الاسبوع اللي فات رحت للميكانيكي وحكيت له قام فتح غطاء الريداتير و دور العربية فوجد فيه (نفخ) بمعنى أن في هواء بيخرج منه مع دوران الموتور..
قال لي إن جوان وش الموتور مش متثبت كويس أو به شرخ أو مقبب بسبب إن السيارة سخنت مرة جداً فسببت انبعاج به!! وهذا يسرب الحرارة لدورة التبريد فيسخن المياه جداً و بالتالي يقل كفاءته في التبريد فيسخن الموتور.

المهم تركتها له وقلت له يضبط كل حاجة .. ورحت تاني يوم كان خلصها وقاللي تعالى بعد كام يوم أضبطلك التاكيهات ..
الأعراض أغلبها زال فعلاً - التدوير أصبح من أول مرة والرجرجة بعد التبطيل زالت الحمد لله - لــــكـــن صوت الموتور أصبح ســـــــــــــــــــيــــ ــــــيء جداً (كأن حديد بيخبط في بعض) واليوم بصراحة سخنت تاني (حوالي 110 درجة) بس كان مشوارطويل شوية!!
والغريب أن صوت الكركرة -كأنك بتطلع بالسيارة على الثالث- استجد على السيارة فمثلاً بعد المطبات كنت دايماً بطلع على التاني عادي لكن الآن بتكركر كأني على التالت أو الرابع!!!
عموماً إن شاء الله سأرجع له الجمعة لضبط التاكيهات و سأقول له على هذه الأمور