السلام عليكم....

أنا معايا 127 مو82 ... كانت ماشية زي الفل بس من فترة قصيرة بدأت عليها أعراض غريبة..
أول حاجة بدأت تسخن بشكل غير معتاد فكشفت على المية والزيت .. المية كانت ناقصة شوية وزودتها ومنقصتش تاني
أما الزيت فلاحظت انه بينقص كل ما أزوده والموتور عليه زيت و لما باركنها كام ساعة بلاقي تحتها بقع زيت صغيرة.
روحت للميكانيكي -اللي كان عاملها نصف عمرة من كام شهر- وهو راجل محترم بس كبير في السن وقالي الأولسيل الوراني... وقال مش ضروري أغيره لأنه يتطلب فك الدبرياج و ده حيكلف كتير فاستنى لغاية ما تحتاج تغير حاجة في الدبرياج وغيره بالمرة...

الظاهرة الغريبة انها -خاصة لما تكون سخنة- بعد ما أبطل العربية وأشيل المفتاح ,الموتور ما بيبطلش على طول لكن بيقعد يرجرج جامد شوية وبعدين يسكت!!

أيضاً لاحظت مع نفس الفترة أن صوت الموتور أعلى و أخشن... وأيضاً بتدور بصعوبة الصبح (بعد خمس ست محاولات) وخايف تبوظلي البطارية...

العربية زي ما قلت لحضراتكم عاملة نص عمرة آخر الصيف اللي فات (ومشاويرها قليلة عادةً) و كانت ماشية كويس بعدها -(ما عدا صوت تكتكة .. الظاهر الميكانيكي معرفش يظبطه) لغاية ما بطلت مني وانا خارج من الرحاب على طريق السويس واضطريت أجيب واحد ماعرفهوش من الرحاب علشان يمشيهالي و بعد ما قعد (يعك) ساعتين غير طلمبة البنزين ومشيت الحمد لله بس كان لعب في ضبطة الكاربراتير ومن ساعتها العربية مش مظبوطة لغاية ما بدأت المشاكل السابقة..

إيييه الرغي ده كله؟؟؟؟ّ!!!!!!

المهم يا أخواني أنا باستشيركم في الموضوع ده
ايه ممكن يكون السبب؟؟
وهل فعلا موضوع الأولسيل ده ممكن يتأجل طالما الزيت اللي بيطرطش مش كتير زي ما المكانيكي قال؟
و ايه سبب الرجرجة و السخونة وبطء التدوير؟؟
وعاوز نصيحة بنوع زيت مناسب أحطه (خاصة إني بأحط كل شوية)

آآه افتكرت ... أنا كشفت على البطارية وقالولي كويسة... وافتكرت كمان اني حرقت بالموتور كام مرة كدة قبل الأحداث دي -مضطر طبعاً-

آآآآآآسف جداً على التطويل وشكراً مقدماً