الموضوع: موضوع جديد عن الكنترول يونت والحساسات

موضوع اكثر من ممتاز
شرح مبسط وواضح
طريقه رائعه التصوير للايضاح
كلة علي بعضه 100-100
نطمع في الكثير من ذه المواضيع
افادكم الله كما افدتومونا

تسلم ايديك يا باشا على المعلومات القيمة
بس معلش الصور مش باينة عندي خالص لو ممكن ترفعها تاني
وكنت عايز أسأل الحساسات دي كلها انا سمعت ان ممكن ننضفها ياريت لو تعرف الطريقة توضحهالنا
ولك جزيل الشكر

المشاركة الأصلية كتبت بواسطة tamer_aj

الموضوع قديم وكان من أول ما أشتريت العربية وهو إن في الحر الشديد و مع التكييف ساعات ألاقي أمبير الحرارة رفع فوق ال 100 للحظات و نزل تاني للطبيعي وده في أقل من 3 ثواني,

ولما روحت التوكيل الصيف اللي فات وكنت في صيانة الألف. والناس هناك بصراحة إهتمت بالموضوع جدا وطلع الموضوع في الثرموستات اللي في الموتور
وفعلا غيروهالي وإتحلت المشكلة بس ده كان أخر الصيف اللي فات.

لكن مع هجوم الصيف الشرس السنة دي و مع تشغيل التكييف بلاحظ إن المروحة بتفضل شغالة بعد لما أبطل العربية لمدة تزيد عن الخمس دقائق.....!!!! (أكيد ده مش طبيعي)
, مع ملاحظتي بالصدفة إرتفاع مؤشر الحرارة ليتعدي ال 100 درجة ولكن أيضا للحظات ثم يعود ثانيا للطبيعي لحظيا....!!!!

فلذلك وبعد موضوع أ/ رامي عن وحدة التحكم, فأنتبهت لذلك بأن المشكلة ممكن تتطلع في وحدة التحكم في شكل خلل في حزمة البرامج المشغلة....!!! فيكون الحل بسيط جدا بتغير نسخة البرامج المشغلة.

انا كان عندي نفس المشكلة دي بالظبط
وكانت المياة بتنقص تقريبا كل 3 أيام ارجع أزودها تاني و المراوح فعلا تفضل شغالة بشكل مبالغ فيه وكانت الحرارة ترتفع كل شوية و ترجع تاني نتيجة ان المروحة بتشتغل كتير عشان تحافظ على الحرارة
وفي الاخر بعد لف كتير وبعد ما سألت كذا واحد ماحدش عارف حاجة لقيت ميكانيكي اكتشف ان المشكلة في الغطا بتاع الرادياتير انا مش فاهم ايه اللي حصل بالظبط بس تقريبا الغطا ده كابس بطريقة مش سامحة برجوع المياه من الرادياتير للإربة البلاستيك بتاعة المياه
لو المشكلة عندك زي عندي حضرتك تعمل الآتي :
زود مياه في الاربة البلاستيك والرادياتير اول ماتدور العربية الصبح
استنى لما تمشي شوية وتحس ان المروحة بتشتغل كتير و تشوف عداد الحرارة علي
بص على الاربة البلاستيك شوف فيها مياه ولا فاضية خالص وياريت تشيلها من مكانها وانت بتشوفها عشان المستوى الطبيعي للمياه فيها اصلا منخفض فممكن تفتكر ان هي فاضية او ناقصة وهي فيها من تحت
دي بقى اهم نقطة وممكن تعملها من غير الخطوات اللي فاتت :
في خرطوم رفيع بيوصل من الرادياتير من تحت الغطا كده للإربة البلاستيك حضرتك هتفكه من الرادياتير والعربية واقفة و دايرة و ماتفكش غطا الرادياتير وتخلي حد يزود بنزين من جوه العربية لو لقيت مكان الخرطوم بيطلع مياه مع تزويد البنزين يبقى مش هي دي المشكلة لو لقيت انه مابيطلعش مياه يبقى تاخد الغطا معاك وتجيب واحد مكانه و خلصت المشكلة على كده ان شاء الله
أنا جبت غطا نوعه انجليزي تقريبا ب 20 جنيه ومش شرط تقول وانت بتجيبه ان العربية بروتون قول انا عايز غطا شبه ده وخلاص
جرب كده و ابقى طمنا وصلت لايه ؟؟

الصور واضحه ياريت نستني علي الصفحه لعايه ما تحمل
استاذ\مهاب
استاذ \ محمد عبد العال
كلامكم عن التوبك زي الوسام علي صدري

بي النسبه للمهندس تامر استني موضوعي القادم عن دوره التبريد وهتلاقي الحل