى سى بتخرج 175 حصان بالفلتر الاسبور وبتوصل ل100 كيلو من الثبات فى 6.5 او 7 ثوانى كاأبعد احتمال ,والتوب سبيد بتاعها انا هتكلم على اللى انا جيبتة 258 كيلو
والهوندا الsir بتنزل كدة من الشركة وموجودة انزل بورسعيد هتلاقى مثلا واحدة عاملة 40 الف جنبة هتجيبها هنا بالجمارك هتعمل 70 او 65 الف جنية وعلى فكرة الsir بدأ من سنة 1992 لحد سنة 2000 وبعد كدة اتحول الاسم الى typr r ومواتير اصبحت 2000 سى سى
وفية بردة نوع اخر من مواتير الsir بيسموة type r ودة صاروخ فعلا قوتة 1.6 سى سى بردة بس بيخرج 185 حصان وبيجيب من 0 الى 100 فى 6 ثوانى ونفس السرعة القصوى تقريبا 260 كم بس قطع غيارة نادرة وغالية جدا وسعر الماتور غالى جدا بيوصل ل17 و18 الف جنية فمحدش بيجيبة الا الغاوى
وممكن انت لو عايز تبيع اللانسر وتدور على سيارة هوندا سيفيك موديل مثلا من 97 الى 2000 تكون معدلة ومركبة الماتور دة لانك قليل لما هتلاقيها sir اوريجينال او عربية عادية بس هاتها Vti عشان تكون كاملة وتسقطلها انت المكنة بدون اى تعديلات نهائى
الماتور بيجى بعفشتة بشكمانة بالكنترول بتاعة وبيعمل فى حدود من 12 الى 14 الف حسب الحالة والبودى اصلا بتاع الهوندا مخصص انة يستحمل مواتير فوق ال2000 سى سى لان الماتور الsir دة لما بيتعدل من جوة بيخرج من 400 الى 450 حصان لانة تكنولوجيا حديث ومتطور

المشاركة الأصلية كتبت بواسطة Ralliart

استاذ semsem kane اللانسر مش معده لـ1300 سي سي لانها بتنزل بالموتور الـ1800 تيربو برره بنفس الشاسيه (نفس كود الشاسيه ) زيها زي الهوندا المعدل لـsir دا غير ان نفس الشاسيه بينفع 4wd وهتلاقي اماكن عمود الكردان والدفرنس وكل حاجه
وكمان مش هيحتاج يغير سبايك وجوان وطقم صبابات لان الموتور ستوك بالتيربو بتاعه بينزل كده من المصنع

ماشى ياباشا بس اعتقد كدة ان الكلام دة بينطبق على الميراج ولو انطبق على اللانسر مش هتلاقى حد هنا يعرف عنها خالص لانها تقريبا بتنزل دركسيون يمين ,دة غير ان اشهر مواتير هنا هية المايفك ال172 حصان 1600 سى سى غير كدة مش هتلاقى ,واعتقد بردة ان اللانسر مالهاش سوق هنا نهائى او حتى فى الخليج عن الالمواتير ذات السعة اللترية 1800 سى سى لانى عمرى ماشوفتها ولا حتى سمعن حد مسقطها انا اللى اعرفة مواتير الرالى بتاعتها او مواتير ال evo ودية الى بتعادل مواتير الsir من هوندا او typr r بعد ذلك